Mathaayo 14:24 - ÎVUKU RÎA ÛVORO MWARO

²⁴ Kavindarî kau îtarû rîarî îriarî vandû varaca kuuma nthî nyûmû. Narîo îtarû nîrîaikanagua nî makûmbî ma manjî, nîûndû rûkûngi nîrwavurutanaga rwerekerete na kûrîa îtarû rîaumaga.

Mathaayo 14:24 ပူးပေါင်းရင်းမြစ်များ

Isaia 54:11

Ngai-Mûnene arauga atîrî, “We Jerusalemu îtûûra rîîrî rînyarirîtwe, we winainîtue nî rûkûngi rûnene, na ndûrî na wa gûkûvooreria, nîngaagûtuma rîngî na mathiga marî na marangi maro, na ndume mûcingi waku na mathiga ma goro.

Mathaayo 8:24

Na wa rîmwe rûkûngi rûnene nî rwambîrîrie kûvurutana kûu manjîrî, na îtarû rîgîtigaria vanini mûno rîvorokere manjîrî. Nwatî Jesû aarî toro.

Maariko 6:48

Nake nîwonire arutwa ake makîthînîka, nîûndû maatwarithagia îtarû marîerekeretie na kûrîa rûkûngi rwaumaga. Na kîraûko tene Jesû nîwamakinyîre athiîrîrîte manjîrî îgûrû akîenda kûmavîtûka.

Johana 6:18

Na vîndî îo, rûkûngi rûnene nîrwavurutanaga kûu îriarî na gûkîgîa makûmbî manene ma manjî.

Ciîko 27:4

Nîtwaumire kûu Sidoni tûtwîte meri na tûkîthiî tûrî mwena wa îrathîro wa gîcîgîrîra gîa Kuporo, nîûndû rûkûngi nîrwavurutanaga rumîte na kûrîa twathiîte.