Malaki 1:7 - ÎVUKU RÎA ÛVORO MWARO

⁷ Mûnyararîte na njîra ya kûrutîra metharî yakwa ya kîgongoona matega ma irio irî na gîko. Nwatî mûragia atîrî, ‘Tûkîvakîte gîko atîa?’ Na njîra ya kûnyarara metha yakwa ya kîgongoona.

Malaki 1:7 ပူးပေါင်းရင်းမြစ်များ

Ezek 41:22

metha ya kîgongoona ya mbaû. Metha îo ya kîgongoona yarî ya ûraca na îgûrû wa mita îmwe na nuthu (1.5) na wariî wa mita îmwe (1). Itugî cia yo cia mwena, nthî ya yo na mîena ya yo ciarûthîtwe na mbaû. Mûndû ûcio nîwambîrire atîrî, “Îno nîyo metha îrîa îkaraga mbere ya Ngai-Mûnene.”

Ezek 44:16

Magaatonyaga hekarûrî na matungatage metharî ya kîgongoona na matongoragie kûgooca hekarûrî.

Alawi 2:11

Gûtirî îtega rîa irio cia mûgûnda rîa kûrutîra Ngai-Mûnene rîkaarûthwa rîrî na ndawa ya kwimbia, nîûndû ndwagîrîrwe nî kûvîvia ndawa ya kwimbia kana ûûkî irî îtega rîa kûvîvua kûrî Ngai-Mûnene.

Alawi 21:6

Nwanginya methagîrwe marî atheru na nwanginya matîîage rîîtwa rîakwa, nîûndû nîo mandutagîra matega ma kûvîvua, kwoguo na nwanginya methagîrwe marî atheru.

Alawi 21:8

Tucagani mûthînjîri-Ngai mûndû mwamûre nîûndû nîarutagîra Ngai matega ma irio. Nie Ngai-Mûnene nîrî mûtheru na nînie nîmûtheragia.

Alawi 3:11

Ûmwe wa athînjîri-Ngai nî akaavîvîria indo icio cionthe îgûrû rîa metha ya kîgongoona irî îtega rîa kûvîvua kûrî Ngai-Mûnene.

Malaki 1:12

Nwatî mue nîmûtûmaga rîîtwa rîa Ngai-Mûnene rîgîa na mûgiro rîrîa mwagwatia metha yakwa ya kîgongoona gîko, na matega marîa mûndutagîra nîmarînyararithagia.

Malaki 1:13

Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Malaki 1:8

Rîrîa mwaruta nyamû îno ndumumu, kana kîthua, kana îno ndwaru rîrî îgongoona, ûguo tî naaî? Ûngîva mûnene waku nyamû ta îo kîrî kîveo, nwa akene?”

1Akor 10:21

Mue mûtingîvota kûnyuîra gîkomberî Kîam Mwathani na mûcoke mûnyuîre gîkomberî Kîam ndaimono; mûtingîvota kûrîîra metharî ya Mwathani na mûcoke mûrîîre metharî ya ndaimono.

Gûco 15:21

Nwatî nyamû îo îngîthîrwa îrî na wonje wa wonthe; îrî kîthua, îtakwona, kana wonje wîngî wa wonthe, mûtikamîrutîre Ngai-Mûnene Ngai wenyu îgongoona.