Mathaayo 16:21 - ÎVUKU RÎA ÛVORO MWARO

²¹ Kuuma vîndî îo Jesû nîwambîrîrie kwîra arutwa ake atîrî, “Nwa nginya nthiî Jerusalemu na nyamarue nî athuuri, anene a athînjîri-Ngai na arimû a Watho. Nîmakaambûraga, nwatî mûthenya wa kathatû nîngaariûkua.”

Mathaayo 16:21 ပူးပေါင်းရင်းမြစ်များ

Nehemia 12:7

Salu, Amoku, Hilikia, na Jedaia. Aya nîo maarî anene gatagatîrî ka athînjîri-Ngai na aa mûrwang'ina vîndî ya Jeshua.

Mathaayo 12:40

Wata ûrîa Jona eekarire ndarî ya nthamaki nene mîthenya îthatû, nwa ta guo Mûrû wa Mûndû ageekara na gûkû nthî kûrîa kûriku mûno mîthenya îthatû.

Mathaayo 16:22

Nake Petero nîwetire Jesû. Na maathiî ndundu, nîwambîrîrie kûmûkaania akîmwîraga atîrî, “Mwathani, ûguo gûtingîvotekeka kûrî we.”

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 17:12

Nwatî nîramwîra nama atî Elija nîarîkîtie gûka, nao andû matiamûmenya. Nîmaamwîkire maûndû monthe marîa meendaga kûmwîka. Na njîra wata îo, nwaguo makaathînia Mûrû wa Mûndû.”

Mathaayo 17:9

Rîrîa maanyûrûrûkîte maumîte kîrîmarî, Jesû nîwamakaanirie akîmeera atîrî, “Mûtikere mûndû wana ûrîkû kîoneki kîu mwona nginya rîrîa Mûrû wa Mûndû akaariûkua.”

Mathaayo 20:28

Nîûndû wana nginya Mûrû wa Mûndû ndaaûka gûtungatîrwa nwatî aûkire gûtungata na kûvecana mwoyo ûtuîke îrîvi rîa gûkûûra andû eengî maume meviarî.”

Mathaayo 26:2

“Mue nîmwîcî atî kîrugo Kîam pasaka nîgîgûkinya vuva wa mîthenya îrî, na Mûrû wa Mûndû nîakûnenganîrwa akambwe.”

Mathaayo 26:47

Rîrîa Jesû aaragia, Judasi ûrîa warî ûmwe wa arutwa arîa îkûmi na aîrî nîwakinyire. Aakinyire marî na andû eengî makuuîte mviû na njokoma. Nao maatûmîtwe nî anene a athînjîri-Ngai na athuuri.

Mathaayo 27:12

Nwatî Jesû ndaacokia ûndû îgûrû rîa maûndû marîa aathitangirwe namo nî anene a athînjîri-Ngai na athuuri.

Mathaayo 27:63

“Mûnene, tue nîtûraririkana atî vîndî îrîa mûndû ûcio mûthani aatûûraga mwoyo nîwaugire atîrî, ‘Nîngaariûkua mûthenya wa kathatû.’

Mathaayo 28:6

Ndarî ava, ke nîariûkîtue wata ûrîa aaugire. Taûkani mwone varîa aramamîte.

Maariko 8:31

Jesû nîwacokire akîambîrîria kûthomithia arutwa ake atî, “Nwa nginya Mûrû wa Mûndû one mathîna meengî, aregwe nî athuuri, anene a athînjîri-Ngai, na arimû a Watho, na acoke aûragwe, na vuva wa mîthenya îthatû ariûke.”

Maariko 9:12

Nake Jesû nîwamacokerie atîrî, “Nî ma, nwa nginya Elija ambe aûke mbere, nîguo avarîrie maûndû monthe. Nwatî nîndûî gîtûmaga mandîko Matheru mauge atî Mûrû wa Mûndû nîakaathînua mûno na aregwe nî andû?

Luka 17:25

Nwatî nwa nginya ambe athînîke mûno na aregwe nî andû a rûciaro rûrû.

Luka 24:46

na akîmeera: “Kwandîkîtwe atîrî, nwa nginya Mesaya athînue na mûthenya wa kathatû acoke ariûke.

Luka 9:31

Andû acio aîrî maarî na riiri na nîmaambîrîrie kwaria na Jesû ûvoro wîgiî gîkuû gîake, kîrîa aarî akue arî îtûûrarî rîa Jerusalemu.