Maca 5:16 - ÎVUKU RÎA ÛVORO MWARO

¹⁶ Ngumo yetû nî nthiru, kaî tûrî thînarî-î, nîûndû nîtwîvîtie!

Maca 5:16 ပူးပေါင်းရင်းမြစ်များ

Ayubu 19:9

Nîambaûrîte riiri wakwa, na akanduta nthûmbî kîongo.

Thaburi 89:39

Nîûcûkîtie kîrîkanîro kîrîa warûthire na ndungata yaku, na nîûmûrutîte nthûmbî yake na ûkamikia rûkûngûrî.

Nthi 14:34

Ûthingu nîûtûmaga vûrûri ûgîe îgweta, nwatî mevia nî maconorithagia vûrûri wa wonthe.

Nthi 27:24

nîûndû ûtonga ndûtûûraga tene na tene, wana ûthamaki ndûtûûraga tene na tene.

Isaia 3:8

Andû a Jerusalemu nîavîngîku! Andû a Juda nîagwîu; nîûndû mîario yao na maûndû marîa mekaga nîmareganîte na Ngai-Mûnene, makîreganaga na riiri wake gatagatîrî kao.

Jeremia 13:18

Ngai-Mûnene nîwambîrire atîrî, “Îra mûthamaki na ng'ina maume itîîrî cia ûthamaki, nîûndû nthûmbî ciao irîa nthaka, nînyumu ciongorî ciao.

Jeremia 2:17

Isiraeli na kinthî tî we wîreterete maûndû mama monthe, nîûndû wa kûndiganîria nie Ngai-Mûnene Ngai waku, rîrîa nagûtongoreretie tûrî njîrarî?

Jeremia 2:19

Ûkaverithua nî waganu waku, na ûcirithue nî ûndû wa kûregana nanie. Menya na wone atî ûcio nî ûndû mûcûku na mûrûrû, kûregana na Ngai-Mûnene Ngai waku. We ndûnîtigagîra. Ûguo nîguo Ngai-Mûnene mwene vinya wonthe arauga.

Jeremia 32:23

Nao nîmaatonyire vûrûri ûcio makîwîgwatîra, nwatî matiakwathîkîra kana marûmîrîra watho waku. Matianeka ûndû wanarî ûmwe wa marîa wamaathire. Kwoguo nîûtûmîte manyitwe nî mathîna mama monthe.

Jeremia 4:18

Ciîko cienyu na mîthiîre yenyu, nîyo îkûreterete maûndû mama; ûcio nîguo mûthiro na nî mûrûrû; ûtonyete nginya ngororî yaku ndaarî.”

Maca 1:1

Îtûûra rîrîa rîecûrîte andû kaî rîrî na îvooru î! Nîrîatîîtwe nî mavûrûri, nwatî rîu rîkariî ta mûka wa ndigwa, mbere rîarî mwarî wa mûthamaki, rîu rîtuîkîte ngombo.

Maca 1:18

“Nwatî Ngai-Mûnene arî na kîvooto nîûndû nîndegete kwathîkîra kiugo gîake, nwatî tanthikîrîriani mue andû onthe, taroriani ûrîa nîrathînîka, erîtu na anake akwa nîatave.

Maca 1:20

“Ngai-Mûnene ta roria wone gûkaa gwakwa, mwoyo wakwa ndûrî na vinya. Ngoro yakwa nî munîkangu nîûndû mbîthîrîtwe nîrî mûremi. Njîrarî kûrî na mbûragano, nyomba nakuo nîta gîkuû.

Maca 1:8

Jerusalemu nîyevirie mûno, kwoguo nîyagîre gîko, arîa onthe maarîtîîaga nîmaarînyararire, nîûndû nîmoonire njaga yarîo, Jerusalemu îcaaga na îkenamia ûthiû nîûndû wa nthoni.

Maca 2:1

Ngai-Mûnene arî na marakara, nîaigîte andû a Zayuni ndumarî. Ngai-Mûnene nîanyûrûrûkîtie riiri wa Isiraeli kuuma îgûrû nginya nthî. Mûthenya ûrîa aarakarire ndaaririkana kûrîa magûrû make makinyangaga.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 21:26

Nie Ngai-Mûnene mwene vinya wonthe mbugîte atî: Ruta kîremba kuuma kîongo gîaku na ûrute nthûmbî. Maûndû matigwîkara ûrîa meekariî mbere. Tûgîria arîa enyivia, na ûnyivie arîa metûgagîria.

Mika 6:13

Kwoguo mue nîmwîvîtie na nîngwambîrîria kûmûverithia na nîmûthirie.

Kûguû 2:10

Mue mûtigetigîre nîûndû wa ûndû wa wonthe ûrîa mûgeerie kûthînua naguo. Tathikîrîriani! Ngoma nî agaatûma amwe enyu maikue njeera nîguo mûgerue. Na îvinda rîa mîthenya îkûmi nîmûkaathînua nîguo mûgerue. Tuîkani evokeku kûrî nie wana ethîrwa nîkwa mûkûûragwa, na nie nîngaamûva mwoyo ûrî ta nthûmbî ya ûvootani.

Kûguû 3:11

Nie nîngûka vuva wa Kavinda kanini. Îkaragani mûrî evokeku nîguo mûndû wana ûrîkû ndakamûcune nthûmbî yenyu ya ûvootani.

1Sam 7:6

Kwoguo nîmaacemanirie kûu Mizipa. O nîmaatavire manjî na makîmetûrûra kîrî ta kîveo kûrî Ngai-Mûnene na makîînyerekia mûthenya ûcio wonthe. Nao nîmaaugire atîrî, “Tue nîtwîvîrîtie Ngai-Mûnene.” (Nake Samueli aacirithagîria andû a Isiraeli kûu Mizipa.)