Mathaayo 14:15 - ÎVUKU RÎA ÛVORO MWARO

¹⁵ Kîvwaî kîu, arutwa a Jesû nîmaathiîre kûrî ke na makîmwîra atîrî, “Gûkû tûrî nî werûrî na nîgûtukire, rekereria andû mathiî na kûu icagirî nîguo makegûrîre kîndû mangîrîa.”

Mathaayo 14:15 ပူးပေါင်းရင်းမြစ်များ

Mathaayo 14:13

Rîrîa Jesû eegwire ûvoro wîgiî Johana, nîwatwîre gatarûrî akiuma kûu na akîthiî vandû vataarî na andû arî wenga. Nwatî rîrîa andû meegwire ûguo, nîmaaumire matûûrarî mao na makîmûrûmîrîra mathiîte na magûrû.

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

Mathaayo 14:16

Nake Jesû nîwamacokerie atîrî, “Matiagîrîrwe nî kûthiî, mue manengereni kîndû mangîrîa.”

Mathaayo 15:23

Nwatî gûtirî ûndû Jesû aamûcokerie. Nao arutwa ake nîmaathiîre kûrî ke na makîmûthaitha makîmwîra atîrî, “Îra mûndûmûka ûyû athiî! Ke nîaranegena mûno atuumîte vuva.”

Maariko 8:3

Na nîngîmarekereria menûke mavûtiî nwa magirîkîre njîrarî, nîûndû amwe ao maumîte kûndû kûraca.”

Luka 9:12

Rîrîa riûa rîambîrîrie kûthûa, arutwa nî maakuvîvîrie Jesû na makîmwîra atîrî, “Îra andû aya mathiî icagirî na mîgûndarî îrîa îrî vakuvî, nîguo magacarie kîndû mangîrîa na kûndû mangîmama nîûndû gûkû tûrî gûtirî na mîciî.”