Mathaayo 14:31 - ÎVUKU RÎA ÛVORO MWARO

³¹ Na wa rîmwe Jesû nîwatambûrûkirie njara akîmûnyita na akîmwîra atîrî, “Kaî wîtîkio waku nî mûnini-î! Nîkî gîtûmire ûgîe na nganja?”

Mathaayo 14:31 ပူးပေါင်းရင်းမြစ်များ

Kîam 22:14

Kwoguo Iburahimu nîwetire vandû vau “Ngai-Mûnene nîavecanaga”. Nginya ûmûnthî andû maugaga atîrî, “Kîrîmarî Kîam Ngai-Mûnene, nîavecanaga.”

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Isaia 63:12

Ûrîa wekire maûndû manene na vinya wake na njîra ya Musa, ûrîa wagaanirie manjî ma îria, na agîtongoreria andû ake manjîrî mau mariku nîguo egîîre na îgweta rîa tene na tene arî kû?”

Mathaayo 14:30

Nwatî rîrîa oonire rûkûngi rûnene nîwetigîre, na akîambîrîria kûvorokera manjîrî. Nake nîwaugîrîrie atîrî, “Mwathani, mvonokia!”

Mathaayo 14:32

Rîrîa Jesû na Petero maatwîre gatarûrî, rûkûngi nîrwatigire kûvurutana.

Mathaayo 16:8

Nake Jesû nîwamenyire ûrîa maaugaga. Kwoguo nîwamaûririe atîrî, “Nîndûî kîratûma mwarîrîrie ûvoro wa ûrîa mûtarî na mîgate? Na kaî wîtîkio wenyu nî mûnini-î?

Mathaayo 17:20

Nake Jesû nîwamacokerie atîrî, “Nîûndû mûrî na wîtîkio mûnini. Nîramwîra na ma atî mwethîrwa mûrî na wîtîkio wîgana ta vîndî ya mûtî wa karatarî, nwa mwîre kîrîma gîkî atîrî, ‘Uma ava na ûthiî vaarîa,’ na nwa kîthiî; na gûtirî ûndû ûkaamûrema. [

Mathaayo 6:30

Ngai nîke ûmenyagîrîra nyaki ya kîthaka; îrîa îrî vo ûmûnthî na rûciû îgaikua riiko îkavîa. Nîkwa mûtarî na ûma atî Ngai nîakûmûva nguo? Na kaî mue mûrî na wîtîkio mûnini-î!

Mathaayo 8:26

Nake Jesû nîwamaûririe atîrî, “Mue mûretigîra nîkî? Na kaî mue mûrî na wîtîkio mûnini-î!” Nake Jesû nîwacokire akîrûngama na akîatha rûkûngi na îria ivoorere. Nacio nîciavorere mûno.

Maariko 1:31

Jesû amûkuvîvîria, nîwamûnyitire njara na akîmûrûngamia. Nake mûndû ûcio nîwegwire waro na akîambîrîria kûmatungatîra.

Maariko 1:41

Nake Jesû nîwaringirwe nî ntha, agîtambûrûkia njara, akîmûvutia na akîmwîra atîrî, “Nie nîngwenda, Ûrothera!”

Maariko 11:23

Nîramwîra na ma atî, mûndû wa wonthe nwa eere kîrîma gîkî, ‘Îkûûre na wîikie îriarî.’ Ke nwa avingîrue ûndû ûyû angîthîrwa ndarî na nganja ngororî yake, nwatî nîetîkîtie atî ûndû ûcio auga nîûgûtuîkîka.

Maariko 16:7

Rîu thiîni kûrî arutwa ake mûtagûtigîrîra Petero na mûmeere atîrî, ‘Jesû nîakûthiî Galili mbere yenyu, na kûu nîkuo mûkaamwona wata ûrîa aamwîrire.’ ”

Maariko 4:40

Nake Jesû nîwacokire akîûria arutwa ake atîrî, “Nîndûî kîramûmakia? Kaî mûtarî na wîtîkio?”

Maariko 5:41

Jesû nîwacokire akînyita kerîtu kau njara na agîkeera atîrî, “Talitha kumi”; naguo ûguo nîta kuga, “Kerîtu gaka, nie nakwîra ûkîre!”

Luka 24:34

makiugaga atîrî, “Nî ma Mwathani nî mûriûku! Ke nîwîyonithanîtie kûrî Simoni!”

Ciîko 4:30

Kûnjûra njara yaku nîguo ûvonanie. Onania magegania na ûringe ciama na njîra ya rîîtwa rîa Jesû ndungata yaku ntheru.”

Gûco 32:36

Ngai-Mûnene nîakaarekereria andû ake, rîrîa akoona vinya wao wathira. Nîakeeguîra ntha andû onthe a Isiraeli, na gûtirî Mûisiraeli ûkeethîrwa atigarîte arî mwoyo, arî ngombo kana atarî ngombo.

1Tim 2:8

Nîngîenda kûndû kuonthe kûrîa andû magoocagîra Ngai, arûme arîa meyamûrîrîte Ngai mavoyage maûkîrîrîtie njara ciao na îgûrû matarî arakaru na matagûkararania.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.