Maca 5:9 - ÎVUKU RÎA ÛVORO MWARO

⁹ Ûtûûro wetû wîthagîrwa ûrî ûgwatirî tûgîcaria gîa kûrîa, nîûndû aûragani methagîrwa makîûrûra mîgûndarî.

Maca 5:9 ပူးပေါင်းရင်းမြစ်များ

2Sam 23:17

na akiuga atîrî, “Ngai-Mûnene, nie ndingînyua manjî mama nîûndû ngamanyua nî takwa nîngîthîrwa ngînyua nthakame ya andû aya mateetigîra gûkua makîmatava!” Kwoguo nîwaregire kûmanyua. Mau nîmo maûndû ma ûcamba marîa athigari acio athatû maarî îgweta meekire.

Jeremia 41:18

nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Jeremia 42:14

na muge atî mûrenda kûthiî gûtûûra Misiri, kûrîa mûtagaacemania na mbaara kana mwîgua mûgambo wa tûrumbeta, kana mûtura irio;

Jeremia 42:16

mbaara îrîa mwîtigagîra nîikaamwîthîrîria kuo, na yûra rîrîa mwîtigagîra nîmûgaacemania narîo kûu Misiri na nîmûgaakuîra kuo.

Atir 6:11

Mûraika wa Ngai-Mûnene nîwacokire akîthiî gîcagirî Kîam Ofira, na agîkara nthî rungu rwa mûtî wa mûvuru. Mwene mûtî ûcio aarî Joashi, wa kuuma kûrî mbarî ya Abiezeri. Vîndî îo mûvîcî Gideoni avûûraga ngano ethithîte kîvivîrorî Kîam ndivei nîguo ndakonwe nî Amidiani.