Mathaayo 11:23 - ÎVUKU RÎA ÛVORO MWARO

²³ Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Mathaayo 11:23 ပူးပေါင်းရင်းမြစ်များ

Kîam 13:13

Andû a kûu Sodomu maarî evia na nîmeekaga maûndû macûku mûno marî mbere ya Ngai-Mûnene.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Ezek 26:20

Nîngaacoka ngûnyûrûrûkie îrimarî kwa arîa akuû nîguo mûgekarage na andû arîa maatûûraga mwoyo tene. Nîngaatûma ûtûûre kûu kwanangîku tene na tene na mûtûûrage kuo na arîa akuû. Gûtirî andû magaaûka gûtûûra kûrî we rîngî, kana ûgîe na vandû vûrûrirî wa arîa marî mwoyo.

Ezek 31:14

Ûguo wekîkire nîguo gûtikagîe mûtî wana ûrîkû ûrîa ûmerete vakuvî na manjî ûkaaracava na îgûrû ûkinyîra matu. Nîûndû mûthiia wa indo cionthe nî gûkua, wana andû nîmagaakua na mathiî kwa arîa akuû.”

Ezek 32:18

“Mûndû, cakaîra mwîngî wa Misiri, ûmaikie nthî, Misiri yo mene na erîtu a mavûrûri marîa marî îgweta. Maikie vûrûri wa arîa akuû mathiî vamwe na arîa manyûrûrûkaga kwa arîa akuû.

Ezek 32:24

“Elamu arî kuo na andû ake mathiûrûrûkîrîtie mbîrîra yake. Onthe nî akuû na maaûragirwe marî mbaararî na makîthiî kwa arîa akuû matarî aruu. Acio nîmaamakagia andû arîa marî mwoyo na nîmaconorithîtue marî vamwe na andû arîa mathiîte gwa akuû.

Obadia 1:4

Wana ethîrwa ûmbûkaga na îgûrû ta nderi, ûgatuma kîomba gîaku kûrîa njata irî, nîngaakûruta kuo ngûgwîthie nthî, ûguo nîguo nie Ngai-Mûnene nîrauga.

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Mathaayo 16:18

Kwoguo nîrakwîra atîrî Petero, we ûrî îthiga, na îgûrû rîa îthiga rîîrî nie nîngaatuma kanitha wakwa, wana nginya gîkuû gîtigaatoria kanitha ûcio.

Mathaayo 17:24

Rîrîa Jesû na arutwa ake maakinyire Kaperinaumu, andû arîa meetagia gooti ya hekarû nîmaathiîre kûrî Petero na makîmûûria atîrî, “Mwarimû wenyu nîarîvaga gooti ya hekarû?”

Mathaayo 4:13

Jesû nîwaumire îtûûrarî rîa Nazarethi, na akîthiî gûtûûra Kaperinaumu itûûra rîrîa rîarî vakuvî na îria rîa Galili vûrûrirî wa Zebuluni na Nafutali.

Mathaayo 8:5

Rîrîa Jesû aatonyire Kaperinaumu, mûnene ûmwe wa athigari îgana a Roma nîwathiîre kûrî ke na akîmûthaitha akîmwîraga atîrî:

Luka 10:15

Namue andû a îtûûra rîa Kaperinaumu, nîkwa mwendaga kwînenevia nginya mûkinye îgûrû? Mue nîmûgaaikua îcuarî!”

Luka 14:11

Nîûndû mûndû wa wonthe wînenevagia nîakaanyivua, na ûrîa wînyivagia nîakaanenevua.”

Luka 16:23

Rîrîa Kîamthînîkaga kîrî îcuarî, nîkîaroririe na îgûrû na gîkîona Iburahimu na Lazaro marî varaca na mekaranîrîte.

Luka 4:23

Nake Jesû nîwerire andû acio atîrî, “Nie ndirî na nganja atî nîmûkûngwetera nthimo îrîa yugaga atîrî, ‘Ndagîtarî, amba wîthondeke we mwene.’ Wana rîngî nîmbîcî nîmûkûmbîra mbîke gûkû îtûûrarî rîetû maûndû marîa mwegwire atî nînekire îtûûrarî rîa Kaperinaumu.

Ciîko 2:27

nîûndû we ndûkaandiganîria kwa arîa akuû; we ndûgetîkîra ûrîa waku mwîvokeku oorere mbîrîrarî.

Ciîko 2:31

Daudi nîwecî ûndû ûyû wana mbere ya ûtuîkîke. Kwoguo ke nîwaririe ûvoro wîgiî kûriûka kwa Mesaya vîndî îrîa aaugire atîrî: ‘Ke ndaatiganîrua kwa arîa akuû; na mwîrî wake ndworera mbîrîrarî.’

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.

Kûguû 1:18

Nie nînie ûrîa ûrî mwoyo! Nie nînaakuîte, nwatî rîu nîrî mwoyo tene na tene. Nie nîrî na ûvoti îgûrû rîa gîkuû na vûrûri wa arîa akuû.

Kûguû 11:8

Nacio ciimba ciao nîikaamama njîrarî ya îtûûra rîrîa rînene kûrîa Mwathani wao ambîîrwe. Na rîo rîîtwa rîa ngerekano rîa îtûûra rîu nî Sodomu, kana Misiri.

Kûguû 20:13

Îria nîrîanenganîre arîa maakuîrîrîte kuo. Gîkuû na îcua nacio nîcianenganîre akuû arîa ciarî nao. Na onthe nîmaatuîrîrwe ciira kûringana na ûrîa meekîte.

Kûguû 6:8

Nînaroririe na ngîona mbarathi ya rangi îno nthererûku. Nake ûrîa wathiîte amîkarîrîte eetagwa Gîkuû na Vûrûri wa arîa akuû nîwamûrûmîrîrîte. Nao nîmaaveerwe ûvoti wa kwatha kîmwe gîa icunjî inya cia nthî nîguo maûrage andû na njîra ya mbaara, yûra, mîrimû, na nyamû cia kîthaka.