Mathaayo 21:14 - ÎVUKU RÎA ÛVORO MWARO

¹⁴ Nao andû arîa maarî atumumu na cionje nîmaathiîre kûrî Jesû hekarûrî, na akîmavonia.

Mathaayo 21:14 ပူးပေါင်းရင်းမြစ်များ

Isaia 35:5

Itumumu nîikaavota kwona, na itaigua nîikaavota kwîgua.

Mathaayo 21:15

Nwatî anene a athînjîri-Ngai na arimû a Watho nîmaarakarire moona maûndû manene marîa Jesû eekaga. Nîmaarakarire megua ciana ikiugîrîria irî hekarûrî atîrî, “Hosana Mûrû wa Daudi!”

Mathaayo 4:23

Nake Jesû nîwathiîre kûndû kuonthe vûrûrirî wa Galili, akîthomithanagîria mavoerorî, akîvunjagia Ûvoro Mwaro wîgiî Ûthamaki wa Ngai, na akîvonagia andû arîa maarwarîte mîrimû ya mîthemba yonthe, wana arîa maarî na wonje wa mîthemba yonthe.

Mathaayo 9:35

Nake Jesû nîwathiîre matûûrarî monthe na icagirî cionthe. Ke nîwathomithagia arî mavoerorî, akîvunjagia Ûvoro Mwaro wîgiî Ûthamaki wa Ngai, na akîvonia andû arîa maarî na mîrimû na wonje wa mîthemba yonthe.

Ciîko 10:38

Mue nîmwîcî ûvoro wîgiî Jesû Mûnazarethi. Ngai Nîwamûvere Roho Mûtheru na akîmûva vinya. Jesû nîwathiîcaga kûndû kuonthe agîkaga waro na akîvonagia arîa onthe maanyitîtwe nî Ngoma. Jesû eekaga ûguo nîûndû Ngai aarî vamwe nake.