Mathaayo 14:20 - ÎVUKU RÎA ÛVORO MWARO

²⁰ Andû onthe nîmaarîre na makîvaa. Nao arutwa nîmaacokire makîûngania matigari na magîcûra ciondo îkûmi na igîrî.

Mathaayo 14:20 ပူးပေါင်းရင်းမြစ်များ

Ntha 16:12

“Nîmbîguîte mateta ma andû a Isiraeli. Meere atî, kîvwaî makaarîcaga nyama na kîraûko makarîa mîgate wa îrîa makwenda. Nao nîmakaamenya atî nînie Ngai-Mûnene Ngai wao.”

Ntha 16:8

Musa nîwacokire akîmera atîrî “Ngai-Mûnene nîke ûkaamûva nyama cia kûrîa kîvwaî na amûve mîgate ya kwîgana kîraûko. Ke nîwîguîte mateta menyu, nîûndû rîrîa mûratûtetia nî Ngai-Mûnene mûratetia.”

Nthi 13:25

Andû arîa athingu methagîrwa marî na irio cia kwîgana, nwatî andû arîa aganu vîndî cionthe methagîrwa marî avûtu.

Alawi 26:26

Nîngaatûma mûgîe na yûra rînene, na aka îkûmi makaarugagîra rikorî rîmwe. Nîmakagaanaga wa mûndû kîthimo gîake, na wana maarîa matikavaa.

Hagai 1:6

Mue mûvandîte mbeû nyîngî, nwatî mûkethete tûnini; mûrîcaga, nwatî mûtivaaga; mûnyunyaga ndivei, nwatî mûtiîganagia; nîmwîkagîra nguo, nwatî nwa mûregua mvevo; mûrutaga wîra nwatî mûcara nîtakwa wîkîrîtwe mûvukorî mûtûrîku.”

Mathaayo 14:21

Andû arîa maarîre mîgate na nthamaki, marî arûme ta ngiri ithano, gûtagûtarwa aka na ciana.

Mathaayo 15:33

Nao arutwa nîmaaûririe Jesû atîrî, “Nîva tûngîruta irio mbîganu gûkû werûrî ûyû, cia kûvaithia andû aya onthe?”

Mathaayo 5:6

Kûrathimwa nî arîa mavûtagîra na makanyondera maûndû ma ûthingu; nîûndû nîmakaavaithua!

Luka 1:53

Arîa avûtu nî amavaithîtie na indo mbaro, na akengata itonga ithiî njara ntheri.

Luka 9:17

Rîrîa andû onthe maarîre na makîvaa, arutwa nîmaaûnganirie cienywa irîa ciatigarîte, na cienywa icio igîcûra ciondo îkûmi na igîrî.

Johana 6:7

Filipu nîwacokerie Jesû atîrî, “Mîgate ya dinarii magana maîrî ndîngîgana andû aya onthe wana wa mûndû angîvewa gacunjî kanini atîa.”