Malaki 2:17 - ÎVUKU RÎA ÛVORO MWARO

¹⁷ Nîmûnogetie Ngai-Mûnene na ndeto itarî na mûkinyo. Nwatî mûragia atîrî, “Tûmûnogetie atîa?” Mûmûnogetie na njîra ya kuga atî, “Ngai-Mûnene nîakenagua nî arîa mekaga maûndû macûku, na nîamendete.” Kana mûkaûria atîrî, “Ngai ûrîa wîkaga maûndû na njîra ya kîvooto arî kû?”

Malaki 2:17 ပူးပေါင်းရင်းမြစ်များ

Ayubu 34:17

Mûndû ûrîa ûthwîre kîvooto nwa aathane? Nwa ûtûîre ûrîa mûthingu na ûrî vinya?

Ayubu 34:36

Narî kethîrwa Ayubu nwa acirithue viû, nîûndû ethîrîtwe akîaria ta andû aganu!

Ayubu 36:17

“Nwatî we ûtuîrîrîtwe ciira ta wa mûndû mwaganu, ûtuîrîrîtwe na njîra ya kîvooto.

Ayubu 9:24

Andû arîa aganu nîo Ngai aaveere nthî, nîwatuire andû arîa macirithanagia ndumumu. Ethîrwa tî Ngai wîkîte ûguo, nû?

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 1:14

Nî nthûrîte irugo cienyu cia mweri ûgîcicûka na irugo irîa ciîngî; kûrî nie nîituîkîte mûrigo na nîrî mûnogie nîcio.

Isaia 29:15

Andû arîa mathithaga Ngai-Mûnene mîvango yao kaî marî na thîna-î! Marûthagîra mîvango yao ndumarî makiugaga atîrî, “Gûtirî mûndû ûratwona, na gûtirî mûndû ûtwicî.”

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 43:22

“Kûnarî ûguo, we Jakovu ndwangooca; we Isiraeli, nîûnogetue nînie.

Isaia 43:24

We ndwangûrîra ûbani, kana ûmvaithia na nyama irîa noru cia magongoona maku. Vandû va ûguo we nîûnditûvîrîte na mevia maku, nîûnogetie na mavîtia marîa wîkîte.

Isaia 7:13

Nake Isaia nîwacokirie atîrî, “Tathikîrîriani mue andû a nyomba ya Daudi! Nîmûnogetie andû, atî nwa mûkwenda kûnogithia Ngai wanake?

Jeremia 12:1

We Ngai-Mûnene wî mûthingu, wana ethîrwa nînîrakûretera mateta makwa, kûnarî ûguo nwa mende kwîyarîrîria mbere yaku. Nîndûî gîtûmaga andû arîa aganu mathatûkwa? Nîndûî gîtûmaga andû matarî evokeku mathiî na mbere?

Jeremia 15:6

Mue nîmûndegete, ûguo nîguo Ngai-Mûnene arauga, nîmûgarûrûkîte mûkandiganîria. Kwoguo ndambûrûkîtie njara yakwa kûrî mue nîguo nîmûcûkangie, nîûndû nîrî mûnogu nî kûmûkirîrîria.

Jeremia 17:15

Taroria, andû marambîra atîrî, “Mûgambo wa Ngai-Mûnene ûrî va? Tiga ûûke rîu!”

Jeremia 44:22

Ngai-Mûnene ndangîavotire kûmîrîria rîngî maûndû macûku na marî mûgiro marîa mwekîte. Kwoguo kîu nîkîo gîtûmîte vûrûri wenyu ûtuîka îganjo, werû, kîrumi na kûndû gûtatûûraga andû nginya ûmûnthî.

Ezek 16:43

We ndûraririkana maûndû marîa naagwîkire vîndî îrîa warî mwîthî, nwatî nîûndakarîtie na maûndû monthe marîa wîkîte. Kwoguo nie nîngûkûrîvia maûndû mau wekire. Na kinthî ndwongerere maûndû ma waga nthoni îgûrû rîa marîa wekire marî mûgiro?” Ûguo nîguo Ngai-Mûnene arauga.

Ezek 18:25

“Kûnarî ûguo mugaga atîrî, ‘Njîra cia Ngai-Mûnene tî cia ma.’ Thikîrîriani rîu, mue andû a Isiraeli, anga njîra ciakwa tîcio cia ma? Anga njîra cienyu tîcio itarî cia ma?

Ezek 8:12

Ngai nîwacokire akîmbîra atîrî, “We mûndû, nîûrona maûndû marîa atongoria a Isiraeli mareka na nthitho? Wa mûndû arî nyomba gwake akîgooca mîvuanano. Meîraga atî, ‘Ngai-Mûnene ndaratwona! Ke nîatiganîrîtie vûrûri wetû.’ ”

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Amosi 2:13

Taroria, nîngamûkinyangîra nthî, ta ûrîa ngari îkuîte maketha yomomoraga nthî.

Zefania 1:12

Vîndî îo nîngoca taa na nthiî Jerusalemu ngîcaragia; Nîngaverithia andû arîa meganaga na makeîraga na ngoro atî, ‘Ngai-Mûnene ndarî ûndû ekaga: mwaro kana mûcûku.’

Malaki 2:14

Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Malaki 3:8

Mûndû nwa aîe Ngai? Nwatî mue nîmûmbîaga na vinya. Nwatî mûragia atîrî, ‘Tûkwîyaga na njîra îrîkû?’ Mûmbîyaga rîrîa mûkûruta gîcunjî gîa îkûmi na matega menyu.

Gûco 32:4

“Ke nî ta îthiga, wîra wake nî mûkinyanîru, maûndû make monthe nî ma kîvooto. Ngai nî mwîvokeku na wa ûma; ekaga maûndû marîa magîrîrîte na ma kîvooto.

1Sam 2:3

Mûtigacoke kwaria na mwîtîîo rîngî. Tigani gwîtîîaga vîndî îrîa mûkwaria, nîûndû Ngai-Mûnene nîke Ngai ûrîa wicî maûndû, atucagîra andû onthe kûringana na ciîko ciao.