Malaki 3:15 - ÎVUKU RÎA ÛVORO MWARO

¹⁵ Kuuma rîu tûkaugaga atî andû arîa etîi nîo arathime na andû arîa mekaga maûndû macûku, wana mageria Ngai-Mûnene mativerithagua, nwakwa mathiîcaga na mbere na kûgîa na mûtûûrîre mwaro.’”

Malaki 3:15 ပူးပေါင်းရင်းမြစ်များ

Esita 5:10

Nwatî Hamani nîweyûmîrîrie na akînûka. Nîwathiîre agîîta arata ake vamwe na mûka Zereshi gwake mûciî.

Ayubu 1:22

Maûndûrî mama monthe Ayubu ndevia na ndaaruta Ngai mavîtia.

Ayubu 12:6

Mîciî ya aûragani îrî na thayû, na arîa marakaragia Ngai matûûraga marî agitîre, vinya wao umaga kûrî ngai ciao.

Ayubu 21:30

Mûndû mwaganu nîatigaraga mûthenya wa thîna, nîatethûragwa mûthenya wa marakara.

Ayubu 22:23

Ûngîcokerera Ngai mwene vinya wonthe na wînyivie, na ûthengutie waganu ûrîa wîkagwa gwaku mûciî;

Thaburi 10:3

Andû arîa aganu metîîaga nîûndû wa merirîria ma ngoro ciao, arîa akoroku marumaga na makarega Ngai-Mûnene.

Thaburi 106:14

Marî werûrî nîmecûrirwe nî ngumba nene ya irio, na makîgeria Ngai marî kûu werûrî.

Thaburi 141:4

Ndûkareke ngucîrîrua gwîka maûndû macûku, kana mbîka maûndû ma waganu. Ndûkareke nyitanîra na andû arîa mekaga maûndû ma waganu, kana ndîcanîra nao irugorî ciao.

Thaburi 49:18

Wana ethîrwa arî mwîganîre ûtûûrorî, na nîakumagua nîûndû maûndû make nî marathiî waro,

Thaburi 58:2

Naarî! Mwîciragia tu wa ûrîa mûngîka maûndû macûku, na nîmwîkaga maûndû ma kûvinyanîrîria vûrûrirî.

Thaburi 73:12

Ûguo nîguo andû arîa aganu mekariî; marî na indo nyîngî na nwa maragîa ciîngî makîria.

Thaburi 73:3

nîûndû nînegucagîra andû arîa etîi wîru, rîrîa nonire atî andû arîa aganu nwa maûndû maro monaga.

Thaburi 78:18

Nîmaatwire na ngoro ciao magerie Ngai, na njîra ya kûmwîtia irio irîa meeriragîria.

Thaburi 78:41

Meekaraga makîgeragia Ngai, na magatûma Ûrîa Mûtheru wa Isiraeli arakare.

Thaburi 78:56

Nwatî andû a Isiraeli nîmaareganire na Ngai mwene vinya wonthe, na makîmûgeria. Nîmaaregire kwathîkîra maathani make,

Thaburi 95:9

Marî kûu, nîmaangeririe na makînduîria, wana ethîrwa nîmoonete maûndû marîa naamekîrîte.

Nthi 12:12

Andû arîa aganu meriragîria maûndû marîa maumanaga na maûndû macûku, nwatî andû arîa athingu mevandaga ki.

Mûvunjia 8:14

Kûrî ûndû wa mana wîkîkaga gûkû nthî. Andû arîa athingu nîmekagwa maûndû marîa magîrîrwe gwîkwa andû arîa aganu, nao andû arîa aganu mageekwa maûndû marîa magîrîrwe gwîkwa andû arîa athingu. Ûcio wanaguo nî ûndû wa mana.

Isaia 2:22

Ndûkevoke mûndû wa gûkû nthî. Ûtûûro wake ûthiraga ta mîvevû. Mûndû nîwa vata ûrîkû?

Jeremia 7:10

Mûcokaga mûgaûka na mûkarûngama mbere yakwa, hekarûrî îno îtanîtue na rîîtwa rîakwa na mûkauga atî, ‘Tûrî agitîre.’ Na mûgacoka mûkathiî na mbere gwîka maûndû marîa nthûrîte.

Danieli 4:30

nîwaugire atîrî, “Ta roria îtûûra rîîrî rînene ûguo rîa Babuloni! Nînie nîrîtumîte nîguo monanie vinya, ûvoti riiri na wathani wakwa.”

Danieli 4:37

Na rîu, nie Mûthamaki Nebukadinezarû, nînîragooca, ngakumia na ngava Mûthamaki wa îgûrû riiri, nîûndû mawîra make monthe nî ma kîvooto, njîra ciake nî cia ma, na nîanyivagia arîa etîi.

Danieli 6:16

Kwoguo mûthamaki nîwathanire Danieli ocwe na aikue îrimarî rîa mînyambû. Nîwacokire akîra Danieli atîrî, “Ngai waku ûrîa ûtungatagîra wa mûthenya arokûvonokia.”

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”

Malaki 4:1

Ngai-Mûnene mwene vinya wonthe arauga atîrî, “Taroria, mûthenya wa îtuîro nîûrakinya, ûgîakanaga ta mwaki mûnene mûno. Andû arîa aganu na etîi nîmakavîvua na mwaki ta nyaki mûthenya ûcio. Makavîvua mathire viû ta ûrîa mûtî ûvîcaga mvûa wana mîri.

Ciîko 12:21

Na mûthenya ûmwe wathuurîtwe, Herode nîwekîrire nguo ciake cia ûthamaki, agîkarîra gîtî gîake Kîam ûthamaki na akîarîria andû.

Ciîko 5:9

Kwoguo Petero nîwamwîrire atîrî, “We na mûthuuri waku mûrarîkanîre mûgerie Roho wa Mwathani nîkî? Tathikîrîria! Arîa marathiîte kûthika mûthuuriguo rîu marî ava mûrangorî maûkîte na wa nawe nîmagûkûruta nja magûkuuîte.”

1Akor 10:9

Tûtiagîrîrwe nî kûgeria Mwathani ta ûrîa amwe kuuma gatagatîrî kao meekire na makîûragwa nî njoka.

Ahib 3:9

Kûu werûrî nîkuo methe menyu maangereerie, wana ethîrwa nîmoonete maûndû marîa nekîte mîaka mîrongo îna.

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”