Mathaayo 13:44 - ÎVUKU RÎA ÛVORO MWARO

⁴⁴ “Ûthamaki wa îgûrû wîkariî ta mûthithû ûthithîtwe mûgûndarî. Mûndû ûmwe nîwonire mûthithû ûcio na akîûthitha mûgûndarî ûcio rîngî. Ke nîwakenire mûno na akîthiî akîendia indo ciake cionthe na akîgûra mûgûnda ûcio.

Mathaayo 13:44 ပူးပေါင်းရင်းမြစ်များ

Ayubu 28:13

Gûtirî mûndû wîcî thogora wa ûûgî, na ndûngîoneka nthî kûrî andû arîa marî mwoyo.

Nthi 16:16

Kûgîa na ûûgî nî waro gûkîra kûgîa na thaavu, nîkava kûthuura ûtaûku gûkîra sîlûva.

Nthi 17:16

Gûtirî vata wa gûtûmîra mbia kûthomithia kîrimû, nîûndû ndarî vata wa kûgîa naguo.

Nthi 18:1

Mûndû ûrîa wîciragia wa maûndû make nî eyamûranagia na andû arîa engî; na nîareganaga na ûrîa wonthe andû arîa engî matuîte.

Nthi 23:23

Gûra ûma na ndûkawendie, gûra ûûgî, kîrîra na ûmenyo.

Isaia 55:1

Ngai-Mûnene arauga atîrî, “Mue muonthe arîa anyondu ûkani mûnyue manjî! Ûkani, wanamue mûtarî na mbeca, gûrani irio mûrîe! Ûkani! Gûrani ndivei na îriia, mûtarî na mbeca na mûtarî kîndû!

Mathaayo 13:24

Nake Jesû nîwamavere ngerekano îngî na akîmeera atîrî, “Ûthamaki wa îgûrû wîkariî ta mûndû ûrîa wavandire mbeû mbaro mûgûndarî wake.

Mathaayo 13:46

Na rîrîa mûndû ûcio oonire îthiga rîa goro mûno, nîwathiîre akîendia indo ciake cionthe na akîrîgûra.

Mathaayo 13:47

“Wana rîngî, Ûthamaki wa îgûrû wîkariî ta neti îrîa yaikirue îriarî nî ategi a nthamaki na îkîgwatia nthamaki cia mîthemba yonthe.

Mathaayo 19:21

Nake Jesû nîwamûcokerie atîrî, “Ûngîenda gûtuîka mwagîrîru, thiî ûkendie indo ciaku cionthe na ûve athîni mbeca icio, nawe nîûkwîigîra mûthithû îgûrû. Na weka ûguo ûcoke ûûke ûnûmîrîre.”

Mathaayo 19:27

Nake Petero nîwacokirie akiuga atîrî, “Taroria tue tûtigîte indo cietû na tûgakûrûmîrîra, nîndûî tûkaavewa?”

Mathaayo 19:29

Na mûndû wa wonthe ûtigîte nyomba ciake, aa mûrwang'ina, aa mwarwang'ina, îthe, ng'ina, ciana, kana mîgûnda nîûndû wakwa, nîakaavewa indo icio maita îgana na acoke agîe na mwoyo wa tene na tene.

Mathaayo 6:21

Nîûndû kûrîa ûtonga wenyu wîthagîrwa ûrî, nîkuo ngoro cienyu wa nacio ciîthagîrwa irî.

Luka 14:33

Kwoguo gûtirî mûndû wana ûmwe gatagatîrî kenyu ûngîtuîka mûrutwa wakwa atambîte gûtiga indo cionthe irîa arî nacio.

Johana 6:35

Nake Jesû nîwamerire atîrî, “Nie nînie mûgate wa mwoyo. Mûndû wa wonthe ûkaga kûrî nie ndakaavûta na mûndû wa wonthe ûmbîtîkagia, ndakaanyonda.

Aroma 15:4

Maûndû monthe marîa marî mandîkorî marîa matheru maandîkirwe matûthomithie, nîguo tûvote kûgîa na kîîrîgîrîro na njîra ya gûkirîrîria na kûmîrîria.

Akol 2:3

Naguo Mûthithû wa ûûgî na ûmenyo nîûthithîtwe varî Kristû.

Akol 3:16

Tigani ûtonga wa ndûmîrîri ya Kristû wîkarage ngororî cienyu. Tûmagîrani ûûgî wonthe wenyu rîrîa mûkûthomithania na mûgûtaarana mue ene. Inagani thaburi, nyîmbo, nyîmbo cia kîîroho mûrî na ngatho ngororî cienyu.

Ahib 10:34

Nîûndû nîmwanyitanîre mathîna na arîa moovetwe, na rîrîa mwacunirwe indo cienyu nîmweyûmîrîrie mûkenete nîûndû nîmwamenyaga atî mûrî na kîndû Kîamro makîria na gîa gûtûûra.

Kûguû 3:18

Kwoguo nie nîragûtaara ûgûre thaavu kuumana nanie îrîa ntherie na mwaki nîguo ûtonge. Wana ûgûre nguo cia rangi njerû kuuma kûrî nie nîguo wîkîre na ûtige kwîgua nthoni cia kwonekana ûrî njaga, na ûgûre ndawa ya gwîkîra metho nîguo ûvote kwona.