Mathaayo 20:22 - ÎVUKU RÎA ÛVORO MWARO

²² Nake Jesû nîwerire avîcî acio a Zebedii atîrî, “Mue mûtiramenya kîrîa mûravoya. Nîmûkûvota kûnyuîra gîkomberî Kîam mînyamaaro kîrîa nie ngerie kûnyuîra?” Nao nîmaamûcokerie atîrî, “Ii nîtûkûvota.”

Mathaayo 20:22 ပူးပေါင်းရင်းမြစ်များ

Thaburi 75:3

Nthî nîkainaiana na indo cionthe irîa irî kuo, nie nînie nyitagîrîra mîcingi yayo.

Nthi 16:18

Mwîtîîo nî ûtûmaga mûndû acûkange, na mwîyambo ûkaga mbere ya mûndû agwa.

Isaia 51:17

Ûkîra, ûkîra, rûngama, we Jerusalemu! We ûnyuithîtue nî Ngai-Mûnene gîkombe Kîam marakara make, we ûkînyuîte nginya wakîthiria, wanyinyûkîrîrie mbakûri na îgîtûma ûtûgûge.

Isaia 51:22

Mwathani Ngai-Mûnene Ngai waku, ûrîa ûtetagîra andû ake arauga atîrî: “Taroria nîngûthengutîrîtie gîkombe Kîam gûgûtûgûgithia, ngakûthengutîria mbakûri ya marakara makwa, ndûgaacoka kûmînyuîra rîngî.

Jeremia 49:12

Ngai-Mûnene arauga atîrî, “Ethîrwa arîa matavatiî kûnyuîra gîkomberî Kîam mathîna nî anyuîru, nwa mue mûtakûverithua? Naarî, nwa nginya wanamue mûnyuîre gîkomberî kîu!

Mathaayo 26:35

Nake Petero nîwamûcokerie atîrî, “Nie ndigaagûkaana wana ethîrwa nîkwa ngûraganîrua vamwe nawe!” Nao arutwa acio engî onthe nîmaaugire wa guo.

Mathaayo 26:39

Jesû aagendagenda mbere vanini nîwegwîthirie nthî na akîvoya atîrî, “Vava ethîrwa nwa kûvoteke, nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Mathaayo 26:42

Jesû nîwacokire akîmatiga rîngî na akîvoya atîrî, “Vava, ethîrwa gîkombe gîkî Kîam mathîna gîtingînthengutîra ndakînyuîrîrîte, wendi waku nîwîkwe.”

Mathaayo 26:56

Nwatî maûndû mama mekîka nîguo maûndû marîa maarîtue nî arathi mandîkorî marîa matheru mavinge.” Nao arutwa ake onthe nîmaaûrire makîmûtiganîria.

Maariko 14:36

Nake nîwavoire atîrî, “Vava! We nîûvotaga gwîka maûndû monthe. Nthengutîria gîkombe gîkî Kîam mathîna. Nwatî îka ûrîa we ûkwenda, tî ûrîa nie ngwenda.”

Luka 12:50

Nie nîrî na ûvatithio ngeerie kûvatithua naguo. Nîrathînîka ngîyûria rîrîa ûndû ûyû ûkaavingua.

Luka 22:42

“Vava, ûngîenda nthengutîria gîkombe gîkî Kîam mathîna, nwatî îka ûrîa we ûkwenda, tî ûrîa nie ngwenda.” [

Johana 18:11

Nake Jesû nîwerire Petero atîrî, “Cokia rûviû rwaku njûrarî. Nîkwa ûreciria atî ndikûnyuîra gîkomberî Kîam mathîna kîrîa Vava amvete?”

Aroma 8:26

Na njîra ta îno, Roho nîatûtethagia nîûndû tûtirî na vinya. Nîûndû tûtiîcî ûrîa twagîrîrwe nî kûvoya. Nwatî Roho nîke ûtûthaithanagîrîra kûrî Ngai arî na mûcao ûtangîgweteka.

Jakuvu 4:3

Rîrîa mwetia, mûtivecagwa nîûndû mwîtagia mûtarî na itûmi mbaro. Mwîtagia indo nîguo mûitûmîre mûgîkenia mîîrî yenyu.