Mathaayo 12:30 - ÎVUKU RÎA ÛVORO MWARO

³⁰ “Mûndû wa wonthe ûtarî vamwe nanie nî nthû yakwa, na mûndû wa wonthe ûtandethagîrîria gûcokanîrîria, nîkwa anyagarûkanagia.

Mathaayo 12:30 ပူးပေါင်းရင်းမြစ်များ

Kîam 49:10

Mûragi wa ûtongoria ndûkaauma Juda, njiarwa ciake nîcio igûtûûra ciathanaga. Mavûrûri monthe nîmakaamwathîkîra, na menamagîrîre mbere yake.

Thaburi 94:16

Nîûrîkû wandethirie kûrûa na andû arîa aganu? Nîûrîkû warî mwenarî wakwa ngîrûa na eki naaî?

Nthi 11:24

Andû amwe mavecanaga na ûtaana na makathiî na mbere gûtonga; nao arîa engî mativecanaga, nwatî nwakwa mathiîcaga na mbere kûthîna.

Hosea 1:11

Andû a Juda na Isiraeli nîmakaagomana vamwe na nîmakathuura mûtongoria wao ûmwe; nao nîmakoongereka kûu vûrûrirî wao. Mûthenya ûcio ûkethîrwa ûrî mûnene kûrî Jezireeli.

Mathaayo 12:29

“Gûtirî mûndû ûngîvunja nyomba ya mûndû njamba na atonye kuo na amûcune indo ciake atambîte kûthaîkania. Nwa aambire kûmûthaîkania nîguo avote kûmûcuuna indo.

Mathaayo 6:24

“Gûtirî mûndû ûngîvota gûtungatîra aathani aîrî. Nîûndû nwa amene ûmwe na akenda ûcio wîngî; ke nwa athîkîre ûmwe na akaira ûcio wîngî. Mûtingîtungatîra Ngai na mûtungatîre ûtonga.

Maariko 9:40

Nîûndû mûndû wa wonthe ûtarî nthû yetû, nî ûmwe wetû.

Luka 11:23

“Mûndû wa wonthe ûtethagîrwa arî vamwe nanie na ma ke nî nthû yakwa. Na mûndû wa wonthe ûtacokanagîrîria vamwe nanie na ma ke nîkwa anyagarûkanagia.”

Luka 9:50

Nwatî Jesû nîwacokerie Johana na arutwa acio engî atîrî, “Mûtiagîrîrwe nî kûmûkaania, nîûndû mûndû wa wonthe ûtarî nthû yenyu nî wa thiritû yenyu.”

Johana 11:52

na ciana cia Ngai irîa inyagarûkîte kûndû kuonthe, nîguo aicokanîrîrie vamwe na aitue kîndû kîmwe.

Josh 24:15

Ethîrwa mûtikwenda gûtungatîra Ngai-Mûnene, thuurani ûmûnthî ûrîa mûgatungatagîra. Thuurani kana nîkwa mûgatungatagîra ngai irîa methe menyu ma tene maatungataga marî Mesopotamia kana ngai cia Amori. Nwatî nie na andû a nyomba yakwa tûgaatungatagîra Ngai-Mûnene.”

Josh 5:13

Joshua arî vakuvî Jeriko, nîwonire mûndû arûngamîte mbere yake anyitîte rûviû. Joshua nîwathiîre varî ke na akîmûria atîrî, “We wî wetû kana ûrî wa nthû cietû?”

1Joh 2:19

Andû aya nama matiarî a gîkundi gîetû, kwoguo nîmaatûtigire. Maangîethîrwe marî a gîkundi gîetû nîmangîekaranirie natue. Nwatî nîmaatûtigire nîguo kûonekane waro atî matiarî etû.