Mathaayo 20:27 - ÎVUKU RÎA ÛVORO MWARO

²⁷ Na mûndû wa wonthe ûngîenda gûtuîka wa mbere gatagatîrî kenyu, nwa nginya atuîke ngombo yenyu.

Mathaayo 20:27 ပူးပေါင်းရင်းမြစ်များ

Mathaayo 18:4

Mûndû ûrîa mûnene ûthamakirî wa îgûrû, nî ûrîa wînyivagia na agatuîka ta kaana gaka.

Mathaayo 20:26

Ûguo tîguo kwagîrîrwe nîkwîthîrwa gwîkariî gatagatîrî kenyu. Mûndû ûrîa ûkwenda gûtuîka mûnene gatagatîrî kenyu, nwanginya atuîke ndungata ya arîa engî.

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Luka 22:26

Nwatî ûguo tîguo mwîkariî. Tigani ûrîa mûnene viû gatagatîrî kenyu atuîke mûnini viû, na mûtongoria atuîke ta ndungata.

Aroma 1:14

Nîûndû mbîthagîrwa ta nîrî na thirî kûrî andû onthe: Aangiriki na acenji, andû aûgî na arîa matarî aûgî.

2Akor 11:5

Ndigwîciria atî atûmwa acio enyu metucaga a mwanya nî aro kûngîra.

2Akor 12:15

Nîngaakena ngîtûmîra kîrîa kîonthe nîrî nakîo na ndûmîke nîguo nîmûtethie. Ethîrwa nînîmwendete mûno anga mue nwa mûmende vanini?

2Akor 4:5

Nîûndû tûtivunjagia ûvoro wetû tue ene, tûvunjagia Jesû Kristû nî Mwathani. Natue tûrî ndungata cienyu nîûndû wa Jesû.