Malaki 3:7 - ÎVUKU RÎA ÛVORO MWARO

⁷ Kuuma vîndî ya methe menyu, mue nîmûtiganîrîtie maathani makwa na mûkarega kûmarûmîrîra. Kwoguo nie Ngai-Mûnene, mwene vinya wonthe nîrauga atîrî: Njokererani, nanie nîngûmûcokerera. Nwatî mue mûragia atîrî, ‘Nîtûgûcokerera atîa?’

Malaki 3:7 ပူးပေါင်းရင်းမြစ်များ

Nehemia 9:26

“Kûnarî ûguo andû aku nîmaaregire kwathîka, na nîmaareganire nawe. Nîmaareganire na Watho waku na makîûraga arathi arîa maameraga makûgarûrûkîre, na mavinda meengî nîmaakûrumire.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 3:22

Njokererani mue ciana ciakwa mûtarî evokeku nîngamûvonia na nîmûtue evokeku. Taroria nîtwaûka kûrî we; nîûndû we nîwe Ngai-Mûnene Ngai wetû.

Jeremia 7:25

Kuuma mûthenya ûrîa methe menyu maumire Misiri nginya ûmûnthî, ndwîre ndûmaga arathi, ndungata ciakwa kûrî o.

Jeremia 7:26

Nwatî mûtianthikîrîria kana mûmbîgua, nwatî nîmwaûmirie ciongo, na mûgîtuîka aregi gûkîra methe menyu.

Ezek 2:3

na akîmbîra atîrî, “We mûndû, nîngûtûma kûrî andû a Isiraeli, andû mareganîte nanie. Nginya ûmûnthî andû acio nîmamvîtîrîtie wata ûrîa methe mao maamvîtîrie.

Ezek 20:13

Nwatî andû a Isiraeli nîmaareganire nanie marî werûrî. Matiarûmîrîra irîra ciakwa nwatî nîmaaregire mawatho makwa, marîa mûndû angîmarûmîrîra mangîtûma atûûre mwoyo, na makîrega kûva thavatû ciakwa gîtîîo. Nînacokire ngîciria nîmetûrûrîre marakara nîmathirie viû marî werûrî.

Ezek 20:21

“Nwatî njiarwa ciao nîciatuîkire aremi na ikîregana nanie. Matiarûmîrîra irîra ciakwa na matiathîkîra mawatho makwa marîa mûndû amarûmîrîra matûmaga atûûra mwoyo. Nîmaaregire kûva thavatû ciakwa gîtîîo. Nînacokire ngîciria nîmetûrûrîre mang'ûrîka makwa nîguo nthirie marakara makwa kûrî o marî werûrî.

Ezek 20:28

Namaretire vûrûrirî ûrîa namerîrîre na mwîvîtwa atî nîngaamava. Varîa vonthe moonaga varî tûrîma tûtûgîru kana mûtî mûruru, nîmaathiîcaga na makarutîra magongoona mao vo, na nîmandakaririe na magongoona mao ma kûvîvua matega ma ndivei marîa maarutire.

Ezek 20:8

Nwatî nîmaareganire nanie na makîrega kûnthikîrîria. Gûtirî wanarî ûmwe wao watecanîrie maûndû marîa marî mûgiro meeriragîria, kana matiganîria mîvuanano ya kûgooca ya Misiri. Ngîcoka ngiuga nîngûmetûrûrîra mang'ûrîka makwa nthirie marakara makwa kûrî o marî vûrûrirî wa Misiri.

Hosea 14:1

Mue andû a Isiraeli, cokererani Ngai-Mûnene Ngai wenyu, wîvia wenyu nîguo ûtûmîte mûvîngwe.

Zakaria 1:3

Kwoguo îra andû Ngai-Mûnene mwene vinya wonthe augîte, ‘Njokererani nanie nîngûmûcokerera.’

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Malaki 3:13

Ngai-Mûnene arauga atîrî, “Nîmwarîtie maûndû macûku mûno mambîgiî. Nwatî mue mûragia atîrî, ‘Nî maûndû marîkû macûku twarîtie îgûrû rîaku?’

Mathaayo 23:27

“Na kaî mue arimû a Watho na Afarisai mûrî na thîna-î! Mue mvinga ino! Mue mwîkariî ta mbîrîra irîa cionekaga irî nthaka ivakîtwe mûnyû, nwatî ndaarî ya cio ciîthagîrwa ciîcûrîte mavîndî na ciimba ino mboru.

Luka 15:16

Mwanake ûcio nîwavûtire mûno nginya akîambîrîria kwîrirîria kûrîa makoro marîa maarîcagwa nî ngûrwe, nwatî gûtirî mûndû wamûvecaga kîndû.

Aroma 10:21

Nwatî ûvoro wîgiî Isiraeli Ngai augîte atîrî, “Natindire mûthenya mûgima ndambûrûkîtie njara kûrî andû aremi na aûmû ngoro.”

Aroma 10:3

Nîûndû wa kûrega kûmenya ûthingu ûrîa uumaga kûrî Ngai, o nîmageretie kwîrûthîra ûndû wao o ene. Kwoguo nîmaaregire kûrûmîrîra njîra îrîa Ngai atûcaga mûndû mûthingu.

Aroma 7:9

Nie nînatûûraga mwoyo wana mbere ya menya watho. Nwatî rîrîa naamenyire maathani, mevia nîmaagîre vinya,

Gûco 31:20

Nîngaamavira vûrûri wîcûrîte îriia na ûûkî, ûrîa nerîîre methe mao na mwîvîtwa atî nîngaamava. Nîmakaarîa kîrîa kîonthe makaavatara na matûûre makenete. Nwatî nîmakaagarûrûka na magooce ngai ciîngî na maitungatîre. Nîmakaaregana nanie na maune kîrîkanîro kîrîa naarûthire nao.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!