Mathaayo 12:17 - ÎVUKU RÎA ÛVORO MWARO

¹⁷ Ekire ûguo nîguo maûndû marîa Ngai aaririe na njîra ya mûrathi Isaia mavinge rîrîa aaugire atîrî,

Mathaayo 12:17 ပူးပေါင်းရင်းမြစ်များ

Isaia 42:9

Taroria maûndû marîa naarathire rîu nîmavingu. Rîu nîngûratha maûndû macerû, nîngwîra mo mbere ya mekîke.”

Isaia 44:26

Nînie mbîkagîra ciugo cia ndungata yakwa vinya, na ngavingia mataaro ma anjaama akwa. Nînie mbîraga Jerusalemu atî andû nîmagaatûûra kuo rîngî, namo matûûra ma Juda nîmagaatumwa rîngî, na nîngaatuma rîngî matûûra ma kuo marîa macûkangu.

Mathaayo 12:16

Ke nîwacokire akîmakaania matikeere andû ûvoro ûmwîgiî.

Mathaayo 12:18

“Taroriani ndungata yakwa îrîa nie nîthuurîrîte, nîo mendete na nîngenaga nî yo. Nîngaamîva roho wakwa, nayo nîîkamenyithia andû a ndûrîrî îtuîro rîakwa.

Mathaayo 13:35

Eekire ûguo nîguo maûndû mavingue marîa mûrathi aaririe akiuga atîrî: “Nie nîngaatûmîra ngerekano ngîmarîria, nîngaamera maûndû marîa mataanamenyekana kuuma rîrîa nthî yaûmbirwe.”

Mathaayo 21:4

“Ûndû ûyû wekîkire nîguo maûndû marîa marîtue nî mûrathi mavinge rîrîa augire atîrî:

Mathaayo 8:17

Ke eekire ûguo nîguo maûndû mavingue marîa maarirue nî mûrathi Isaia rîrîa aaugire atîrî, “Ke nîwocire wonje wetû na agîkuua mîrimû yetû.”

Luka 21:22

Nîûndû mîthenya îo nîo îkethîrwa îrî ya kûverithania nîguo maûndû monthe marîa Mandîko Matheru maugîte mavinge.

Luka 24:44

Jesû nîwacokire akîmeera atîrî, “Maûndû mama nwamo nîramwîraga vîndî îrîa nîrethagîrwa nîrî vamwe namue. Maûndû marîa mambîgiî na mandîkîtwe Wathorî wa Musa, mandîkorî ma arathi, wana nginya Thaburirî nwa nginya mavingue.”

Johana 10:35

Tue nîtuicî atî mandîko matheru maugaga ûma vîndî cionthe. Nake Ngai nîwetire andû acio maavunjîrue ndûmîrîri îo yake ngai cia mîvuanano.

Johana 12:38

Ûndû ûyû wekîkire nîguo ciugo ivinge irîa mûrathi Isaia aaugire atîrî: “Mwathani, nû wetîkirie ndûmîrîri îrîa twavecanire? Na nû Mwathani oonirie ûrîa vinya wake wîgana?”

Johana 19:28

Jesû nîwaicî atî vuva wa ûguo maûndû monthe maarî marîku. Na nîguo mandîko matheru mavinge nîwaugire atîrî, “Nie nîrî mûnyondu.”

Ciîko 13:27

Andû arîa matûûraga Jerusalemu na atongoria ao matiamenya atî Jesû nîke Mûvonokia. O matiataûkîrwa nî ciugo irîa arathi maandîkire, irîa ithomagwa mîthenya yonthe ya thavatû. Nwatî o nîmaaivingirie vîndî îrîa maaugire atî Jesû aarî na ûcuke.