Mathaayo 18:13 - ÎVUKU RÎA ÛVORO MWARO

¹³ Nîramwîra na ma atî mûndû ûcio ona ng'ondu îo îraûrîte, nîakenaga mûno gûkîra ûrîa akenagua nî ng'ondu mîrongo kenda na kenda irîa itararî mbûru.

Mathaayo 18:13 ပူးပေါင်းရင်းမြစ်များ

Thaburi 147:11

Nwatî Ngai-Mûnene akenagua nî arîa mamwîtigagîra, arîa mevokaga wendo wake ûtathiraga.

Isaia 53:11

Vuva wa kwona umithio wa mathîna ma ndungata yake, nîagaacoka akene; ndungata îo yake nthingu îrî na ûmenyo, nîgaatûma andû eengî matuwe athingu; na nîgaakuuwa mevia mao.

Isaia 62:5

Nîûndû wata ûrîa mwanake avikagia mwîrîtu nthingi, nwaguo ûrîa wakûmbire agaakûvikia. Na wata ûrîa mûvikania akenagîra mûviki wake, nwaguo Ngai waku agaakena nîwe.

Ezek 34:4

Mûtimenyagîrîra irîa itarî na vinya kana mûvonia irîa ndwaru. Mûtiovaga irîa ikûthua kana mûcokanîrîrie vamwe irîa inyaganîtie kana mûcaria irîa ciûrîte. Mûvûthagîra vinya gûciatha.

Mika 7:18

We Ngai, nîkûrî wîngî wîkariî ta we? We wovagîra andû aku mevia arîa maatigirwe marî mwoyo. Marakara maku matitûûraga tene na tene nîûndû nî ûtwonagia wendo ûtathiraga.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Mathaayo 18:12

Mûreciria mûndû ûrîa wîthagîrwa na ng'ondu ciake îgana rîmwe, na îmwe ya cio yûre ekaga atîa? Ke nîatiganagîria icio ciîngî mîrongo kenda na kenda nakûu irîmarî na akathiî gûcaria ng'ondu îrîa yûrîte.

Mathaayo 18:14

Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.

1Akor 13:6

Wendani ndûkenagîra maûndû marîa macûku, nwatî nîûkenagîra ûvoro wa ma.

Jakuvu 2:13

Nîûndû Ngai ndakeegua ntha agîcirithia andû arîa mategucanagîra ntha, nwatî mûndû ûrîa wîgucanagîra ntha ndageetigîra îtuîro.