Maca 5:7 - ÎVUKU RÎA ÛVORO MWARO

⁷ Methe metû mevirie na rîu matirî vo, na rîu tûraverithua nîûndû wa mevia mao.

Maca 5:7 ပူးပေါင်းရင်းမြစ်များ

Kîam 42:13

Nao nîmaamwîrire atîrî, “Mwathi wetû, tue tûrî anake îkûmi na aîrî, tûrî a mûthuuri ûmwe wa vûrûri wa Kanaani. Mûrwaiya ûrîa mûnini matigirwe marî na vava mûciî na ûmwe ndarî vo nîwakwire.”

Kîam 42:36

Nake Jakovu îthe wao nîwamaûririe atîrî, “Nîkwa mûrenda kûnthirîria ciana ciakwa cionthe? Josefu ndarî vo, Simeoni ndarî vo! Na rîu mûrenda kûthiî na Benjamini. Maûndû mama monthe nîmaratûma nthînîke!”

Ayubu 7:21

Nîkwa ûtangîndekera mevia makwa, na ûngirîre mavîtia makwa? Nîûndû kavinda gatarî karaca ngethîrwa nîrî mbîrîrarî, ûkanjaria nwatî ndikethîrwa nîrî vo.”

Ayubu 7:8

Mûndû ûrîa ûramona rîu ndagaacoka kûmona rîngî, ûkanjaria ndure nîûndû ngethîrwa ndarî vo.

Ntha 20:5

Ndûkenamîrîre mûvuanano wa wonthe kana ûûtungatîre, nîûndû nie Ngai-Mûnene, Ngai waku nî Ngai ûrî wîru. Nîmverithagia ciana cia andû arîa mamenete nginya rûciaro rwao rwa kathatû na rwa kana.

Jeremia 14:20

Nîtwîtîkîrîte waganu wetû we Ngai-Mûnene, wana mevia ma methe metû, nîûndû we nîwe twîvîtie.

Jeremia 16:11

We nîûgacoka ûmeere atîrî, ‘Ngai-Mûnene arauga atî, nîûndû methe menyu nîmandiganîrîtie na makambîrîria kûgooca na gûtungatîra ngai ciîngî, nîmandiganîrîtie na matiathîkagîra mawatho makwa.

Jeremia 16:12

Mue nîmwîkîte naaî wana gûkîra methe menyu. Muonthe mûrûmagîrîra merirîria macûku, na ngoro cienyu nî nyûmû na mûtimbathîkagîra.

Jeremia 31:15

Ngai-Mûnene arauga atîrî, “Mûgambo nîweguirwe Rama, wa macakaya na kîrîro kînene. Nî Rakeli ûrarîrîra ciana ciake, na nîararega kûmîrîrua, nîûndû itiarî vo.”

Jeremia 31:29

Vîndî îo andû matikaauga atî, ‘Methe mao nîmarîte thavibu ndûrû, na magego ma ciana ciao nîmagîte ngirira.’

Ezek 16:58

Nwanginya ûgwate kîrîa gîkwagîrîrîte nîûndû wa maûndû maku marîa macûku na marî mûgiro marîa wîkîte.” Ûguo nîguo nie Ngai-Mûnene mbugîte.

Ezek 18:2

“Mwîthagîrwa mûkiuga atîa rîrîa mûkûgweta nthimo îno îgûrû rîgiî vûrûri wa Isiraeli mûkiuga atî, ‘Methe ma ciana maarîre thavibu irî mbîthî namo magego ma ciana makîgîa ngirira?’

Zakaria 1:5

Arathi nîmatûûraga tene na tene? Methe menyu ma tene marî kû?

Ndari 14:18

‘Nie, Ngai-Mûnene, ndiviûvaga kûrakara na mbîcûrîtwe nî wendo ûtathiraga, na nînjovanagîra mevia na waganu. Nwatî ndikaarega kûverithia ciana wana ciana cia ciana ciao nginya njiarwa ya kathatû na ya kana nîûndû wa mevia ma aciari ao.’