Mathaayo 14:19 - ÎVUKU RÎA ÛVORO MWARO

¹⁹ Jesû nîwacokire akîra andû mekare nthî nyakirî. Ke nîwacokire agîoca mîgate îo îtano na nthamaki icio igîrî, akîroria na îgûrû, agîcokia ngatho kûrî Ngai na akîmîrathima. Nîwamîenyûrangire na akîmînenganîra kûrî arutwa magaîre andû.

Mathaayo 14:19 ပူးပေါင်းရင်းမြစ်များ

Mathaayo 14:18

Nake Jesû nîwamerire atîrî, “Ireteni ava nîrî.”

Maariko 6:39

Jesû nîwacokire akîîra arutwa ake meere andû onthe megaanie na ikundi na mekara nthî nyakirî.

Maariko 6:41

Nake Jesû nîwacokire agîoca mîgate îo îtano na nthamaki icio igîrî, agîtiira metho make na îgûrû, na agîcokeria Ngai ngatho. Nîwenyûrangire mîgate îo na akînengera arutwa ake nîguo magaîre andû. Nîwacokire akîmagaîra nthamaki icio igîrî.

Maariko 7:34

Jesû nîwacokire akîroria na îgûrû, akîvevûka na akîîra mûndû ûcio atîrî, “Efatha.” Ûguo nî ta kuga, “Vingûka!”

Luka 22:17

Jesû nîwacokire agîoca gîkombe, agîcokia ngatho na akiuga atîrî, “Keni gîkombe gîkî na mûkînyunyanîre.

Luka 22:19

Nîwacokire agîoca mûgate na arîkia gûcokeria Ngai ngatho, akîwenyûranga na akînengera arutwa ake akiugaga atîrî, [“Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîguo mûndirikanage.”

Luka 24:30

Jesû nîwekarire metharî vamwe nao, agîoca mûgate na akîûrathima, agîcoka akîwenyûranga na akîmava.

Luka 9:14

(Vandû vau vaarî na arûme ta ngiri ithano.) Nake Jesû nîwerire arutwa ake atîrî, “Îrani andû mekare nthî marî ikundi ta cia andû mîrongo îtano.”

Luka 9:16

Vîndî wa îo, Jesû nîwocire mîgate îo îtano na nthamaki icio igîrî na atira metho na îgûrû, akîirathima, agîcoka akîenyûranga mîgate wana nthamaki icio na akînengera arutwa ake magaîre andû acio.

Johana 11:41

Nao nîmaathengutirie îthiga vo. Jesû nîwacokire akîroria îgûrû na akiuga atîrî, “Vava nînagûcokeria ngatho nîûndû nîûnthikagîrîria.

Johana 6:23

Namo matarû mengî marîa maaumîte îtûûrarî rîa Tiberia maakinyire rûtere rwa îria vakuvî na varîa andû maarîrîrîte mîgate, Mwathani aarîkia gûcokia ngatho.

Ciîko 27:35

Rîrîa Paûlo aarîkirie kuga ûguo, nîwocire mûgate, agîcokia ngatho kûrî Ngai nîûndû waguo arî vau mbere ya andû onthe, akîwenyûra na akîambîrîria kûrîa.

Aroma 14:6

Mûndû ûrîa ûtucaga mûthenya mûna wa mwanya, ekaga ûguo nîûndû wa gûtîîa Mwathani. Nake ûrîa ûrîcaga irio cia mîthemba yonthe ekaga guo nîûndû wa gûtîîa Mwathani, nîûndû ke nîacokagia ngatho kûrî Ngai nîûndû wa irio. Mûndû ûrîa ûregaga kûrîa irio cia mîthemba mîna ekaga ûguo nîguo Mwathani atîwe, nake nîacokagia ngatho kûrî Ngai.

1Akor 10:16

Gîkombe kîrîa tûtûmagîra vîndî îrîa tûrakûngûîra Irio cia Mwathani cia Kîvwaî nwa kîo tûtûmagîra vîndî îrîa tûracokia ngatho kûrî Ngai: vîndî îrîa tûranyuîra gîkomberî gîkî twîthagîrwa tûkînyunyanîra nthakame ya Kristû. Naguo mûgate ûrîa twenyûrangaga tûkîûrîa, twîthagîrwa tûkîrîcanîra mwîrî wa Kristû.

1Akor 10:31

Kwoguo ûndû wa wonthe mwîkaga ethîrwa nî kûrîa kana nî kûnyua, îkagani nîguo mûgoocithie Ngai.

1Akor 11:24

agîcokia ngatho kûrî Ngai, akîwenyûranga na akiuga atîrî, “Ûyû nîguo mwîrî wakwa ûrîa ûvecanîtwe nîûndû wenyu. Îkagani ûguo nîûndû wa kûndirikanaga.”

Akol 3:17

Maûndû monthe marîa mûgekaga kana mûkaugaga, mekageni mûgîcokagîria Ngai Îthe wetû ngatho rîîtwa rîa Mwathani Jesû.

1Sam 9:13

Mwatonya îtûûrarî wa rîo, nîmûkûmwona mbere ya athiî kûndû kûrîa gûtûgîru kûrîa, nîûndû andû matingîrîa irio atarî mûkinyu, nîûndû nwa nginya arathime îgongona. Nao acio engî metîtwe macoke marîe. Unûkiani wa rîu na nî mûkûmwona.”