Mathaayo 15:29 - ÎVUKU RÎA ÛVORO MWARO

²⁹ Nake Jesû nîwaumire kûu na akîthiî avîtûkîrîrîte ndeererî cia îria rîa Galili. Nîwaunûkirie kîrîmarî na agîkara nthî kuo.

Mathaayo 15:29 ပူးပေါင်းရင်းမြစ်များ

Isaia 9:1

Vûrûri ûrîa wecûrîtwe nî kîeva ndûkethîrwa ûrî na mathîna rîngî. Tene Ngai nîwatûmire mavûrûri ma Zebuluni na Nafutali mamenererue, nwatî vuvarî nîagaatûma Galili kûrîa andû a ndûrîrî matûûraga kûgîe na ûkumio. Vûrûri ûyû nî ûrîa ûrî njîrarî îrîa îthiîrîrîte gatagatî ka îria na Jorodani.

Mathaayo 13:2

Nao andû eengî mûno nîmaamûthiûrûrûkîrie. Kwoguo nîwatwîre îtarûrî agîkara nthî nao andû makîrûngama ndeererî cia îria.

Mathaayo 4:18

Na rîrîa Jesû aavîtûkîrîrîte rûtererî rwa îria rîa Galili, nîwonire ariû aîrî a ng'ina ûmwe magîtega nthamaki îriarî na neti, nîûndû ûcio nîguo warî wîra wao. Nao maarî, Simoni (ûrîa wîtagwa Petero) na mûrwang'ina Enderea.

Mathaayo 5:1

Na rîrîa Jesû oonire andû eengî, nîwaunûkirie kîrîmarî na agîkara nthî. Nao arutwa ake nîmaathiîre kûrî ke,

Maariko 1:16

Rîrîa Jesû aavîtûkagîra rûtererî rwa îria rîa Galili, nîwonire ategi aîrî a nthamaki, Simoni na mûrwang'ina wetagwa Enderea. Nao maategaga nthamaki na neti.

Luka 5:1

Mûthenya ûmwe, Jesû nîwarûngamîte rûtererî rwa îria rîa Genesareti. Nao andû nîmaamûvatîkîte makîenda kwîgua ndûmîrîri ya Ngai.

Johana 21:1

Vuva wa ûguo Jesû nîwacokire akiumîrîra arutwa ake rîngî îriarî rîa Tiberia. Nake aamaumîrîre na njîra îno:

Johana 6:1

Vuva wa ûguo, Jesû nîwaringire îria rîa Galili (rîrîa rîcîkene na rîîtwa rîngî îria rîa Tiberia)

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

Josh 12:3

Mwena wa îthûîro mûvaka wa vûrûri ûrîa aathanaga waumîte Kîamndarî Kîam rûnjî rwa Jorodani îriarî rîa Galili mwena wa îveti nginya Bethi Jeshimothi mwena wa îrathîro wa îria rîa Cumbî na ûkîthiî nginya nthî ya kîrîma Kîam Pisiga.