Mathaayo 20:6 - ÎVUKU RÎA ÛVORO MWARO

⁶ Na ciakinya ta thaa îkûmi na îmwe nîwathiîre thokorî rîngî na akîona andû engî marûngamîte kuo. Nake nîwamaûririe atîrî, ‘Nîkî kîratûma mûte mûthenya mûgima mûrûngamîte gûkû mûtarî na wîra wa kûruta.’

Mathaayo 20:6 ပူးပေါင်းရင်းမြစ်များ

Nthi 19:15

Ûgûûta ûtûmaga mûndû amame; nwatî kûgangara gûtûmaga mûndû anyitwe nî yûra.

Mûvunjia 9:10

Rutaga wîra waku na vinya yaku yonthe nîûndû kwa arîa akuû gûtirî kûruta wîra, kana gwîciiria, gûtirî ûmenyo kana ûûgî na kûu nîkuo ûthiîte.

Ezek 16:49

Îvîtia rîa mwarwanyûkwe Sodomu nî atî, ke na erîtu ake maarî etîi, maarî na irio cia kwîgana na nîmeganîrîte, nwatî matiatethagia andû arîa maarî athîni na avatari.

Mathaayo 20:5

Nao nîmaathiîre. Nake nîwacokire agîka wa ûguo ciakinya thaa thita na thaa kenda.

Mathaayo 20:7

Nao nîmaamûcokerie atîrî, ‘Gûtirî mûndû ûtûveere wîra.’ Nake nîwamerire atîrî, ‘Wa namue thiîni mûkarute wîra mûgûndarî wakwa.’

Mathaayo 20:9

Rîrîa aruti wîra arîa maandîkirwe thaa ikûmi na îmwe maathiîre kûrîvwa, wa mûndû aarîvirwe dinarii îmwe.

Johana 9:4

Rîrîa kûrî mûthenya nwa nginya twîkare tûkîrutaga wîra wa ûrîa wandûmire. Ûtukû nîûgûkinya rîrîa gûtarî mûndû ûngîvota kûruta wîra.

Ciîko 17:21

(Andû onthe a Athene na arîa engî maatûûraga kuo maumîte mavûrûrirî mageni nîmeendete mûno gûtûmîra mavinda mao monthe kûvecana na kûthikîrîria ûndû wa wonthe mûgeni.)

Ahib 6:12

Tûtingîenda mûtuîke igûta. Nwatî tûngîenda mwîgerekanie na andû arîa magaaga ciîranîro cia Ngai na njîra ya wîtîkio na gûkirîrîria.