Malaki 1:4 - ÎVUKU RÎA ÛVORO MWARO

⁴ Andû a Edomu, na nîruo rûciaro rwa Esaû nwa mauge atîrî, “Matûûra metû nîmaacûkangirue, nwatî nîtûkamatuma rîngî.” Nwatî Ngai-Mûnene, mwene vinya wonthe arauga atîrî, “Nîmagaatuma matûûra mao rîngî nwatî nie nîngaamomora. Andû makaametaga, ‘Vûrûri mwaganu, ûrîa ûtûûraga ûrakarîrîtwe nî Ngai-Mûnene tene na tene.’ ”

Malaki 1:4 ပူးပေါင်းရင်းမြစ်များ

Ayubu 12:14

Ngai angîomomora kûndû, gûtirî mûndû ûngîtuma rîngî; angîvingîra mûndû, gûtirî mûndû ûngîmûvingûrîra.

Ayubu 34:29

Ngai angîkira arege gwîka wanarî ûndû, nîûrîkû ûngîmûtuîra ciira? Angîthitha ûthiû wake, nû ûngîvota kûmwona,

Ayubu 9:4

Ngai nî mûûgî na arî vinya nyîngî, kûrî mûndû wanakararania nake na akavootana?

Thaburi 127:1

Tiga nyomba îtumirwe nî Ngai-Mûnene, arîa mamîtumaga marutaga wîra wa mana. Tiga Ngai-Mûnene amenyerere îtûûra, mûrangîri arutaga wîra wa mana.

Thaburi 137:7

We Ngai-Mûnene, taririkana ûrîa andû a Edomu meekire, rîrîa Jerusalemu yanyitirwe, maaugire atîrî, “Mîomomoreni nginya mîcingi ya yo!”

Thaburi 33:10

Ngai-Mûnene nîagiragia mîvango ya mavûrûri îvinga, nîagiragia andû mavingia mîvango yao.

Nthi 21:30

Gûtirî ûûgî, ûtaûku, kana kîrîra, kîngîgûtethia angîthîrwa Ngai-Mûnene ndarî vamwe nawe.

Isaia 10:4

Gûtirî ûndû mûgeka tiga kwînyitania na andû arîa ove, kana mûgwe kûrî arîa aûrage. Kûnarî ûguo, marakara ma Ngai-Mûnene tîmathiru, na nîatambarûkîtie njara yake averithanie.

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 34:10

Mwaki ûcio ûgaakanaga ûtukû na mûthenya, nayo ndogo yaguo îgaatûûra yunûkagia na îgûrû tene na tene. Vûrûri ûcio ûgaatûûra ûrî werû njiarwa na njiarwa, gûtirî mûndû ûkaavîtûkîrîra kuo tene na tene.

Isaia 34:5

Nîûndû rûviû rwa Ngai nî rûvarîrîrie îgûrû, taroriani, rûranyûrûrûka rûthiîte kûverithia Edomu, andû arîa avangîte kûthiria.

Jeremia 31:17

Kûrî na kîîrîgîrîro mûtûûrîrerî waku wa vuvarî, ciana ciaku nîigaacoka vûrûrirî wao. Ûguo nîguo nie Ngai-Mûnene nîrauga.

Jeremia 49:20

Kwoguo ta thikîrîria mûvango ûrîa Ngai-Mûnene arî naguo îgûrû rîa Edom, na maûndû macûku marîa avangîte gwîka kûrî atûûri a Temani: wana nginya twana tûrîa tûnini mûno nîtûkathiîwa natuo, nao andû onthe nîmakaamakua mûno nî ûvoro ûcio.

Jeremia 49:7

Ûvororî wîgiî Edom Ngai-Mûnene mwene vinya wonthe arauga atîrî, “Nîkwa andû a Edomu mathirîtwe nî ûûgî? Nîkwa arîa mamataaraga matigîte kûmataara? Nîkwa ûûgî wao wonthe ûrî mûthiru viû?

Jeremia 49:8

Andû a Dedani garûrûkani mûre! Îthitheni! Nîngwananga njiarwa cia Esaû, nîûndû îvinda rîa kûiverithia nîrîkinyu.

Jeremia 5:17

Nao nîmakaarîa maketha na irio cienyu, nîmakaaûraga anake na erîtu enyu, nîmakaaûraga mbûri na ng'ombe cienyu; nîmagaacûkangia mîthavibu na mîkûyû yenyu. Matûûra menyu marîa mairigîre na mwîvokete, nîmakaamacûkangia na rûviû.

Maca 3:37

Kûrî mûndû ûngîathana ûndû ûgekîka, tiga ûrîa Ngai ke mwene etîkîrîtie wîkîke?

Ezek 11:10

Ngaamûtuîrîra kûragwa na mûragwe mûrî mûvakarî wa Isiraeli, na nîmûkaamenya atî nînie Ngai-Mûnene.

Ezek 25:13

kwoguo nie Ngai-Mûnene Ngai mbugîte atî nîngaatambûrûkia njara yakwa îgûrû rîa vûrûri wa Edomu na mbûrage andû onthe na nyamû cionthe. Nîngaatûma wanangîke kuuma îtûûrarî rîa Temani nginya îtûûrarî rîa Dedani. Andû onthe nîmakaaûragîrwa mbaararî.

Ezek 25:14

Nîngaatûma andû akwa a Isiraeli mandîvîrîrie kûrî andû a Edomu na nîmakaandîvîrîria kûringana na marakara makwa. Nao andû a Edomu nîmakaamenya wîngî wa marakara makwa.” Ûguo nîguo Ngai-Mûnene Ngai arauga.

Ezek 26:14

Turo ngaamîtua îthiga rîtheri na rîtuîke rîa kwanîkagwa neti cia gûtega nthamaki nî ategi na rîtigacoka gûtumwa rîngî; nîûndû nie Ngai-Mûnene Ngai nînie mbugîte ûguo.”

Ezek 35:4

Nîngaatua matûûra ma kuo marîa manene maganjo, na vûrûri waku ûtuîke werû, na nîûgaacoka kûmenya atî, nie nînie Ngai-Mûnene.

Ezek 35:9

Nîngaatûma ûtuîke werû tene na tene, na matûûra maku marîa manene matigaacoka gûtûûrwa nî andû rîngî. Nawe nîûkaamenya atî, nie nînie Ngai-Mûnene.

Amosi 1:11

Ngai mûnene arauga atîrî, “Andû a îtûûra rîa Edomu matûûraga mevagia, kwoguo ndigaatiga kûmaverithia. Nîmaarûmîrîrie aa mûrwang'ina andû a Isiraeli na mviû, marî aa mûrwang'ina matiameguîra ntha, marakara mao kûrî o matiarî na kîthimi.

Amosi 3:15

Nîngaacûkangia nyomba irîa ciîkaragwa vîndî ya mvevo na vîndî ya riûa na nyomomore nyomba irîa ng'emie na mîguongo. Gûtirî nyomba wanarî îmwe ya icio nene îgaatigara.” Ûguo nîguo nie Ngai-Mûnene mbugîte.

Amosi 5:11

Mue nîmûvinyagîrîria ngîa na mûkametia gooti ya ngano nyîngî gûkîra ûrîa magîrîrwe nî kûruta. Mwîtumîrîte nyomba cia mathiga ma kumia, nwatî mûtigaitûûra. Nîmûrîmîte mîgûnda mîaro ya mîthavibu nwatî mûtikaanyua ndivei ya thavibu icio.

Amosi 6:11

Taroria! Ngai-Mûnene nîarathana, nyomba nene na nini nîikaavaraganua ithire.

Amosi 6:2

Tathiîni îtûûra rîa Kaline mûkeyonere, na mûthiî îtûûrarî înene rîa Hamathi, na mûnyûrûrûke mûkinye îtûûrarî rîa Gathu vûrûrirî wa a Filisiti. Nîkwa maarî maro gûkîra mothamaki mama, kana nîkwa vûrûri wao ûrî mûnene gûkîra wenyu?

Obadia 1:1

Gîkî nî kîoneki kîrîa Obadia aaguûrîrue nî Ngai-Mûnene kîgiî vûrûri wa Edomu. Nîtûgwatîte ndûmîrîri kuuma kûrî Ngai-Mûnene; mûnjaama nîmûtûme mavûrûrirî akauge atîrî, “Ûkîrani tûthiî tûkarûe na andû a Edomu!”

Obadia 1:10

“Maûndû macûku marîa mwekire aa mûrwanyûkwe njiarwa cia Jakovu, nîmo magaatûma mûconorithue na mûcûkangue tene na tene.

Malaki 1:3

na ngîthûra Esaû. Nînacûkangirie vûrûri wa Esaû ûrîa ûrî irîma na nîguo îgai rîake, na ngîûtigîra nyamû cia kîthaka ciîkarage kuo.”

Mathaayo 12:30

“Mûndû wa wonthe ûtarî vamwe nanie nî nthû yakwa, na mûndû wa wonthe ûtandethagîrîria gûcokanîrîria, nîkwa anyagarûkanagia.