Mathaayo 20:26 - ÎVUKU RÎA ÛVORO MWARO

²⁶ Ûguo tîguo kwagîrîrwe nîkwîthîrwa gwîkariî gatagatîrî kenyu. Mûndû ûrîa ûkwenda gûtuîka mûnene gatagatîrî kenyu, nwanginya atuîke ndungata ya arîa engî.

Mathaayo 20:26 ပူးပေါင်းရင်းမြစ်များ

Ezek 24:13

Ciîko ciaku cia ûmaramari we Jerusalemu nîcio ikûgwatîtie mûgiro. Nageririe gûkûtheria ûkîrema. Kwoguo nîwîkara ûtarî mûtheru nginya rîrîa ûkegua ûrito wa marakara makwa.

Mathaayo 20:27

Na mûndû wa wonthe ûngîenda gûtuîka wa mbere gatagatîrî kenyu, nwa nginya atuîke ngombo yenyu.

Mathaayo 25:44

“Nao nîmakaamûcokeria atîrî, ‘Nî vîndî îrîkû Mwathani twakwonire ûrî mûvûtu, kana ûrî mûnyondu kana ûrî njaga kana ûrî mûrwaru kana ûrî njeera, na tûkîrega gûgûtungatîra?’

Mathaayo 27:55

Navo vaarî na aka eengî meroragîria marî varaca. Aka acio nî arî maarûmîrîrîte Jesû kuuma Galili makîmûtungatagîra.

Maariko 10:43

nwatî ûguo tîguo gûkwîthîrwa gwîkariî gatagatîrî kenyu. Mûndû wa wonthe ûngîenda gûtuîka mûnene gatagatîrî kenyu, nwa nginya atuîke ndungata ya arîa engî onthe.

Maariko 10:45

Nîûndû Mûrû wa Mûndû wa nake ndaaûka gûtungatîrwa, nwatî aaûkire gûtungata na kûvecana mwoyo wake ûtuîke wa gûkûûra andû engî kuuma meviarî.”

Maariko 9:35

Nake Jesû nîwekarire nthî, agîîta arutwa acio îkûmi na aîrî na akîmeera atîrî, “Mûndû wa wonthe ûngîenda gûtuîka mûnene, nwa nginya enyivie na atuîke ndungata ya arîa engî.”

Luka 18:14

Nie nîramwîra na ma atî, mwîtia ûcio wa mbeca cia gooti eenûkire gwake mûciî arî mwagîrîru methorî ma Ngai gûkîra Mûfarisai. Nîûndû mûndû wa wonthe wînenevagia nîakaanyivua nake ûrîa wonthe wînyivagia nîakaanenevua.”

Luka 22:26

Nwatî ûguo tîguo mwîkariî. Tigani ûrîa mûnene viû gatagatîrî kenyu atuîke mûnini viû, na mûtongoria atuîke ta ndungata.

Johana 18:36

Nake Jesû nîwaugire atîrî, “Ûthamaki wakwa tî ta wa andû a gûkû nthî. Nîûndû ûthamaki wakwa ûngîkariî ta wa andû a gûkû nthî, arûmîrîri akwa nîmangîrandûîrîra nîguo ndikanenganîrwe kûrî Ayahudi. Nwatî ûthamaki wakwa tî ta wa andû a gûkû nthî!”

Ciîko 13:5

Na rîrîa maakinyire Salamisi nîmaavunjirie kiugo Kîam Ngai mavoerorî ma Ayahudi. Nake Johana Maariko aarî vamwe nao arî mûtethia wao.

2Akor 1:24

Tue tûtiramûringîrîria maûndû marîa mwagîrîrwe nî gwîtîkia; Nîtwîcî atî mûrî ekindîru wîtîkiorî wenyu, nwatî tûrutithanagia wîra namue nîguo mûkenage.

2Tim 1:18

Nie nîravoya Mwathani akeeguîra Onesiforo ntha mûthenya wa Mûthiia. Nîûndû we wanawe nîwîcî waro ûrîa aandethirie vîndî îrîa naarî Efeso.

File 1:13

Nie nwa mende twîkare nake nîguo andethagie vandûrî vaku vîndî îno nîrî gûkû njera njovetwe nîûndû wa kûvunjia ûvoro mwaro.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

1Pet 4:11

Mûndû ûrîa ûvunjagia nwanginya avunjagie ndûmîrîri ya Ngai, na ûrîa ûtungataga nwanginya atungatage na vinya îrîa aveetwe nî Ngai, nîguo Ngai akumague na njîra ya Jesû Kristû maûndûrî monthe marîa mûgeekaga nîûndû riiri wonthe na vinya nî ciake tene na tene. Ameni.

1Pet 5:3

Tigagani kûvinyîrîria arîa mûvetwe mûmamenyagîrîre, nwatî îthagîrwani mûrî kîonereria Kîamro kûrî o.

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.