Mathaayo 16:16 - ÎVUKU RÎA ÛVORO MWARO

¹⁶ Nake Petero nîwamûcokerie atîrî, “We nîwe Mesaya Mûriû wa Ngai ûrîa ûtûûraga mwoyo.” Nake Jesû nîwacokirie atîrî,

Mathaayo 16:16 ပူးပေါင်းရင်းမြစ်များ

Thaburi 2:7

Mûthamaki arauga atîrî, “Nie ngaanîrîra ûrîa Ngai-Mûnene augîte. Ngai-Mûnene aambîrire atî, ‘Ûmûnthî nîwatuîka mûvîcîwa, nanie nînatuîka aguo.

Thaburi 42:2

Nînyonderete Ngai, Ngai ûrîa ûtûûraga mwoyo. Ngaakinya gwake rî mone ûthiû wake?

Danieli 6:26

Nînathana nauga atî kûrîa kuonthe ûthamaki wakwa ûkinyîte, nwanginya andû onthe metigagîre na matîage Ngai wa Danieli. Nîûndû ke nî Ngai wî mwoyo na ûtûûraga tene na tene. Ûthamaki wake ndûkaathira rî kana rî na nîatûûra athanaga tene na tene.

Mathaayo 1:16

Jakovu aarî îthe wa Josefu ûrîa warî mûthuuri wa Mariamu; Mariamu ûrîa waciarire Jesû ûrîa wîtagwa Mesaya.

Mathaayo 14:33

Nao arutwa arîa maarî gatarûrî nîmaagoocire Jesû makiugaga atîrî, “Nî ma we ûrî Mûriû wa Ngai!”

Mathaayo 16:15

Nîwacokire akîmaûria atîrî, “Mue namue mugaga nie nîrî û?”

Mathaayo 26:63

Nwatî Jesû ndaamatumûka, aakirire kivi. Na wa rîngî Mûthînjîri-Ngai ûrîa mûnene nîwerire Jesû atîrî, “Nie nakwatha na rîîtwa rîa Ngai ûrîa ûtûûraga Mwoyo ûtwîre kana we nîwe Mesaya Mûriû wa Ngai.”

Mathaayo 27:54

Rîrîa mûnene wa athigari îgana na athigari arîa maarî nake marangîrîte Jesû meegwire kîthingithia, na makîona maûndû marîa mengî monthe meekîkire, nîmaamakire na makiuga atîrî, “Na ma mûndû ûyû ararî Mûriû wa Ngai!”

Mathaayo 4:3

Nayo Ngoma nîyathiîre kûrî ke na îkîmwîra atîrî, “Ethîrwa nîwe Mûriû wa Ngai, atha mathiga mama matuîke mîgate!”

Maariko 14:61

Nwatî Jesû ndaamatumûka, aakirire kivi. Wana rîngî Mûthînjîri-Ngai mûnene nîwaûririe Jesû atîrî, “We nîwe Mesaya, Mûriû wa Ngai ûrîa Mûrathime?”

Luka 2:11

nîûndû ûtukû wa ûmûnthî îtûûrarî rîa Daudi nîmûciarîrîtwe mûvonokia na nîke Kristû Mwathani.

Johana 1:49

Nathanieli nîwacokerie Jesû atîrî, “Mwarimû, we nîwe Mûriû wa Ngai! Nîwe Mûthamaki wa Isiraeli”

Johana 11:27

Maritha nîwaugire atîrî, “Ii Mwathani! Nie nîmbîtîkîtie atî we nîwe Mesaya Mûriû wa Ngai ûrîa warî aûke gûkû nthî.”

Johana 20:31

Nwatî ino ciandîkirwe nîguo mwîtîkie atî Jesû nîke Mesaya Mûriû wa Ngai, na atî mwamwîtîkia nîmûkaagîa na mwoyo nîûndû wa rîîtwa rîake.

Johana 6:57

Nie natûmirwe nî Vava mûtûûra mwoyo na wa nanie ndûûraga mwoyo nîûndû wake. Na njîra wata îo mûndû wa wonthe ûrîcaga mwîrî wakwa nîatûûraga mwoyo nîûndû wakwa.

Johana 6:68

Nake Simoni Petero nîwamûcokerie atîrî, “Mwathani tûngîgûtiga tûkathiî kûrî û? We ûrî na ciugo cia mwoyo wa tene na tene.

Johana 6:69

Tue nîtwîtîkîtie na tûkamenya atî we nîwe ûrîa Mûtheru kuuma kûrî Ngai.”

Ciîko 14:15

“Mue andû aya, mûreka ûguo nîkî? Tue wa natue tûrî andû tu mekariî wa tamue. Tue twaûka kûmûretere Ûvoro Mwaro na kûmwîra atî mue nîmwagîrîrwe nî gûtigana na maûndû mama matarî na vata na mûgarûrûkîre Ngai mûtûûra mwoyo. Ke nîke waûmbire îgûrû, nthî, îria, na indo cionthe irîa irî ndaarî yacio.

Ciîko 8:36

Na vîndî îrîa maanyûrûrûkîte na njîra îo, nîmaakinyire vandû vaarî na manjî, na mûndû ûcio akîîra Filipu atîrî, “Taroria! Manjî marî ava. Nîndûî kîngîgiria mvatithue?” [

Ciîko 8:37

Nake Filipu nîwamwîrire atîrî, “Ethîrwa we nîwîtîkîtie na ngoro yaku yonthe, nwa ûvatithue.” Nake mûndû ûcio nîwerire Filipu atîrî, “Nie nîmbîtîkîtie atî Jesû Kristû nîke Mûriû wa Ngai.”]

Ciîko 9:20

Na vîndî wa îo ke nîwambîrîrie kûthiî mavoerorî. Nake nîwavunjirie kuo akiugaga atî Jesû nî Mûriû wa Ngai.

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

2Akor 1:19

Nîûndû Jesû Kristû Mûriû wa Ngai, ûrîa twamûvunjîrie tûrî nie, Sailasi, na Timotheo, ndarî “Ii” na “naarî”. Kûrî Kristû kwîthagîrwa vîndî cionthe kûrî “Ii”,

2Akor 3:3

Nîkûronekana waro atî Kristû ke mwene nîke wandîkire maarûa îno na akîmîtûma na njîra yetû. Maarûa îno ndîandîkîtwe na rangi, nwatî yandîkîtwe na Roho wa Ngai ûrîa ûtûûraga mwoyo, na ndîandîkîtwe ivengererî cia mathiga nwatî yandîkîtwe ngororî cia andû.

2Akor 6:16

Hekarû ya Ngai îrî na ngwatanîro îrîkû na ngai cia mîvuanano? Tue tûrî hekarû ya Ngai ûrîa ûtûûraga mwoyo! Wa ta ûrîa Ngai ke mwene augîte atîrî: “Nie nîngaathondeka mûciî wakwa na andû akwa na ndûûre gatagatîrî kao. Nie nîngaatuîka Ngai wao, nao nîmagaatuîka andû akwa.”

Gûco 5:26

Kûrî mûndû wanegua mûgambo wa Ngai ûrîa ûtûûraga mwoyo akîaria arî mwakirî ta ûrîa twîguîte na agatûûra mwoyo?

1Ath 1:9

Andû acio onthe maragia ûvoro wîgiî ûrîa mwatûnyitire ûgeni rîrîa twamûceerere. Nîmaragia ûvoro wîgiî ûrîa mwagarûrûkîre Ngai na mûgîtiga kûvoya mîvuanano nîguo mûtungatîre Ngai ûrîa wa ma na ûtûûraga Mwoyo.

1Tim 3:15

Nwatî ethîrwa nwa njererwe, maarûa mama magaakûmenyithia ûrîa mûndû agîrîrwe nî gwîkara arî kûrî andû a Ngai na nîo kanitha wa Ngai ûrîa ûtûûraga mwoyo na nîguo wîthagîrwa ûrî mûcingi na gîtugî Kîam ûvoro wa ma.

1Tim 4:10

Ûvoro ûyû nîguo ûtûmaga tûthînîke na tûrute wîra na vinya, nîûndû tûrî na kîîrîgîrîro kûrî Ngai mûtûûra mwoyo ûrîa arî ke Mûvonokia wa andû onthe na makîria arîa metîkîtie.

Ahib 10:31

Nîûndû wa gwîtigîrwa mûno mûndû kûgwa njararî cia Ngai ûrîa mûtûûra mwoyo!

Ahib 12:22

Vandû va ûguo, nîmûkinyîte kîrîmarî gîa Zayuni îtûûrarî înene rîa Ngai ûrîa ûtûûraga mwoyo. Nîmûkinyîte Jerusalemu îtûûra rîa îgûrû kûrîa kûrî araika ngiri nyîngî.

Ahib 3:12

Ariû a îthe wetû, îîmenyerereni atî gûtikethîrwe kûrî na mûndû gatagatîrî kenyu wîna ngoro njûku na îtetîkîtie na ûngîgarûrûka akauma kûrî Ngai ûrîa mûtûûra mwoyo.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

1Joh 4:15

Mûndû wa wonthe umbûraga atî Jesû nî Mûriû wa Ngai, Ngai ekaraga ndaarî yake nake ekaraga ndaarî ya Ngai.

1Joh 5:20

Tue nîtwîcî atî Mûriû wa Ngai nî mûku na atî nîatûmîte tûtaûkîrwe, nîguo tûmenye Ngai Ûrîa wa ma. Ûtûûro wetû ûrî kûrî Ngai ûrîa wa ma na kûrî Mûriû Jesû Kristû. Ûyû nîke Ngai ûrîa wa ma na nwake mwoyo wa tene na tene.

1Joh 5:5

Nû ûngîvoota nthî? Nwa ûrîa tu wîtîkîtie atî Jesû nî mwana wa Ngai.

Kûguû 7:2

Nînaacokire ngîona mûraika wîngî akiunûkia aumîte mwena wa îrathîro na arî na rûtumo rwa Ngai mûtûûra mwoyo. Nake nîwetire araika acio ana na mûgambo mûnene. Araika acio ana nîo maavetwe nî Ngai vinya wa gûcûkangia nthî nyûmû na îria.