Mathaayo 13:15 - ÎVUKU RÎA ÛVORO MWARO

¹⁵ Nîûndû ngoro cienyu nî nyûmû, na nî mûkunîkîte matû, na mûkavinga metho menyu. Gûtangîkariî ûguo o nwa mataûkîrwe nî maûndû marîa monaga na metho mao, na megucaga na matû mao. Nao nwa manjokerere, na nie ngamavonia.’

Mathaayo 13:15 ပူးပေါင်းရင်းမြစ်များ

Thaburi 119:70

Ngoro ciao imatîte ta maguta, nwatî nie nîngenaga nî watho waku.

Nthi 16:30

Mûndû ûrîa unaga metho, ethagîrwa akîvanga maûndû macûku, na mûndû ûrîa ûrûmithanagia mîromo nîekaga ûndû mûcûku.

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Jeremia 17:14

Ûi Ngai-Mûnene, mvonia nanie nîngûvona, mvonokia na nîngûvonoka, nîûndû we nîwe ngumagia.

Jeremia 17:9

Ngoro ya mûndû nîîvenanagia gûkîra indo cionthe, nîkuo kuumaga waganu wonthe, gûtirî mûndû ûtaûkagîrwa nîyo.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 33:6

Taroria, nîngavonia îtûûra rîîrî, na njokerie andû a rîo ûgima wa mwîrî. Nîngatûma mathatûkwe mûno na magîe na ûgitîri.

Hosea 14:4

Ngai-Mûnene arauga atîrî, “Nîngagarûra mîtugo yao ya kûrega gwîtîkia, wendo wakwa kûrî o ndûkethîrwa na kîthimi, nîûndû ndikarakara nîo rîngî.

Zakaria 7:11

“Nwatî nîmaaregire kûnthikîrîria na makîûmia ciongo ciao, na makîvinga matû mao nîguo matikegue.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Maariko 4:12

‘Kûroria maroragie, na matione; kwîgua megucage, na matitaûkîrwe. Nîûndû mangîtaûkîrwa, nwa macokerere Ngai, nake akamovera mevia mao.’ ”

Luka 19:42

akiugaga atîrî, “Naarî kethîrwa mwamenya maûndû marîa marendekana ûmûnthî nîûndû wa thayû! Nwatî rîu mûtiravota kûmona!

Ciîko 28:27

nîûndû ngoro cia andû aya nî nyûmû, na nîmakunîkîte matû mao, na makavinga metho mao. Kethîrwa tî ûguo metho mao nî mangîrona, na matû mao nîmangîregua. Namo meciria mao nîmangîrî gûtaûkîrwa, makanjokerera, nanie ngamavonia.’

Ciîko 3:19

Kwoguo îîrireni na mûcokerere Ngai nîguo ke amwovere mevia menyu. Na mwona mweka ûguo,

Ciîko 7:57

Nao athuuri onthe a Kîamma nîmaaugîrîrie na vinya, magîkunîka matû mao na magîtitimûkîra Stefano wa rîmwe.

2Tim 4:4

Andû nîmaakagarûrûka matige kûrûmîrîra ûma na macoke mathikaagîrîrie ng'ano cia gwîtungîra.

Ahib 5:11

Tûrî na maûndû meengî mûno tûngîaria îgûrû rîgiî maûndû marîa narîkia kûmwîra, nwatî nî vinya kûmûtaarîria mo nîûndû mûtitaûkagîrwa na îvenya.

Kûguû 22:2

Rwanyûrûrûkîte rûthiîrîrîte gatagatî ka varavara ya îtûûra rîu rînene. Mîena yoîrî ya rûnjî rûu nîkwamerete mûtî wa matunda ma mwoyo. Mûtî ûcio nîûciaraga matunda maita îkûmi na maîrî wa mwaka, na riita rîmwe wa mweri. Namo mathangû ma mûtî ûcio nîmatumagîrwa nî andû a ndûrîrî cionthe kûvonia mîrimû.