Mathaayo 12:26 - ÎVUKU RÎA ÛVORO MWARO

²⁶ Kwoguo, ethîrwa Caitani nîarutûrûraga Caitani, ke nîmûgaûkanu na ûthamaki wake ndûngîvota kûrûngama.

Mathaayo 12:26 ပူးပေါင်းရင်းမြစ်များ

Mathaayo 13:19

Andû arîa megucaga ndûmîrîri îgiî Ûthamaki nwatî makarega gûtaûkîrwa, mekariî ta mbeû irîa ciagwîre gacîrarî. Ûrîa Mûcûku nîaûkaga na akamacuna kîrîa kîravandîtwe ngororî ciao.

Mathaayo 4:10

Nake Jesû nîwamîrire atîrî: “Uma varî nie Caitani! Mandîko matheru maugîte atîrî, ‘Goocaga Mwathani Ngai waku na ûmûtungatagîre wa ke wenga.’ ”

Mathaayo 9:34

Nwatî Afarisai nîmaaugire atîrî, “Nî mûnene wa ndaimono ûvecaga Jesû vinya wa kûrutûrûra ndaimono.”

Johana 12:31

Rîrî nî îvinda rîa gûtuîra andû a gûkû nthî ciira, na rîu mûnene wa gûkû nthî nîakwîngatwa.

Johana 14:30

Ndikwaria namue mûno rîngî îvinda îraca, nîûndû mûnene wa gûkû nthî nîaûkîte. Ke ndangîvota kûmbatha,

Johana 16:11

Mavîtîtie ûvororî wîgiî gûtuîra ciira nîûndû mûnene wa gûkû nthî nîarîkîtie gûtuîrwa.

2Akor 4:4

O matiîtîkagia nîûndû meciria mao nîmaigîtwe ndumarî nî ngai wa maveeni ûrîa wathaga nthî îno. Ke nîamarigîrîrîtie matikone ûtheri ûrîa umanaga na ûvoro mwaro wa riiri wa Kristû ûrîa arî ke mûvuanîre wa Ngai.

Akol 1:13

Ngai nîke watûtethûrire agîtûruta maavinyarî ma nduma na agîtûkinyia ûthamakirî wa Mûriû wake mwende atûmenyererete.

1Joh 5:19

Nîtwîcî atî tûrî a Ngai wana ethîrwa nthî yonthe îrî rungu rwa wathani wa Ûrîa Mûcûku.

Kûguû 12:9

Nayo njûnamatu îo nene na araika a yo nîmaaikirue nthî kuuma îgûrû - îo nîyo njoka ya tene, îrîa îtagwa Ngoma, kana Caitani ûrîa ûveenagia andû onthe a nthî.

Kûguû 16:10

Nake mûraika wa gatano nîwetûrûrire kîrîa Kîamrî mbakûrirî yake îgûrû rîa gîtî Kîam ûnene Kîam nyamû îo. Nakuo kûrîa kuonthe nyamû îo yathanaga nîkwagîre nduma, na andû makîîrûma nîmî ciao nîûndû wa ûrûrû.

Kûguû 9:11

Ngige icio ciarî na mûthamaki waciathaga, na nîke mûraika wa îrima rîrikîru rîtarî mûthiia. Rîîtwa rîake na rûthiomi rwa Kîhibirania nî Abandoni; na rûthiomi rwa Kîngiriki agetwa Apolioni (ûguo nîkuga “Mûcûkangia.”)