Malaki 3:16 - ÎVUKU RÎA ÛVORO MWARO

¹⁶ Nao arîa magocaga Ngai-Mûnene nîmaranîrie o ene, nake Ngai-Mûnene akîgua ûrîa maaragia. Narîo îvuku nîrîaigirwe mbere ya Ngai-Mûnene rîandîkîtwe marîîtwa ma arîa mamûgoocaga na mamwathîkagîra.

Malaki 3:16 ပူးပေါင်းရင်းမြစ်များ

Kîam 22:12

Mûraika nîwerire Iburahimu atîrî, “Ndûkavutie kamwana kau kana ûgeke ûndû; nîûndû nînamenya atî we nîûtîîte Ngai na nîûmwathîkagîra, nîûndû ndûnamûgiria mûvîcîguo wa kîmomwe.”

2Sam 7:1

Mûthamaki Daudi nîwatûûrire nyombarî yake, na Ngai-Mûnene akîmûgitîra kuuma kûrî nthû ciake cionthe.

1Atha 18:12

Î narîo Roho wa Ngai-Mûnene angîgwoca na akûvire kûndû ndaicî narîkia kuuma ava? Nacoka nera Ahabu, atî wî gûkû nake arege gûkwona, kinthî ndakûmbûraga? Ririkana, atî ndwîre nîrî mûgooci Ngai-Mûnene na vinya mûno kuuma nîrî kamwana.

1Atha 18:3

Ahabu nîwetire Obadia, ûrîa warî mûmenyereri wa nyomba ya mûthamaki. (Obadia aarî mûndû mûgooci Ngai-Mûnene mûno,

2Maû 6:7

Solomoni nîwathiîre na mbere kuga atîrî, “Vava Daudi nîwendete gûtuma hekarû ya kûgoocagîra Ngai-Mûnene, Ngai wa Isiraeli,

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Esita 2:23

Rîrîa ûndû ûcio watuîrirue na ûkîmenyekana atî nî wa ma, andû acio oîrî nîmaacurirue mûtîrî îgûrû. Mûthamaki nîwathanire ûvoro ûcio wandîkwe îvukuurî rîa maûndû ma kûririkanagwa ma vûrûri.

Esita 6:1

Ûtukû ûcio mûthamaki ndoona toro. Nîwaugire avirîrwe îvuku rîrîa rîandîkîtwe maûndû marîa mekîkaga wa mûthenya na athomerwe.

Ayubu 28:28

Ngai nîwacokire akîîra mûndû atîrî, “Taroria! Gwîtigîra Ngai nîguo ûûgî, na kwîthema waganu nîguo ûmenyo.”

Thaburi 10:4

Andû arîa aganu matiîciragia ûvoro wa Ngai-Mûnene, nîûndû wa mwîtîîo wao maugaga atî, “Gûtirî Ngai.”

Thaburi 104:33

Nîndûûra minagîra Ngai-Mûnene ûtûûrorî wakwa wonthe, nîndûûra ngumagia Ngai wakwa vîndî yonthe ya ûtûûro wakwa.

Thaburi 111:10

Gwîtigîra Ngai-Mûnene nîkîo Kîammbîrîria Kîam ûûgî, arîa onthe maathîkagîra maathani make nîamavecaga ûmenyo. Ke nîatûûra akumagua tene na tene.

Thaburi 115:13

Nîakaarathima arîa mamwîtigagîra, arîa anini na arîa anene.

Thaburi 119:63

Nie nîrî mûrata wa andû onthe arîa magwîtigîrîte, mûrata wa arîa mathîkagîra mawatho maku.

Thaburi 139:4

Wana mbere ya mbuga ûndû, we Ngai-Mûnene wîthagîrwa wîcî ûrîa nguga.

Thaburi 147:11

Nwatî Ngai-Mûnene akenagua nî arîa mamwîtigagîra, arîa mevokaga wendo wake ûtathiraga.

Thaburi 16:3

Andû arîa mevokete Ngai-Mûnene vûrûrirî kaî nî aro-î! Nîngenaga mûno ngîkarania nao.

Thaburi 20:7

Andû amwe metîîaga na ikaari ciao cia mbaara, nao engî magetîîa na mbarathi ciao, nwatî tue twîtîîaga na Ngai-Mûnene, Ngai wetû.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 34:15

Ngai-Mûnene aroragia andû arîa athingu, na nîathikagîrîria kîrîro Kîamo.

Thaburi 56:8

We nîwicî ûrîa nthînîkîte; we nîwicî methori makwa monthe marîa ndîrîte. Na kinthî monthe matirî îvukuurî rîaku?

Thaburi 56:9

Rîrîa nagwîtia ûtethio we Ngai, nthû ciakwa nîikaavootwa, Nîmbicî atî Ngai arî mwena wakwa.

Thaburi 66:16

Mue muonthe mwîtigîrîte Ngai, ûkani mûnthikîrîrie, na nîngûmwîra ûrîa ambîkîte.

Thaburi 94:19

Rîrîa negua ngîtangîka mûno ngororî, We Ngai-Mûnene ûnyûmagîrîria na ûgatûma ngîa na gîkeno.

Ntha 32:32

Nakûthaitha ûmovere mevia mao. Narîo ethîrwa tî ûmovera, nîngîkûvoya ûvute rîîtwa rîakwa kuuma îvukuurî rîrîa wandîkîte marîîtwa ma andû aku.”

Nthi 13:20

Mûndû ûrîa ûthiîcanagia na andû aûgî nîaûvîgaga, nwatî kûgîa ûrata na irimû kûviraga mûndû thînarî.

Isaia 26:3

We Ngai-Mûnene, arîa magwîtîkîtie, nîûmaigaga marî na thayû mûkinyanîru, nîûndû nwawe mevokete.

Isaia 26:8

We Ngai-Mûnene nîtûgwetagîrîra, tûrûmîrîrîte matuîro maku ma ciira; na ngoro cietû nwawe ciîriragîria.

Isaia 4:3

Arîa onthe magaatigara marî mwoyo îtûûrarî rîa Jerusalemu, arîa magaatigara kûu Zayuni nîmagetwa, “Atheru.” Acio nî arîa onthe marîîtwa mao makethîrwa mandîkîtwe nîguo matûûre kûu Jerusalemu.

Isaia 50:10

Nû gatagatîrî kenyu wîtigîrîte Ngai-Mûnene na wathîkagîra mûgambo wa ndungata yake, wana ethîrwa athiîcagîrîra ndumarî atarî na ûtheri, nîevokete Ngai-Mûnene na nîevokaga Ngai wake.

Isaia 65:6

“Nînduîte kûmaverithia na ngandîka, na ndingîkirîrîria rîngî, nwatî nduîte kûmaverithia

Jeremia 31:18

“Nîmbîguîte Efiraimu akîaria arî na kîeva, ‘We nîûnthomithîtie kwathîka, nanie ngathîka, ta gacaû gatamenyeretue gwîkîrwa îcoki. Njokia kûrî we na nîngûgûcokerera, nîûndû we nîwe Ngai-Mûnene Ngai wakwa.’

Jeremia 8:6

Mbîthîrîtwe nthikîrîrîtie waro, nwatî matiaragia ûvoro wa ma. Gûtirî mûndû wanarî ûmwe wîriraga nîûndû wa waganu wake; na eyûrie atî, ‘Mbîkîte atîa?’ Wa mûndû athiîcaga njîra yake ke mwene, ta mbarathi îvinyûrîte mbaararî.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Danieli 12:1

“Mavinda mau, Mikaeli, mûraika mûnene ûrîa ûgitagîra andû aku nî akaaumîra. Nî gûkethîrwa na mavinda ma thîna nyîngî îtanonekana kuuma rîrîa kwagîîre na vûrûri wa Isiraeli. Rîrîa kavinda kau gagaakinya mûndû wa wonthe, ûrîa rîîtwa rîake rîkethîrwa rîrî îvukuurî rîa mwoyo nîakaavonokua.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Luka 2:38

Na îthaarî wa rîu, Ana nîwakinyire na agîcokeria Ngai ngatho. Ana nîwaririe ûvoro wîgiî mwana ûcio kûrî andû arîa maatûûrîte metererete Ngai akûre Jerusalemu.

Ciîko 1:13

Rîrîa maatonyire îtûûrarî rîu nîmaacokire makîthiî kanyombarî ka îgûrû kûrîa meekaraga. Nao maarî Petero, Johana, Jakuvu na Enderea, Filipu, Toma, Batholomayo, Mathaayo, Jakuvu mûrû wa Alufayo, Simoni ûrîa wetagwa Zelote, na Judasi mûrû wa Jakuvu.

Ciîko 10:2

Ke aarî mûndû mwîtîkia Ngai mûno, na vamwe na andû onthe a mûciî wake nîmaagoocaga Ngai. Nake nîwavothagîra Ayahudi arîa maarî athîni arî na ûtaana na akavoyaga Ngai mavinda meengî.

Ciîko 2:1

Na rîrîa mûthenya wa Pentekosto wakinyire, arîa onthe metîkîtie Jesû maagomanîte vamwe Jerusalemu.

Ciîko 9:31

Kwoguo kanitha ya kûu kuonthe Judea, Galili na Samaria nîyekarire îrî na thayû. Nayo îgîtethagîrîrua nî Roho Mûtheru nîyagîre na vinya na îkîthiî na mbere gûkûra îkîongererekaga îrî na wîtigîri wa Mwathani.

Aefeso 5:19

Aranagîriani na ciugo cia thaburi, nyîmbo cia gûkumia Ngai na nyîmbo cia kîîroho. Inagîrani Mwathani na mûmûkumagie na ngoro cienyu cionthe.

1Ath 5:11

Kwoguo ûmanagîrîriani na mwîkanagîre vinya wata ûrîa mûreka rîu.

1Ath 5:14

Ariû na aarî a îthe wetû, tûramûthaitha mûkanagie igûta itige ûgûta, ûmagîrîriani iguoya, tethagiani arîa matarî na vinya na mûkiragîrîrie andû onthe.

Ahib 10:24

Nîtûtethanagieni na twendanage mûndû na ûrîa wîngî na twîkage ciîko mbaro.

Ahib 12:15

Îîmenyerereni mûndû ndagate wega wa Ngai. Gûtikethîrwe kûrî na mûndû ûgûtuîka ta mûtî mûrûrû ûrîa ûkûraga na ûgatûma kûgîe na mathîna meengî nî ûndû wa ûrogi waguo.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 20:12

Na nînoonire andû arîa maakuîte, anene na anini, marûngamîte mbere ya gîtî Kîam ûthamaki. Namo mavuku nîmaavingûrirwe. Na îvuku rîngî narîo nîrîavingûrirwe na nî îvuku rîa mwoyo. Andû arîa maakuîte nîmaatuîrîrwe kûringana na ûrîa mekîîte, wata ûrîa kwandîkîtwe mavukurî mau.