Mathaayo 12:41 - ÎVUKU RÎA ÛVORO MWARO

⁴¹ “Mûthenya wa îtuîro andû a Nineve nîmakaarûngama na moonanie ûrîa mue andû a rûciaro rûrû mûrî acûku. Vîndî îrîa Jona aamavunjîrie nîmeeririre. Nie nîramwîra atî, ava varî na mûndû mûnene gûkîra Jona.

Mathaayo 12:41 ပူးပေါင်းရင်းမြစ်များ

Isaia 54:17

Gûtirî indo cia mbaara irîa irûthîtwe cia gûgûcûkangia ikaavota gwîka guo. Mûndû ûrîa ûgaakûthitanga îgootirî nîûkaamûvoota. Rîîrî nîrîo îgai rîa ndungata cia Ngai-Mûnene, na rîu nîrîo îtua rîakwa kûrî o.” Nie Ngai-Mûnene nînie nauga ûguo.

Jeremia 3:11

Ngai-Mûnene nîwacokire akîmbîra atîrî, “Isiraeli ûrîa ûtarî mwîvokeku, nîwonanîtie atarî na mevia mengî ta Juda ûrîa mûthani.

Jona 1:2

“Ûkîra ûthiî Nineve, îtûûra rîu rînene na ûrîrume; nîûndû nîmenyete ûrîa andû a kuo marî aganu.”

Jona 3:4

Rîrîa Jona aakinyire, nîwatoonyire îtûûrarî, na vuva wa kûthiî rûgendo rwa mûthenya mûgima, nîwanîrîre kûrî andû a îtûûra rîu atîrî, “Vuva wa mîthenya mîrongo îna kuuma ûmûnthî, îtûûra rîîrî rîa Nineve nîrîgaacûkangua!”

Mathaayo 12:39

Nwatî Jesû nîwamacokerie atîrî, “Na kaî andû a rûciaro rûrû nîacûku na matiîtîkitie Ngai-î! Na mûkînambûria nîmûringîre Kîamma? Gûtirî Kîamma mûngîringîrwa tiga wa Kîamma kîrîa Ngai aaringîre mûrathi Jona.

Mathaayo 12:42

Mûthenya wa îtuîro, mûndûmûka mûthamaki wa Sheba nîakaarûngama na onanie ûrîa mue andû a rûciaro rûrû mûrî acûku. Mûndûmûka ûcio nîwathiîre rûgendo rûraca kûthikîrîria ûûgî wa mûthamaki Solomoni. Nie nîramwîra atî ava varî na mûndû mûnene gûkîra Solomoni.

Mathaayo 12:45

Ngoma îo nîîthiîcaga îkagîra ngoma ciîngî mûgwanja njûku kûmîkîra, nacio igaûka igatûûra kûu. Nake mûndû ûcio nîacûkagîrwa mûno makîria ya ûrîa eekariî mbere. Ûguo nîguo mue andû a rûciaro rûrû rûcûku mûkeethîrwa mwîkariî.”

Mathaayo 12:6

Nie nîramwîra atî, ava varî na ûndû mûnene gûkîra hekarû.

Mathaayo 16:4

Na kaî andû a rûciaro rûrû nî aganu na magatura wîtîkio-î! Mue mûrambûria nîmûringîre Kîamma! Gûtirî Kîamma mûkaaringîrwa tiga kîrîa mwaringîrwe nî Jona.” Kwoguo nîwamatigire akînathiî.

Mathaayo 17:17

Nake Jesû nîwacokirie atîrî, “Na kaî mue andû a rûciaro rûrû mûtiîtîkîtie na mûrî acûku-î! Nîmbîkarania namue nginya rî? Nî mûkirîrîria nginya rî? Ndetereni kamwana kau ava!”

Mathaayo 23:36

Nie nîramwîra nama atî, andû a rûciaro rûrû nîmakaaverithua nîûndû wa maûndû mau monthe macûku, marîa mue na methe menyu mwaneka!

Luka 11:32

Mûthenya wa îtuîro wakinya, andû a îtûûra rîa Nineve nîmakaarûngama na mathitange andû a rûciaro rûrû nîûndû nîmeeririre vîndî îrîa Jona aamavunjîrie. Nwatî rîu nîramwîra nama atî, ava varî na mûndû mûnene gûkîra Jona.

Johana 3:31

Ûrîa ûkaga aumîte îgûrû nî mûnene gûkîra arîa engî onthe. Ke ûrîa umîte gûkû nthî nî wa gûkû nthî na aaragia ûvoro wîgiî maûndû ma gûkû nthî. Nwatî ûrîa ûkaga aumîte îgûrû nî mûnene gûkîra arîa engî onthe.

Johana 4:12

Nî Jakovu îthe wetû wa tene watûveere kîthima gîkî. Ke mwene, ciana ciake na ndîthia yake nîmaanyuire manjî ma kîthima gîkî. We ûrenda kuga atî wî mûnene gûkîra Jakovu?”

Aroma 2:27

Kwoguo andû a Ndûrîrî arîa matarî aruu mwîrî nwatî nîmathîkagîra watho, nîmakaamûtuîra ciira mue Ayahudi arîa mûrî na watho mwandîke na nîmûruaga nwatî mûtiathîkagîra watho ûcio.

Ahib 11:7

Wîtîkio nîguo watûmire Nuhu athikîrîrie Ngai vîndî îrîa aamûkaanirie ûvoro wîgiî maûndû marîa atoonete. Nîwathîkîre Ngai na agîtuma îtarû rîrîa ke na andû ake maatûmîre nîguo mavonokue. Na ûguo Nuhu eekire nîwonanirie atî andû a nthî maarî acûku. Nîûndû Nuhu nîwetîkirie nîwatuirwe Mûthingu nî Ngai.