Malaki 2:14 - ÎVUKU RÎA ÛVORO MWARO

¹⁴ Mue mûragia atîrî, “Aregaga kûmamûkîra nîkî?” Gîtûmi nî atî Ngai-Mûnene nî mûira wa atî we wîthîrîtwe ûtarî mwîvokeku kûrî mûka waku ûrîa wavikirie ûrî mwîthî, na nîunîte mwîvîtwa ûrîa weranîre mbere ya Ngai atî nîûgûtûûra ûrî mwîvokeku kûrî ke.

Malaki 2:14 ပူးပေါင်းရင်းမြစ်များ

Kîam 2:18

Nake Ngai-Mûnene, Ngai nîwaugire atîrî, “Tî waro mûndû ûyû ekare arî wenga. Nîngûmûmbîra mûmûtethia ûrîa maganîrîrue nake.”

Kîam 31:50

Labani nîwathiîre na mbere na mîario na akiuga atîrî, “Ûngîkaathînia erîtu aya akwa kana ûvikie erîtu engî wana ethîrwa ndikethîrwa ngîmenya, ririkanaga atî Ngai nîke mûira.

Nthi 2:17

mûndûmûka ûrîa ûtiganaga na mûndûmûrûme ûrîa wamûvikirie arî mwîthî, na akariganîrwa nî mîvîtwa îrîa evîtire mbere ya Ngai wake.

Nthi 30:20

Ûyû nîguo mûthiîre wa mûndûmûka mûtharia: atharagia, na akethambia, na akauga atîrî, “Gûtirî ûndû mûcûku mbîkîte!”

Nthi 5:20

Mwana wakwa, nîndûî gîgûtûma merirîria ma mûndûmûka mûmaramaru makûrîa ta njovi? Nîndûî gîgûtûma ûgucîrîrua nî wendo wa mûndûmûka wene?

Mûvunjia 9:9

Îîkenagie ûtûûrorî na mûndûmûka ûrîa wendete kavinda karîa Ngai akûvete ûtûûre gûkû nthî. Ûguo nîguo wavangîrwe wîrarî waku wonthe ûrîa ûrutaga gûkû nthî.

Rwîmbo rwa Nyîmbo 1:15

Mwendwa wakwa ûrî mûthaka-î, nama wî mûthaka. Metho maku mekariî ta ma ndutuura!

Isaia 54:6

Jerusalemu, Ngai-Mûnene nîagwîtîte rîngî ta mûndûmûka aratetwe nî mûrûme na arî na ruuo ngororî, ta mûndûmûka avikîtue arî mwîthî akînatewa. Ngai waku arauga atîrî,

Isaia 58:3

Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.

Jeremia 29:23

Ngameka ûguo nîûndû nîmekire ûndû wa nthoni vûrûrirî wa Isiraeli. Nîmaatharirie na aka a andû arîa maariganîtie nao, na nîmaririe maveeni makîgwetaga rîîtwa rîakwa, na ndiamathîte meke guo. Nie mwene nîmbicî na nîrî mûira wa maûndû mau. Ûguo nîguo nie Ngai-Mûnene nîrauga.”

Jeremia 42:5

Nao andû nîmaacokire makîra Jeremia atîrî, “Ngai-Mûnene arotuîka mûira wa ma na mwîvokeku wa kwonania ûcûku wetû, ethîrwa tûtigeeka kûringana na ûrîa Ngai-Mûnene, Ngai waku agûkwatha ûtwîre.

Jeremia 8:12

Nîmaaconokire rîrîa mekire maûndû marî mûgiro? Naarî mûtiaconoka wanarî vanini, kana megua nthoni, kwoguo makaagwa wata ûrîa acio engî maagwîre, rîrîa ngaamaverithia nîmakaathira.” Ûguo nîguo Ngai-Mûnene arauga.

Jeremia 9:2

Narî kethîrwa nîrî na vandû va kûraara werûrî, ndige andû akwa vo na nthiî kûraca nao. Nîûndû nî itharia, nî gîkundi Kîam acukanîrîri.

Ezek 16:8

“Rîrîa navîtûkîrîre vakuvî nawe rîngî, nînoonire atî nama warî mwîrîtu mûkinyiu wa kûmbwa. Nînarutire nguo yakwa ya îgûrû ngîgûkunîka nîguo ûthithe njaga. Nîtwarîkanîre nawe atî nîtûkûvikania, nawe nîwatuîkire wakwa.” Ûguo nîguo Ngai-Mûnene arauga.

Mika 1:2

Mue andû onthe thikîrîriani; we nthî na indo irîa irî kuo ta thikîrîria. Ngai-Mûnene nîararia maûndû macûku mamwîgiî, araria arî hekarûrî yake ntheru.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

Malaki 3:5

Ngai-Mûnene mwene vinya wonthe arauga atîrî, “Nîngaacoka nîmûkuvîvîrie nîguo nîmûtuîre cira. Ngethîrwa nîrî wa mbere kûruta ûira îgûrû rîgiî arogi, itharia, arîa marutaga ûira wa maveeni, arîa mavinyagîrîria arîa mandîkîte, aka a ndigwa, ciana cia ngoriai, arîa matonanagia kîvooto kûrî ageni, na arîa matangoocaga.

Malaki 3:8

Mûndû nwa aîe Ngai? Nwatî mue nîmûmbîaga na vinya. Nwatî mûragia atîrî, ‘Tûkwîyaga na njîra îrîkû?’ Mûmbîyaga rîrîa mûkûruta gîcunjî gîa îkûmi na matega menyu.

Atir 11:10

Athuuri acio nîmeerire Jefitha atîrî, “Îî nîtwetîkîra, na Ngai-Mûnene nîke mûira wetû.”

1Sam 12:5

Nake Samueli nîwacokirie na akiuga atîrî, “Ngai-Mûnene wa vamwe na mûthamaki ûrîa ke eetîrîrie maguta nî aira ûmûnthî, atî mue nî mwona ndirî na mavîtia.” Nao andû makiuga atîrî, “Îni, Ngai-Mûnene nî mûira.”