Malaki 2:10 - ÎVUKU RÎA ÛVORO MWARO

¹⁰ Na kinthî tuonthe tûtirî a îthe ûmwe? Na kinthî tuonthe tûtiaûmbirwe nî Ngai wa ûmwe? Nîndûî vi kîgiragia twîthîrwa tûrî evokeku mûndû na ûrîa wîngî, na tûgatûma kîrîkanîro Kîam Ngai na methe metû kîgîa na kîrumi.

Malaki 2:10 ပူးပေါင်းရင်းမြစ်များ

Nehemia 13:29

Ngai wakwa, ririkana andû acio nîûndû nîmagwatîtie ûthînjîri-Ngai mûgiro wa vamwe na kîrîkanîro Kîam ûthînjîri Ngai na Kîam Alawi.

Ayubu 31:15

Kinthî Ngai ûrîa wanyûmbire twake waûmbire ndungata ciakwa? Kinthî tuonthe tûtiaûmbirwe nî Ngai ûmwe?

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Ntha 19:4

“Mue nîmwonire ûrîa nie Ngai-Mûnene nekire andû a Misiri na ngîmûkuua ta ûrîa nderi îkuuaga tûcui twayo na mathagu na ngîmûrete varî nie.

Ntha 19:5

Kwoguo ethîrwa mûkaambathîkagîra na mwathîkagîre kîrîkanîro gîakwa nîmûgaatuîka andû akwa. Nthî yonthe nî yakwa, nwatî mue mûgaatuîka andû akwa arîa nthuurîte,

Ntha 24:3

Musa nîwacokire akînyûrûrûka na akîthiî akîra andû maûndû monthe marîa Ngai-Mûnene aamwîrire na maathani monthe. Nao andû onthe nîmaacokirie marî vamwe atîrî, “Nîtûgeka ûrîa wonthe Ngai-Mûnene augîte.”

Ntha 24:7

Nîwacokire agîoca îvuku rîa kîrîkanîro, na akîthomera andû onthe augîrîrîtie. Nao nîmaaugire atîrî, “Nîtûgwîka ûrîa wonthe Ngai-Mûnene augîte na tûmwathîkîre.”

Isaia 43:1

Ngai-Mûnene ûrîa wamûmbire mue andû a Jakovu, ûrîa watûmire mûgîe kuo mue andû a Isiraeli arauga atîrî, “Mûtigetigîre nîûndû nie nînie nîmûkûûrîte; nîmwîtîte na ngamûva rîîtwa, mue mûrî akwa.

Isaia 43:15

Nie nînie Ngai-Mûnene, ûrîa Mûtheru wenyu. Nînie naûmbire Isiraeli, na nînie Mûthamaki wenyu.”

Isaia 43:7

Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”

Isaia 44:2

Ngai-Mûnene ûrîa wakûmbire arauga atîrî, “Nakûmbire îvurî rîa nyûkwe na nînie ngûtethagia. Tiga gwîtigîra we Jakovu ndungata yakwa, Jeshuruni ûrîa nthurîte ndûgetigîre.

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 64:7

Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Jeremia 31:9

Magaûka makîrîraga methori, nîngamatongoria macoke ngîmaûmagîrîria. Nîngatûma mathiîrîre rûtere rwa tûrûnjî, makaathiîrîra njîrarî nûngarû matakûvîngwa, nîûndû nie nîrî îthe wa Isiraeli, na Efiraimu nî îrikithathi rîakwa.

Ezek 33:24

“Mûndû, andû arîa matûûraga matûûrarî marîa momomoku vûrûrirî wa Isiraeli maugaga atî, ‘Iburahimu aarî mûndû ûmwe tu, na vûrûri ûyû wonthe warî wake. Tue tûrî eengî na kwoguo tûrîave vûrûri ûyû ûtuîke wetû.’

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Malaki 2:11

Andû a Juda nîmaregete kwîvoka Ngai na nîmekîte maûndû marî na mûgiro Isiraeli na îtûûra rîa Jerusalemu. Nîmatûmîte hekarû ya Ngai-Mûnene îrîa endete îgwatwa nî mûgiro. Wana nîmavikîtie aka arîa magoocaga ngai ng'eni.

Malaki 2:8

“Nwatî mue athînjîri-Ngai nîmûtiganîrîtie njîra ya ma. Maûndû marîa mûthomithanagia nîmatûmîte andû eengî mavîngwe. Nîmunîte kîrîkanîro kîrîa narîkanîre na Lawi.

Mathaayo 10:21

“Andû nîmakaanenganîra aa mûrwang'ina nîguo maûragwe, namo methe nîmageka wata ûguo kûrî ciana ciao. Ciana nîigaaûkîrîra aciari acio, na imaûragithie.

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Mathaayo 3:9

Mûtigecirie atî mûtikaaverithua mûkîîraga atî Iburahimu nî îthe wenyu wa tene. Nîramwîra ûguo nîûndû Ngai nwa atûme rûciaro rwa Iburahimu rûciarwe kuuma mathigarî mama.

Luka 1:73

Ke nîwevîtîre îthe wetû Iburahimu akîmwîra,

Luka 3:8

Îkani ciîko irîa ikwonania atî nîmwîrirîte mevia menyu. Mûtikambîrîrie kwîîra na ngoro cienyu atî, Iburahimu nîke îthe wenyu wa tene. Nie nîramwîra atî Ngai nwa oce mathiga mama na athondekere Iburahimu ciana kuuma kûrî mo!

Johana 8:39

Nao Ayahudi nîmaamwîrire atîrî, “Îthe wetû nî Iburahimu.” Nake Jesû nîwamerire atîrî, “Angîthîrwa na ma mûrî ciana cia Iburahimu, nîmûngîkaga maûndû ta marîa ke eekire.

Johana 8:41

Mue mûreka ûrîa îthe wenyu eekire.” Nao nîmaamûcokerie atîrî, “Ngai ke mwene nîke Îthe wetû na tue tûrî ciana ciake cia ma.”

Johana 8:53

We nîkwa ûrî mûnene gûkîra Iburahimu îthe wetû ûrîa wakuire? Arathi wa nao nîmaakuire. Nîkwa ûreciria we ûrî û?”

Johana 8:56

Îthe wenyu Iburahimu nîwakenire agîîciria atî nîakoona îvinda rîrîa ngaaûka. Ke nîwarîonire na agîkena.”

Ciîko 17:24

Ngai ûrîa waûmbire nthî na indo cionthe irîa irî kuo, nî Mwathani wa îgûrû na nthî, na ndatûûraga hekarûrî îrîa ithondeketwe nî andû.

Ciîko 17:25

Ke mwene nîke ûvecanaga mwoyo, mîvevû na indo cionthe irîa andû mavataraga. Ke ndethagîrwa akîvatara ûtethio wana ûrîkû kuuma kûrî o, nîûndû ethagîrwa arî na indo cionthe irîa avataraga.

Ciîko 17:26

Ngai aambîrîrie na kûmba mûndû ûmwe, na kuuma kûrî mûndû ûcio gûgîûka ndûrîrî cionthe cia andû ngûrani arîa matûûraga kûndû kuonthe gûkû nthî. Ngai nîke watwire wa mbererî nîrî, na nîkû o magîrîrwe nî gûtûûra.

Ciîko 7:2

Nake Stefano nîwamûcokerie atîrî, “Ariû a Îthe wetû na aa vava, tanthikîrîriani! Vîndî îrîa Iburahimu, îthe wa methe metû ma tene, ataarî mûthiîu gûtûûra Harani, Ngai mwene riiri nîwamumîrîre arî Mesopotamia,

Ciîko 7:26

Mûthenya ûcio warûmîrîrîte, Musa nîwonire Aisiraeli aîrî magîtetania. Nake akîgeria kûmeguithania nîwamerire atîrî, ‘Andû etû mûravîtania nîkî na mue mûrî a ng'ina ûmwe?’

Aroma 4:1

Nîtuga atîa ûvoro wîgiî Iburahimu îthe wa rûrîrî rwetû?

Aroma 9:10

Na twa ûguo tu, nîûndû ariû a Rebeka aîrî maarî a îthe ûmwe na nwake îthe wetû Isaka.

1Akor 8:6

Nwatî tue twîtîkîtie atî kûrî Ngai ûmwe tu na nîke îthe wetû. Ke nîke waûmbire indo cionthe, na tûtûûraga nîûndû wake. Tue twîtîkîtie atî kûrî Mwathani ûmwe tu na ke nîke Jesû Kristû, na indo cionthe ciaûmbirwe na njîra yake na wa natue tûtûûraga nîûndû wake.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Aefeso 4:6

Kûrî Ngai ûmwe na nîke Îthe wa andû onthe. Ke athaga andû onthe, akaruta wîra na njîra ya andû onthe na agekara ndaarî ya andû onthe.

1Ath 4:6

Mûndû ndakaavîtîrie Mûkristiano ûrîa wîngî kana amûvûthîre na njîra njûku maûndûrî mama. Wata ûrîa twamwîrire mbererî na tûkîmûkaania, Mwathani nîakaaverithia andû arîa marûthaga maûndû mau.

Ahib 12:9

Methe metû ma gûkû nthî nîmaatûverithirie na tûkîmava gîtîîo. Kwoguo nîtwagîrîrwe kwathîkîra Vava wa kîîroho mûno makîria nîguo tûtûûre!

Josh 24:3

Nînaacokire ngîruta Iburahimu îthe wenyu wa tene mûringo wa rûnjî rwa Farati ngîmûvîtûkîrîria vûrûrirî wa Kanaani na nînaamûvere njiarwa nyîngî. Nînaamûvere Isaka,