Malaki 3:13 - ÎVUKU RÎA ÛVORO MWARO

¹³ Ngai-Mûnene arauga atîrî, “Nîmwarîtie maûndû macûku mûno mambîgiî. Nwatî mue mûragia atîrî, ‘Nî maûndû marîkû macûku twarîtie îgûrû rîaku?’

Malaki 3:13 ပူးပေါင်းရင်းမြစ်များ

Ayubu 15:13

Nginya ûkaregana na Ngai, na ûkaaria ciugo njûku ta icio?

Ayubu 40:8

Nîkwa ûrenda kûregana na îtua rîakwa, wonanie atî nîrî na mavîtia, nîguo we ûtuîke mwaro?

Thaburi 10:11

Andû arîa aganu meîraga na ngoro atîrî, “Ngai nî mûriganîre! Nîathithîte ûthiû wake na ndonaga wanarî kîndû!”

Ntha 5:2

Nake mûthamaki nîwaûririe atîrî, “Ngai-Mûnene nîke ûû, na nînîmûthikîrîria nîkî na mbîtîkîrie andû a Isiraeli mathiî? Nie ndiîcî Ngai-Mûnene ûcio na ndingîtîkîria andû a Isiraeli mathiî.”

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.

Isaia 37:23

Nîûrîkû ûthekererete na ûkaruma? Nîûrîkû ûcio ugîrîrîtie na ûgakûûrîra metho? Nînie Ûrîa Mûtheru wa Isiraeli!

Isaia 46:12

“Tathikîrîriani mue andû aya aûmû ngoro, mue mûrî kûraca na ûvonokio.

Isaia 5:19

Maugaga atîrî, “Tiga Ngai-Mûnene eke maûndû na îvenya, nîameke narua, nîguo tûmone. Tiga mîvango ya Ûrîa Mûtheru wa Isiraeli îvinge, nîguo tûmîmenye.”

Jeremia 44:18

Nwatî kuuma twatiga kûvîvîria mûthamaki wa mûndûmûka wa îgûrû na gwîtûrûra ndivei nthî îrî îgongoona kûrî ke, twîthîrîtwe tûtarî na kîndû, na tûkathirua nî mbaara na yûra.”

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Ezek 18:25

“Kûnarî ûguo mugaga atîrî, ‘Njîra cia Ngai-Mûnene tî cia ma.’ Thikîrîriani rîu, mue andû a Isiraeli, anga njîra ciakwa tîcio cia ma? Anga njîra cienyu tîcio itarî cia ma?

Ezek 35:13

Nîmbîguîte ûrîa wîthîrîtwe ûgîîtîa na ûkîaria maûndû meengî mambîgiî.”

Hosea 7:16

Nîmagarûrûkîrîte ngai ya Baali, mekariî ta ûta mûregerû. Atongoria ao makaûragîrwa mbaararî, nîûndû wa ciugo ciao cia mwîtîîo. Kwoguo nîmakaanyararwa marî vûrûri wa Misiri.

Malaki 2:14

Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Malaki 2:17

Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”

Malaki 3:12

Nao andû a mavûrûri monthe makaugaga mûrî arathime, nîûndû vûrûri wenyu wonthe ûkethagîrwa wîcûrîtwe nî gîkeno. Ûguo nîguo nie Ngai-Mûnene, mwene vinya wonthe nîrauga.”

Malaki 3:14

Mue mugaga atîrî, ‘Gûtirî na vata wa gûtungatîra Ngai-Mûnene. Kûrî na umithio ûrîkû wa kwathîkîra Ngai-Mûnene, mwene vinya wonthe, kana kûgeria kûmwonia atî nîtwîvîtie tûrî mbere yake na njîra ya kûthiî varî ke tûgîcakayaga.

Malaki 3:8

Mûndû nwa aîe Ngai? Nwatî mue nîmûmbîaga na vinya. Nwatî mûragia atîrî, ‘Tûkwîyaga na njîra îrîkû?’ Mûmbîyaga rîrîa mûkûruta gîcunjî gîa îkûmi na matega menyu.

Aroma 9:20

Nwatî we nîwe û mûrata wakwa atî nîguo ûcokerie Ngai? Nyûngû ya yûmba ndîagîrîrwe nî kûria ûrîa wa mîûmbire atîrî, “Wanyûmbire ûguo nîkî?”

2Ath 2:4

Ke nîakaaregana na kîndû wa kîonthe gîtagwa ngai, kana kîndû kîonthe andû magoocaga na enenevie mûno. Ke nîagekara hekarûrî ya Ngai na etue atî ke nîke Ngai.