Mathaayo 12:22 - ÎVUKU RÎA ÛVORO MWARO

²² Na vuva wa ûguo, andû amwe nîmaavirîre Jesû mûndû warî mûtumumu na ûtangîavotire kwaria nîûndû aarî na ndaimono. Nake Jesû nîwavonirie mûndû ûcio, na akîvota kwaria na kwona.

Mathaayo 12:22 ပူးပေါင်းရင်းမြစ်များ

Thaburi 51:15

We Mwathani, mvotithia kwaria, na nîngûgûkumia.

Isaia 29:18

Mûthenya ûcio itegua nîikegua îvuku rîkîthomwa, nao arîa matûûraga ndumarî marî atumumu nîmakoona.

Mathaayo 4:24

Nayo ngumo yake nîyatambire vûrûrirî wonthe wa Sîria. Kwoguo andû nîmaamûvirîre andû onthe arîa maarî arwaru na maarî na mîrimû ya mîthemba yonthe: ndaimono, kîvava na kwonja ciîga cia mwîrî. Jesû nîwamavonirie onthe.

Maariko 3:11

Na rîrîa rîonthe ngoma ciamwonaga, nîcietungumanagia nthî mbere yake na ikîmugagîrîria atîrî, “We nîwe Mûriû wa Ngai!”

Ciîko 26:18

Nîngûtûma ûthiî ûkamavingûre metho nîguo maume ndumarî maûke kûrî ûtheri, na maume vinyarî wa Caitani maûke kûrî Ngai. Na nîûndû wa kûmbîtîkia makovagîrwa mevia mao na makaavewa îgai vamwe na andû arîa Ngai athuurîte.’

2Ath 2:9

Mûndû ûcio Mwaganu nîagaaûka arî na vinya kuuma kûrî Caitani, ûrîa ûkonanua na njîra ya ciama nyîngî cia maveeni na maûndû mengî ma magegania.