Maca 5:21 - ÎVUKU RÎA ÛVORO MWARO

²¹ Tûcokie kûrî we Ngai-Mûnene, natue nîtûgûcoka, tûcokerie riiri ûrîa twarî naguo mbere.

Maca 5:21 ပူးပေါင်းရင်းမြစ်များ

1Atha 18:37

Nthikîrîria we Ngai-Mûnene, nthikîrîria, nîguo andû aya mamenye, atî we Ngai-Mûnene nîwe Ngai na, atî nîwe ûragarûra ngoro ciao magûcokerere.”

Thaburi 80:19

Ngai-Mûnene, Ngai mwene vinya wonthe tûcokie ûrîa twekariî mbere, twîguîre ntha na nîtûkûvonoka.

Thaburi 80:3

Tûgarûre twîkare ûrîa twekariî mbere, twîguîre ntha na nîtûkûvonoka.

Thaburi 80:7

Ngai mwene vinya wonthe tûcokie twîkare ûrîa twekariî mbere, twîguîre ntha na nîtûkûvonoka.

Thaburi 85:4

Tûcokie twîkare ûrîa twekariî mbere, we Ngai mûvonokia wetû, na ûtige kûrakara nîûndû wetû.

Isaia 60:20

Riûa rîaku na mweri waku itikaathûa rîngî, nîûndû nie Ngai-Mûnene nînie ngethîrwa nîrî ûtheri waku tene na tene, nayo mîthenya yaku ya kîeva nîkaathira.

Jeremia 30:20

Ciana ciao igekara wata ûrîa ciekaraga tene, na matuîke rûrîrî rwa kûngooca, na nîngaverithia arîa onthe mamavinyagîrîria.

Jeremia 31:18

“Nîmbîguîte Efiraimu akîaria arî na kîeva, ‘We nîûnthomithîtie kwathîka, nanie ngathîka, ta gacaû gatamenyeretue gwîkîrwa îcoki. Njokia kûrî we na nîngûgûcokerera, nîûndû we nîwe Ngai-Mûnene Ngai wakwa.’

Jeremia 31:4

Nîngamûvanda rîngî, na nîmûgekindîria mue andû akwa a Isiraeli! Nîmûgooca rîngî indo cienyu cia kwina mwîinie na gîkeno mûcanjamûkîte.

Jeremia 33:10

Ngai-Mûnene arauga atîrî, “Îtûûra rîîrî rîtuîkîte ta werû, kûndû gûtatûûragwa nî andû kana nyamû. Matûûrarî ma Juda na njîrarî cia Jerusalemu irîa ciatiganîrue nî andû na nyamû, nîgûkeguua rîngî

Jeremia 33:13

Matûûrarî ma vûrûri ûrîa ûrî irîma, matûûrarî ma Shefela, na matûûrarî marîa marî werûrî wa Negebu, vûrûrirî wa Benjamini, icunjî irîa ithiûrûrûkîrîtie Jerusalemu na matûûra ma Juda, nîgûgaatuîka kûndû kwaro gwa kûrîthia ng'ondu. Ûguo nîguo nie Ngai-Mûnene nîrauga.”

Ezek 36:37

Mwathani Ngai-Mûnene arauga atîrî, “Nîngetîkîria andû a Isiraeli mamvoe nîmatethie na nîngaatûma andû ao mongerereke ta ndîthia ya ng'ondu.

Habakuku 3:2

We Ngai-Mûnene nîmbîguîte ûrîa wîkîte, maûndû marîa wîkîte we Ngai-Mûnene nîmatûmîte nîîtigîre. Îka maûndû mau rîngî îvindarî rîîrî rîetû, tûma mamenyekane îvindarî rîetû, ûnarî na marakara ririkana ntha ciaku.

Malaki 3:4

Kwoguo matega ma andû a Juda na atûûri a Jerusalemu nîmagaakenia Ngai-Mûnene, ta ûrîa vîndî ya tene matega ma methe ma tene maamûkenagia.