Mathaayo 13:20 - ÎVUKU RÎA ÛVORO MWARO

²⁰ Nacio mbeû irîa ciagwîre rûciararî ivananîtue na andû arîa megucaga ndûmîrîri îo na makamîamûkîra wa rîmwe macanjamûkîte,

Mathaayo 13:20 ပူးပေါင်းရင်းမြစ်များ

2Maû 24:14

Rîrîa wîra wa gûtuma hekarû wathirire, aruti wîra nîmaaretire mbeca irîa ciatigarire kûrî mûthamaki Joashi marî na mûthînjîri-Ngai Jehoiada. Nao nîmaatûmîre mbeca icio kûrûtha indo cia gûtûmîrwa hekarûrî: indo cia matega ma kûvîvua, mbakûri cia gwîkîrwa ûbani na indo cia thaavu na sîlûva. Nao nîmaarutaga matega ma kûvîvua hekarûrî wa mûthenya wa mûthenya mavinda monthe marîa Jehoiada aarî mwoyo.

2Maû 24:2

Joashi nîwekire maûndû marîa maakenagia Ngai-Mûnene îvinda rîonthe rîrîa Jehoiada, mûthînjîri-Ngai aarî mwoyo.

2Maû 24:6

Kwoguo mûthamaki nîwetire Jehoiada, mûnene wa athînjîri-Ngai na akîmûria atîrî, “Ûregete kwîra Alawi maûnganie gooti kuuma kûrî andû a Juda na Jerusalemu nîkî îrîa Musa ndungata ya Ngai-Mûnene aathanire îrutagwe nîûndû wa gûtuma îgema rîa Ngai-Mûnene?”

Isaia 58:2

Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Mathaayo 13:21

nwatî matiîthagîrwa marî na mîri na nîmamîamûkagîra kwa îvinda înini. Nao mambîrîria kûthînua na kûnyamarua nîûndû wa ndûmîrîri îo, nîmamîtiganagîria wa rîmwe.

Mathaayo 7:8

Nîûndû mûndû wa wonthe ûvoyaga nîavecagwa, na ûrîa ûcaragia nîonaga; na ûrîa ûringaringaga mûrango nîavingûragîrwa.

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Ciîko 8:13

Simoni wanake nîwetîkirie. Nake arîkia kûvatithua nîwaumire Filipu vuva na akîmaka mûno vîndî îrîa oonire maûndû ma magegania na ciama irîa Filipu aaringaga.