Malaki 1:13 - ÎVUKU RÎA ÛVORO MWARO

¹³ Mugaga atîrî, ‘Maûndû mama nî mûrigo mûrito kûrî tue’ na nîmûnjonorithagia. Mûndutagîra magongoona ma indo irîa mûcunanîte na vinya, kana irîa monju, kana irîa ndwaru. Nie nwa nyamûkîre indo ta icio? Ûguo nîguo Ngai-Mûnene mwene vinya wonthe araûria.

Malaki 1:13 ပူးပေါင်းရင်းမြစ်များ

2Sam 24:24

Nwatî mûthamaki nîwacokerie Arauna atîrî, “Naarî, nîkwa ngûkûrîva. Ndingîrutîra Ngai-Mûnene, Ngai wakwa magongoona gûtarî kîndû ndutîte nîûndû wamo.” Kwoguo Daudi nîwagûrire vandû vau vaavûragîrwa ngano vamwe na ndegwa icio na tûcunjî mîrongo îtano twa sîlûva.

Isaia 1:12

Rîrîa mûgûka kûngooca nû wamwîrire mûkage na matega mau, mûgîkinyangaga ivaaro cia hekarû yakwa?

Isaia 57:6

Mwocaga mathiga marîa manyoroku kuuma Kîamndarî. Mûmocaga mûkîmarutagîra matega ma kîndû gîa kûnyuwa na matega ma irio. Mwîciragia nîngenagua nî maûndû mau?

Isaia 61:8

Ngai-Mûnene arauga atîrî, “Nie mendete waragania, na nînthûrîte ûcunani na ûkinyanîrîria. Nîngaatuga andû akwa na wîvokeku, na ndûthe kîrîkanîro gîa gûtûûra tene na tene nao.

Ezek 4:14

Nînacokire ngiuga atîrî, “We Ngai-Mûnene! Nie ndianegwatia mûgiro; kuuma nîrî mûnini ndiarîa nyama cia nyamû îkuîte mûvûvû kana yûragîtwe nî nyamû ya kîthaka, wana kana ndîa nyama cia nyamû îrî mûgiro.”

Ezek 44:31

Athînjîri-Ngai matiagîrîrwe nî kûrîa nyama cia gîconi kana cia nyamû wa yonthe îkuîte yo mene kana yûragîtwe nî nyamû îngî.”

Hosea 13:9

Nîngûmûcûkangia mue andû a Isiraeli; nû ûngîmûtethia?

Alawi 22:8

Mûthînjîri-Ngai ndagîrîrwe nî kwîgwatia gîko na njîra ya kûrîa nyama cia nyamû wa yonthe îkuîte mûvûvû kana yûragîtwe nî nyamû cia kîthaka. Nyamû ta icio nwa imûgwatie gîko. Nie nînie Ngai-Mûnene.

Alawi 6:4

mûndû angîka wîvia ûmwe wa mau na amenye atî nîevîtie, nîagaacokia kîrîa aaîîte na njîra ya kûvinyanîrîria, kana kîrîa acunanîte, kana kîndû kîrîa aigîrîte mûndû kana kîndû kîrîa kîûru na agîkîona

Amosi 8:5

mûkiugaga ngororî cienyu atîrî, “Kîrugo Kîam mweri mûcerû gîkathira rî, nîguo twendie irio cietû cia mûgûnda? Thavatû îkaathira rî, twambîrîrie kwendia ngano cietû, na tûcenjia ithimi irîa tûthimaga nacio, nîguo tûveenie andû?

Mika 6:3

Ngai-Mûnene arauga atîrî, “Mue andû akwa, nî atîa nîmwîkîte? Nîmûnogetie na ndûî? Mbîrani!

Malaki 1:10

Ngai-Mûnene mwene vinya wonthe arauga atîrî, “Narî kethîrwa nwa kwoneke mûndû gatagatîrî kenyu ûngîvinga mîrango ya hekarû, nîguo mûtigakie mwaki wa mana metharî yakwa ya kîgongoona! Nie ndikenagua nîmue na ndikaamûkîra matega menyu;

Malaki 2:12

Ngai-Mûnene aroruta andû arîa mekaga maûndû mau rûciarorî rwa Jakovu, na matikarute ûira kana magongoona mbere ya Ngai-Mûnene, mwene vinya wonthe.

Malaki 2:13

Îgûrû rîa maûndû mau monthe, nîmûconjoretie metha ya kîgongoona ya Ngai-Mûnene na methori, mûkîrîra mûgîcaaga nîûndû ndatindanagîra na magongoona menyu, kana amamûkîra.

Mathaayo 6:16

“Na vîndî îrîa mûrenyerekia tigagani kwiria mothiû menyu ta ûrîa mvinga ciîkaga. Mvinga ciragia mothiû ma cio nîguo cionwe nî andû onthe atî nîirenyerekia. Nîramwîra na ma atî, mvinga icio nîirîkîtie kûvewa mûcara wacio.

Mathaayo 6:5

“Na vîndî îrîa mûkûvoya, mûtikavoyage ta mvinga! Mvinga ciendaga kûvoya irûngamîte mavoerorî na makathîkanorî ma njîra, nîguo cionwe nî andû. Nîramwîra na ma atî, mvinga icio nîirîkîtie kûvewa mûcara wacio.

Gûco 15:21

Nwatî nyamû îo îngîthîrwa îrî na wonje wa wonthe; îrî kîthua, îtakwona, kana wonje wîngî wa wonthe, mûtikamîrutîre Ngai-Mûnene Ngai wenyu îgongoona.

1Sam 2:29

Nîndûî vi kîratûma ûkorokere iveo na magongoona marîa naathire andû akwa mandutagîre? We Eli, nîndûî kîratûma ûtîîe anake aku kûngîra na njîra ya kûmetîkîria menorithagie na iveo irîa mbaro mûno cia irîa ndutagîrwa nî andû akwa, Aisiraeli?