Mathaayo 12:45 - ÎVUKU RÎA ÛVORO MWARO

⁴⁵ Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”

Mathaayo 12:45 ပူးပေါင်းရင်းမြစ်များ

Alawi 13:20

Mûthînjîri-Ngai nîakaaroria vandû vau, na ona varî varikîru ndaarî ya ngothi na njuîrî ciavo igatuîka ino njerû, mûthînjîri-Ngai nîakaauga atî mûndû ûcio tî mûtheru. Ûcio nî mûrimû mûcûku wa ngothi umîrîte îvûvarî.

Mathaayo 12:24

Nwatî rîrîa Afarisai meegwire ûguo nîmaaugire atîrî, “Mûndû ûyû arutûrûraga ndaimono na vinya wa Belizebuli mûnene wa ndaimono.”

Mathaayo 12:44

Kwoguo nîîraga atîrî, ‘Nie nîngûcoka nyomba gwakwa kûrîa nîraumîte.’ Ngoma îo yacoka îthagîra nyomba îrî ntheri, îrî ntheru na îrî mvarîrie.

Mathaayo 17:21

Ndaimono ya mûthemba ûyû ndîngîrutûrûrîka na njîra îngî tiga na njîra ya mavoya na kwînyerekia.]”

Mathaayo 23:15

“Na kaî mue arimû a Watho na Afarisai mûrî na thîna-î! Mvinga ino. Mue mûringaga maria na mûgatuîkania mavûrûri nîguo mûgarûre mûndû ûmwe atuîke wa ndini yenyu. Na vîndî îrîa mwamûgarûra, nîmûtûmaga atuîke wa gûgaaikua îcuarî maita maîrî ma ûrîa mue mûgaaikua.

Mathaayo 23:24

Mue atongoria aya atumumu! Mûcungaga cai nîguo mûtikamerie ngi, nwatî mûkameria ngamîîra!

Maariko 16:9

Rîrîa Jesû aariûkire Jumaviri kîraûko tene nîwambire kuumîrîra Mariamu Mûmagidali ûrîa aarutîte ngoma mûgwanja. Nao aka acio nîmaathiîre kûrî Petero na arata ake na makîmava na njîra nguvî ûvoro wonthe ûrîa meerîtwe.

Maariko 5:9

Jesû nîwacokire akîûria mûndû ûcio atîrî, “Wîtagwa atîa we?” Nake nîwamûcokerie atîrî, “Nie mbîtagwa mbûtû, nîûndû tûrî eengî.”

Luka 11:26

Ngoma îo nîîcokaga îkagîîra ngoma ciîngî mûgwanja na nthûku kûmîkîra, na ciaûka igekara kûrî mûndû ûcio. Nake mûndû ûcio nîacûkagîrwa mûno makîria ya ûrîa ke arekariî vau mbererî.”

Aefeso 6:12

Nîûndû tûtirarûa na andû nwatî tûrarûa na maavinya macûku ma kîîroho marîa marî îgûrû rîerarî, na tûkarûa na monene na maavinya na athani a nduma a gûkû nthî.

Ahib 10:39

Tue tûtirî andû arîa macokaga na vuva makaûra, nwatî tûrî andû metîkîtie na avonokie.