Malaki 3:5 - ÎVUKU RÎA ÛVORO MWARO

⁵ Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Malaki 3:5 ပူးပေါင်းရင်းမြစ်များ

Kîam 20:11

Iburahimu nîwacokirie atîrî, “Nie nekire ûguo nîûndû neciragia gûkû gûtingîthîrwa kûrî na mûndû wîtigîrîte Ngai, na atî nwambûragwe nîûndû wa mûka wakwa.

Kîam 42:18

Mûthenya wa kathatû Josefu nîwamerire atîrî, “Nie nîrî mûndû wîtigîrîte Ngai, kwoguo nîmûgûtûûra mwoyo mweka ûndû ûyû ûmwe.

Nehemia 5:15

Anene onthe arîa maathanaga mbere yakwa nîmaaigîrîrîte andû mîrigo mîrito. Nîmeetagia kuuma kûrî wa mûndû sîlûva mîrongo îna na îgûrû rîa icio magetia irio na ndivei. Wana ndungata ciao nîciavinyagîrîria andû. Nwatî nie ndieka ûguo, nîûndû nînetigagîra Ngai.

Ayubu 31:12

Wîvia ûcio ûvana ta mwaki ûrîa ûvîvagia ûkathiria, na nwa ûvîvie indo cionthe ciakwa.

Ayubu 7:2

Ekariî ta ngombo îgîcaria mwîgunyî, kana ta mûruti wîra etererete mûcara.

Thaburi 36:1

Wîvia nîwaragîria mûndû mwaganu ndaarî ya ngoro yake; nîareganaga na Ngai na ndamûtîîaga.

Thaburi 81:8

Mue andû akwa, thikîrîriani ngîmûkaania! Mue Isiraeli, naarî kethîrwa nwa mûnthikîrîrie!

Thaburi 96:13

îkaaina îrî mbere ya Ngai-Mûnene rîrîa agaaûka. Nîûndû agaaûka gûtuîra andû a nthî ciira. Ke agaatuîra nthî na waragania na andû a nthî na kîvooto.

Thaburi 98:9

mûrî mbere ya Ngai-Mûnene, nîûndû nîaûkîte gûtuîra nthî ciira. Ke agaatuîra andû na waragania na kîvooto.

Ntha 1:17

Nwatî Sifira na Pua nîmeetigîrîte Ngai na kwoguo nîmaaregire kwathîkîra mûthamaki. Vandû va ûguo nîmaarekire tûvîcî tûtûûre mwoyo.

Ntha 18:21

Nwatî îgûrû rîa maûndû mau monthe thuura andû gatagatî ka andû aya onthe. Ûthuure arûme arîa marî na ûvoti, na metigîrîte Ngai, evokeku na andû mathûrîte mavaki. Andû acio matue atongoria a andû. Amwe matongoragie ikundi cia andû ngiri, engî magana, na engî ikundi cia andû mîrongo îtano na engî makûmi.

Ntha 20:7

“Ndûkagwete rîîtwa rîa Ngai-Mûnene, Ngai waku na îtherû, nîûndû nie Ngai-Mûnene ndikaauga atî mûndû ndevîtie ûrîa ûngwetaga rîîtwa na îtherû.

Ntha 22:20

“Mûndû wa wonthe angîrutîra ngai ya mûvuanano îgongoona tiga nie, Ngai-Mûnene, nîakaaûragwa.

Nthi 16:6

Gûtuîka mwathîki na mwîvokeku nîgûtûmaga Ngai overe mûndû mevia. Gwîtigîra Ngai-Mûnene nî kûgiragia mûndû eke maûndû macûku.

Nthi 8:13

Gwîtigîra Ngai-Mûnene nî kûthûûra maûndû macûku; nî nthûrîte mwîtîîo, mwîcaaro, maûndû macûku na maûndû ma kûvîtithia andû.

Isaia 57:3

Nwatî mue ciana cia ago, na njiarwa cia mûndûmûka mûtharia na mûmaraa ûkani ava vakuvî.

Jeremia 23:10

Nîûndû vûrûri wîcûrîtwe nî itharia nîûndû wa irumi, vûrûri nî ûracakaya, na nyaki ya kûrîthia werûrî nî nyûmû. Mîthiîre yao nî îno mîcûku, matûmagîra vinya wao na njîra îtagîrîrîte.

Jeremia 27:10

Methagîrwa makîmûveenia na nîmagaatûma mûthamue mûvirwe kûraca na vûrûri wenyu. Nie Ngai-Mûnene nîngamwîngata na nîmûgaacûkangua.

Jeremia 27:9

Kwoguo mûtikathikîrîrie arathi enyu, aringi a mbûgû enyu, aroti enyu kana arogi enyu. Andû aya onthe mamwîraga mûtigatungatîre mûthamaki wa Babuloni.

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 42:5

Nao andû nîmaacokire makîra Jeremia atîrî, “Ngai-Mûnene arotuîka mûira wa ma na mwîvokeku wa kwonania ûcûku wetû, ethîrwa tûtigeeka kûringana na ûrîa Ngai-Mûnene, Ngai waku agûkwatha ûtwîre.

Jeremia 5:2

Wana ethîrwa nîmaugaga: “Wata ûrîa Ngai-Mûnene atûûraga mwoyo,” kwîvîta kwao nî kwa maveeni.

Jeremia 5:29

Ngai-Mûnene arauga atîrî, “Nwa ndege kûverithia andû nîûndû wa maûndû mama? Nwa ndege kwîrîvîrîria kûrî vûrûri ta ûyû?

Alawi 19:13

“Mûtikanavinyîrîrie mûndû ûrîa wîngî kana mwîe kîndû gîake. Ethîrwa mûndû arîkanîrîte na mûndû ûrîa wîngî amûrutîre wîra nîguo amûrîve, mûndû ûcio ndagîrîrwe nî gûkinyia mûthenya ûcio wîngî atarî mûrîvu mûndû wake wa wîra.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Alawi 20:27

“Mûndûmûrûme kana mûndûmûka wa wonthe mûndûmûgo kana mûrogi nîakaaûragwa na mathiga. Ikuû cia andû acio ikaaumana na ciîko ciao o ene.”

Alawi 20:6

“Mûndû angîkaathiî kûria ûtethio kûrî ago na oni maûndû na arege kwîthîrwa arî mwîvokeku kûrî nie, nî ngaamûverithia na nîmwamûranie na andû akwa.

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.

Habakuku 1:12

We Ngai-Mûnene kuuma Kîammbîrîria we warî Ngai. Ûrî Ngai wakwa, mûtheru na wa tene na tene. We Ngai wakwa, mûtheru wakwa ûtakucaga, we Ngai-Mûnene nîûthuurîte Akalidei nîguo matûtuîre ciira; we Îthiga, ûmavete vinya nîguo matûverithie.

Zakaria 11:12

Nînacokire ngîmera atîrî, “Mûngîona arî waro ndîvani mûcara wakwa, narîo mûngîona atarî waro, îkarani naguo.” Nîmaandîvire mûcara wa mbeca cia sîlûva mîrongo îthatû.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Malaki 2:14

Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”

Luka 23:40

Nwatî mûndû ûcio wîngî nîwamûkaanirie akîmwîraga atîrî, “Anga ndwîtigagîra Ngai? We ûtuîrîrîtwe ûndû ûmwe nake?

Aroma 3:8

Nîtuga atîa vi? Tûthiî na mbere na kwîvia nîguo maûndû maro mongerereke? Andû amwe matûûraga matûcambagia makiugaga atî ûguo nîguo tugaga. Nao nîmagaatuîrwa ciira na kîvooto.

Gûco 15:13

Mwarekereria mûndû ûcio mûtikareke athiî njara ntheri.

Gûco 18:10

Gatagatîrî kenyu gûtikethîrwe kûrî na mûndû wa wonthe ûkaaruta mûvîcî, kana mwarî arî îgongoona rîa kûvîvua. Gûtikethîrwe kûrî na mûragûri, mûndûmûgo kana mûringi mbûgû,

Gûco 24:17

“Mûtikaime ageni kana ciana cia ndigwa kîvooto Kîamo, kana mwoce nguo ya mûndûmûka wa ndigwa îrî kîndû gîa kûrûngamîrîra kîndû kîrîa akovithîtue.

Gûco 27:19

“ ‘Kûnyitwa nî kîrumi nî mûndû ûrîa ûcunaga ageni, ciana cia ndigwa, na aka a ndigwa kîvooto.’ “Nao andû onthe nîmakaauga, ‘Ameni!’

Gûco 5:11

“ ‘Ndûkanagwete rîîtwa rîa Ngai-Mûnene, Ngai waku na îtherû nîûndû Ngai-Mûnene, Ngai waku nîakaaverithia andû arîa magwetaga rîîtwa rîake na îtherû.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

Jakuvu 5:12

Ariû na aarî a îthe wetû, îgûrû rîa maûndû monthe, mûtikanyue muma vîndî îrîa mûreranîra. Mûtikavûthîre rîîtwa rîa îgûrû, nthî kana kîndû kîngî wa kîonthe nîguo mwonanie ûrîa mûrauga. Vîndî îrîa mûrenda kuga îî, ugagani tu “Îî” na rîrîa mûrenda kuga naarî, ugagani “Naarî,” nîguo mûtigatuîrwe.

Jakuvu 5:4

Mûtirîvîte mîcara wana îrîkû kûrî arîa maarutire wîra mîgûndarî yenyu. Tathikîrîriani mateta mao! Kîrîro Kîam arîa mamûkethagîra irio nî gîkinyîte matûûrî ma Ngai, Mwathani Mwene vinya wonthe.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.