Malaki 3:12 - ÎVUKU RÎA ÛVORO MWARO

¹² Nao andû a mavûrûri monthe makaugaga mûrî arathime, nîûndû vûrûri wenyu wonthe ûkethagîrwa wîcûrîtwe nî gîkeno. Ûguo nîguo nie Ngai-Mûnene, mwene vinya wonthe nîrauga.”

Malaki 3:12 ပူးပေါင်းရင်းမြစ်များ

2Maû 32:23

Andû eengî nîmaaûkire Jerusalemu kûretera Ngai-Mûnene iveo, na nîmaavirîre Hezekia mûthamaki wa Juda indo cia goro. Kuuma vîndî îo mûthamaki Hezekia nîwatîirwe nî mavûrûri monthe.

Thaburi 72:17

Rîîtwa rîa mûthamaki rîrotûûra rîririkanagwa tene na tene, ngumo yake îrotûûra vîndî rîrîa riûa rîgûtûûra rîaraga. Mavûrûri monthe marovoyaga Ngai amarathime, ta ûrîa arathimîte mûthamaki.

Isaia 61:9

Njiarwa ciao nîikaagîa na îgweta gatagatî ka ndûrîrî, ciana ciao nîikaamenyeka atî nî andû a vata gatagatî ka andû arîa engî. Arîa onthe makaamoonaga nîmakaamenya atî nî andû arîa nie Ngai-Mûnene ndathimîte.”

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Isaia 62:5

Nîûndû wata ûrîa mwanake avikagia mwîrîtu nthingi, nwaguo ûrîa wakûmbire agaakûvikia. Na wata ûrîa mûvikania akenagîra mûviki wake, nwaguo Ngai waku agaakena nîwe.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Danieli 11:41

Nî akaatharîkîra vûrûri wa kîîranîro na aûrage andû ngiri makûmi mengî. Nwatî vûrûri wa Edomu, Moabu na gîcunjî kînene Kîam Amoni nîikaavonokua kuuma kûrî ke.

Danieli 8:9

Kuuma kûrî wa rûvîa rwa icio inya, nîvaaumîrire karûvîa kanini. Vinya wa wathani wa karûvîa kau wathiîre ûkîongererekaga na mwena wa îveti, mwena wa îrathîro, na kûthiî vûrûri wa Kîranîro.

Zakaria 8:23

Vîndî îo, andû îkûmi kuuma mavûrûrirî na mîarîrie yonthe nîmagetonyereria varî Mûyahudi ûmwe na mamwîre atîrî, ‘Tiga tûthiîcanie nawe nîûndû nîtwîguîte atî Ngai arî vamwe namue.’ ”

Malaki 3:13

Ngai-Mûnene arauga atîrî, “Nîmwarîtie maûndû macûku mûno mambîgiî. Nwatî mue mûragia atîrî, ‘Nî maûndû marîkû macûku twarîtie îgûrû rîaku?’

Luka 1:48

nîûndû nî andirikanîte nie mwînyivia ndungata yake! Kuuma rîu andû onthe makaambîtaga mûrathime,

Gûco 11:12

Nî vûrûri ûmenyagîrîrwa nî Ngai-Mûnene Ngai wenyu vîndî cionthe; Ngai-Mûnene Ngai wenyu nîaûgitagîra vîndî cionthe kuuma Kîammbîrîria Kîam mwaka nginya kîrîkîro Kîam guo.