Mathaayo 18:10 - ÎVUKU RÎA ÛVORO MWARO

¹⁰ “Menyererani atî mûtikae kûnyarara kaana wana kamwe ga tûtû tûnini. Nîramwîra na ma atî araika a tuo arîa marî îgûrû methagîrwa marî varî Ngai Vava ûrîa ûrî îgûrû. [

Mathaayo 18:10 ပူးပေါင်းရင်းမြစ်များ

2Sam 14:28

Abusalomu nîwatûûrire kûu Jerusalemu îtîîna rîa mîaka îîrî atakwona mûthamaki.

1Atha 22:19

Mikaia nîwathiîre mbere na akiuga atîrî, “Rîu thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

Esita 1:14

Andû arîa aamenyerete kûria ûtaaro mavinda meengî nî, Karishena, Shethari, Adimatha, Tarishishi, Meresi, Marisena na Memukani. Atongoria aya mûgwanja a Perisia na Media nîo meekaraga vakuvî mûno na mûthamaki.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Thaburi 17:15

Nwatî nie nîngaakwona, nîûndû nîrî mûthingu; na rîrîa ngaaramûka, nîngecûrwa nî gîkeno ngîkwona ûrîa wîkariî.

Thaburi 34:7

Mûraika wa Ngai-Mûnene nîamenyagîrîra andû arîa magoocaga Ngai-Mûnene, na nîamavonokagia kuuma ûgwatirî.

Thaburi 91:11

Nîûndû Ngai nîakaatha araika ake, makûmenyagîrîre kûrîa kuonthe ûkethagîrwa ûkîthiî.

Zakaria 13:7

Ngai-Mûnene mwene vinya wonthe augîte atîrî, “We rûviû rwa njûra, ûkîra ûtharîkîre mûrîthi wakwa, ûtharîkîre mûndû ûrîa ûndungatagîra. Ûraga mûrîthi nacio ng'ondu nîikûnyagania; na nîngûtharîkîra irîa nini.

Zakaria 4:10

Mûtikaanyarare ûndû ûrîa wambagîrîria na njîra nini, nîûndû Ngai-Mûnene akenagua nî wîra rîrîa ûrathiî na mbere. Andû nîmagaakena mona Zerubabeli akîmîtuma. “Taa icio mûgwanja nî metho ma Ngai-Mûnene marîa aroragia nthî yonthe namo.”

Mathaayo 1:20

Na rîrîa Josefu eeciragia îgûrû rîa maûndû mau, mûraika wa Mwathani nîwamumîrîre kîrotorî na akîmwîra atîrî, “Josefu, we ûrîa wî wa mbarî ya Mûthamaki Daudi, ndûgetigîre kûvikia Mariamu, nîûndû îvu rîu arî narîo riumanîte na vinya wa Roho Mûtheru.

Mathaayo 12:20

Îkethagîrwa îrî mvoreri mbere ya arîa matarî vinya na eguîre ntha arîa matarî na ûtethio. Ndîgaakua ngoro nginya rîrîa kîvooto gîkavootana.

Mathaayo 18:14

Na njîra wata îo, îthe wenyu ûrîa wî îgûrû ndendaga kamwe ga twana tûtû tûnini tûûra.

Mathaayo 18:6

“Mûndû wa wonthe angîvîtithia kamwe ga twana tûtû tûmbîtîkîtie, nîkava mûndû ûcio overerwe îthiga rîa kîthîi ngingo, na acoke aikue îriarî kûrîa kûrikîru.

Mathaayo 2:13

Nao athuuri acio maarî na ûgî wa njata marîkia kûthiî, mûraika wa Mwathani nîwaumîrîre Josefu kîrotorî na akîmwîra atîrî, “Ûkîra woce mwana na ng'ina mûre mûthiî vûrûrirî wa Misiri, na mwîkare kuo nginya rîrîa ngaamwîra, nîûndû Herode arî vakuvî kwambîrîria gûcaria kaana nîguo akaûrage.”

Mathaayo 2:19

Na rîrîa Herode aakwire, mûraika wa Mwathani nîwaumîrîre Josefu kîrotorî arî Misiri

Mathaayo 24:31

Natuo tûrumbeta nîtûkavuvwa. Nake nîagaacoka atûme araika mathiî nthî yonthe. Nao nîmakaaûngania andû arîa Ngai ethuurîrîte kuuma gîturi kîmwe Kîam nthî nginya kîrîa kîngî.

Luka 1:19

Nake mûraika ûcio nîwamûcokerie atîrî, “Nie nînie Gaburieli na nûngamîte mbere ya Ngai ûrîa ûndûmîte mbûke ngûkinyîrie ûvoro ûyû mwaro.

Luka 10:16

Jesû nîwacokire akîîra arutwa ake atîrî, “Mûndû wa wonthe ûrîa ûmûthikagîrîria, nînie athikagîrîria; na mûndû wa wonthe ûrîa ûmûregaga, nînie aregaga, na mûndû wa wonthe ûrîa ûndegaga, aregaga ûrîa wandûmire.”

Luka 16:22

“Kavinda karîa mûthîni ûcio aakwire, araika nîmaamûkuuire na makîmûvira îgûrû agekaranîre na Iburahimu kîrugorî îgûrû. Nakîo gîtonga kîu nîgîakwire na gîkîthikwa.

Ciîko 10:3

Na mûthenya ûmwe kîndû ta thaa kenda cia mûthenya, Korinelio nîwagîre na kîoneki. Nake nîwonire mûraika wa Ngai waro. Mûraika ûcio nîwamumîrîre na akîmwîra atîrî, “Korinelio!”

Ciîko 12:15

Nao nîmaamwîrire atîrî, “We wîna ngoma!” Nwatî mwîrîtu ûcio nîwakîrîrîrie kuga atî ke aaragia ûma. Kwoguo nîmaamwîrire atîrî, “Nwanginya ûcio ethîrwe nî mûraika wa Petero!”

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Ciîko 27:23

Ûtukû wa îgoro mûraika wa Ngai, Ngai ûrîa nîrî wake na ngoocaga, nîaranyumîrîre

Ciîko 5:19

Nwatî ûtukû wa mûthenya ûcio, mûraika wa Mwathani nîwavingûrire mîrango ya njeera, akîmaruta kuo, na akîmeera atîrî,

Aroma 14:10

Nîndûî gîtûmaga mûtuîre andû arîa engî? Nîndûî gîtûmaga mûnyarare aamûrûwanyûkwe? Tuonthe nîtûkaarûngama mbere ya Ngai na nîke ûgaatûtuîra.

Aroma 14:21

Nî ûndû mwaro gûtiga kûrîa nyama, kûnyua ndivei kana gwîka ûndû wa wonthe ûngîtûma mûndû ûrîa wîngî avîngwe.

Aroma 15:1

Tue arîa tûrî na vinya wîtîkiorî nîtwagîrîrwe nî gûtethia arîa matarî na vinya wîtîkiorî, tûtigekenagie tue ene.

1Akor 11:22

Nîkwa mûtarî na mîciî yenyu mue ene kûrîa mûngîrîa na mûkanyua? Nîkwa mûnyararîte kanitha wa Ngai na mûconorithagia arîa methagîrwa matarî na kîndû? Nîmwîra atîa? Nîkwa ngûmûgatha nîûndû wa maûndû mama? Naarî! Nie tîmbîka guo!

1Akor 16:11

Kwoguo mûtigetîkîrie mûndû wana ûmwe gatagatîrî kenyu amûnyarare. Nwatî mûtethererieni avote kûthiî na mbere na rûgendo rûu arî na thayû nîguo agaacoka kûrî nie. Na nie tûrî na ariû na aarî a îthe wetû nîtûmwetererete.

1Akor 9:22

Vîndî îrîa nîrî gatagatîrî ka arîa matarî na vinya wîtîkiorî nduîkaga wa tao nîguo nîmagucîrîrie. Kwoguo nînduîkaga maûndû monthe kûrî andû onthe, nîguo mvonokie amwe gatagatîrî kao na njîra cionthe irîa nîngîvota.

2Akor 10:1

Nie Paûlo nie mwene monekaga nîrî mwînyivia na mûvoreri rîrîa tûrî vamwe namue na mbîthagîrwa nîrî na ûcamba rîrîa tûtarî vamwe namue, nîramûthaitha nîrî na ntha na wega wa Kristû.

2Akor 10:10

Nîûndû amwe maugaga atî, “Maarûa cia Paûlo nî ndito na irî na vinya, nwatî rîrîa arî vamwe natue kîîmwîrî, ndarî vinya na ciugo ciake nî cia mana!”

Agal 6:1

Ariû na aarî a îthe wetû, mûndû ûmwe wa gîkundi kîenyu angîka ûndû mûcûku, mue arîa matongoragua nî Roho nîmwagîrîrwe nîkûmûrûnga na njîra ya thayû. Îîmenyagîrîreni mue ene nîguo mûtikagwe mageriorî.

1Ath 4:8

Kwoguo mûndû ûrîa ûregaga kwathîkîra kîrîra gîkî tî mûndû aregaga kwathîkîra, nwatî aregaga kwathîkîra Ngai ûrîa ûmûvecaga Roho wake Mûtheru.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 9:24

Nîûndû Kristû ndaatonyire Vandû Vatheru vatumîtwe na njara cia andû, na nîvo mûvuano wa vandû varîa va ma. Kristû aatonyire îgûrû kuo kwene. Kûu nîkuo arûngamîte mbere ya Ngai vandûrî vetû.

Kûguû 8:2

Nînaacokire ngîona araika mûgwanja arîa marûngamaga mbere ya Ngai. Nao nîmaanengerwe tûrumbeta mûgwanja.