Mathaayo 14:27 - ÎVUKU RÎA ÛVORO MWARO

²⁷ Nake Jesû nîwamaarîrie wa rîmwe na akîmeera atîrî, “Nînie, tigani gwîtigîra, îyûmîrîrieni.”

Mathaayo 14:27 ပူးပေါင်းရင်းမြစ်များ

Isaia 41:10

Tiga gwîtigîra, nîûndû nîrî vamwe nawe, ndûkegue guoya, nîûndû nînie Ngai waku! Nîngaakwongerera vinya na ngûtethie, nîngaagûtirîrîra na njara yakwa ya ûthingu.

Isaia 41:14

Ngai-Mûnene arauga atîrî, “We Jakovu, kagunyû gaka, tiga gwîtigîra, mue andû a Isiraeli, nîngaamûtethia, nie nînie mûvonokia wenyu Ûrîa Mûtheru wa Isiraeli.

Isaia 41:4

Nû watûmire maûndû mau monthe mekîke? Nû wavangire ûrîa maûndû marûmanagîrîra kuuma Kîammbîrîria? Nie Ngai-Mûnene, naarî kuo kuuma Kîammbîrîria, na nînie ngethîrwa kuo nginya kîrîkîro.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Mathaayo 14:28

Nake Petero nîwacokerie Jesû atîrî, “Mwathani, ethîrwa nîwe mbîra mbûke kûrî we nthiîrîrîte manjîrî îgûrû.”

Mathaayo 17:7

Nwatî Jesû nîwathiîre kûrî o, akîmavutia na akîmeera atîrî, “Ûkîrani na mûtige kûmaka.”

Mathaayo 28:10

Nake Jesû nîwamerire atîrî, “Tigani gwîtigîra. Thiîni mwîre ariû a îthe wetû mathiî Galili na kûu nîkuo makaamona.”

Mathaayo 28:5

Nake mûraika nîwerire aka acio atîrî, “Tigani gwîtigîra, nîûndû nîmbîcî mûracaria Jesû ûrîa wambirwe mûtharavarî.

Mathaayo 9:2

Nao andû amwe nîmaamûvirîre mûndû warî mûkuû ciîga ciake cia mwîrî, amamîrîte ûrîrî. Na rîrîa Jesû oonire ûrîa andû acio maarî na wîtîkio mûnene, nîwerire mûndû ûcio wakuîte ciîga cia mwîrî atîrî, “Mûvîcîwa, ûmîrîria! We nîwoverwa mevia maku.”

Maariko 6:50

na kwoguo nîmaamakire na makîambîrîria kuga mbu. Na wa rîmwe Jesû nîwamerire atîrî, “Ûmîrîriani! Nînie. Tigani gwîtigîra.”

Luka 1:13

Nwatî mûraika ûcio nîwerire Zakaria atîrî, “Zakaria, ndûkegue guoya. Ngai nîwîguîte mavoya maku. Mûkaguo Elizabethi nîagûgûciarîra mwana wa kavîcî na ûkaagatuîra rîîtwa Johana.

Luka 1:30

Nwatî mûraika nîwamwîrire atîrî, “Mariamu, tiga kwîgua guoya; Ngai nîmûgûkinyîriu wega wake.

Luka 12:32

“Tigani gwîtigîra mue ndîthia îno nini nîûndû Ngai îthe wenyu nîwonete kûrî kwagîrîru amûve ûthamaki.

Luka 2:10

Nake mûraika ûcio nîwamerire atîrî, “Tigani kûmaka! Nie nîmûretere ûvoro mwaro na wa gîkeno kînene kûrî andû onthe,

Luka 5:10

Nao Jakuvu na Johana; ariû a Zebedii, arîa maarutithanagia wîra na Simoni, nîmaamakire. Nwatî Jesû nîwerire Simoni atîrî, “We Petero, tiga kwîgua guoya, nîûndû kwambîrîria rîu ûgaategaga andû.”

Johana 16:33

Namwîra maûndû mama nîguo mûgîe na thayû mûrî na ngwatanîro nanie. Nîmûkûthînîka mûrî gûkû nthî, nwatî ûmîrîriani! Nie nîrîmûvootu nthî!”

Johana 6:20

Jesû nîwamerire atîrî, “Nînie! Tigani kûmaka.”

Ciîko 23:11

Ûtukû ûcio Mwathani nîwarûngamire vakuvî na Paûlo na akîmwîra atîrî, “Ûmîrîria! Nîûndû wata ûrîa we waruta ûira ûmbîgiî kûrî andû arîa marî gûkû Jerusalemu nwa ta guo ûkaaruta ûira ûmbîgiî kûrî andû arîa marî Roma.”