Maca 4:20 - ÎVUKU RÎA ÛVORO MWARO

²⁰ Nîmaanyitire mûnene, ûrîa wathuurîtwe nî Ngai-Mûnene, ûrîa twevokete atî nîke ûgatûgitîra kuuma kûrî nthû cietû.

Maca 4:20 ပူးပေါင်းရင်းမြစ်များ

Kîam 2:7

Nake Ngai-Mûnene, Ngai nîwocire mûthetu na akîûmba mûndû naguo. Nîwacokire akîmûveverera mîruke ya mwoyo maniûrûrî, na mûndû ûcio agîtuîka kîûmbe kîrî mwoyo.

Kîam 44:30

“Kwoguo mwathi wakwa, wona nathiî kûrî vava ndungata yaku ndarî na mwanake ûyû na aigîtwe mwoyo nî mwanake ûyû,

2Sam 1:14

Daudi nîwamûûririe atîrî, “Wavotire kûûraga mûthamaki ûrîa Ngai-Mûnene athuurîte atîa?”

2Sam 1:21

“Mbura îrorega kuura kana îme rîgwa irîmarî cia Giliboa. Mîgûnda ya irîma icio îrotûûra îrî mîthaatu vîndî cionthe. Nîûndû kûu nîkuo ngo ya ûrîa ûrarî vinya îraikirue ta kîndû kîmene; Ngo ya Saûlo ndîkaavakwa maguta rîngî.

2Sam 18:3

Nwatî andû ake nîmaamwîrire atîrî, “Naarî tûtikûthiî nawe, nîûndû tûngîûra wana kana nuthu îmwe yetû yûragwe, nthû icio cietû itingîona takwa ûcio ûrî ûndû; nwatî we wî vata gûkîra andû ngiri îkûmi etû. Kwoguo nî waro makîria kethîrwa nwa ûtûtûmagîre ûtethio wîkarîte gûkû îtûûrarî.”

2Sam 19:21

Nake Abishai mûvîcî wa Zeruia nîwaugire atîrî, “Shimei agîrîrwe nî kûûragwa nîûndû nîwarumire mûndû ûrîa Ngai-Mûnene aathuurire atuîke mûthamaki.”

2Maû 35:25

Mûrathi Jeremia nîwatungire rwîmbo rwa gûcakaîra Josia. Andû onthe arîa mainaga nîmaririkanaga na magakumia Josia nyîmborî ciao cia macakaya nginya ûmûnthî. Watuîkire mûtugo wa andû a Isiraeli wa kwinaga nyîmbo icio vîndî ya macakaya. Nyîmbo icio nîmandîke îvukuurî rîa Macakaya.

Isaia 32:2

Wa mûndû agaatuîka ta kûndû gwa kwîthitha rûkûngi, kana ta vandû va kwîthitha rûkûngi rûnene, kana ta tûrûnjî tûrî kûndû kûnyaru, kana ta mwîgunyî wa îthiga înene werûrî.

Jeremia 39:5

Nwatî athigari a mbaara a Akalidei nîmaamarûmîrîre na magîkinyîra Zedekia vakuvî na Jeriko. Mamûnyita nîmaamûvirire kûrî mûthamaki Nebukadinezarû îtûûrarî rîa Ribula vûrûrirî wa Hamathi, nake mûthamaki nîwamûtuîrîre.

Jeremia 52:8

Nwatî athigari a Babulonia nîmaavinyûrire makîrûmîrîria mûthamaki Zedekia, na makîmûkinyîrîra kûndû kûrîa kwaraganu vakuvî na rûnjî rwa Jeriko, nao athigari ake onthe nîmaamûtiganîrie makîûra.

Jeremia 52:9

Nao athigari a mbaara a Babulonia nîmaagwatire mûthamaki Zedekia, na makîmûvira kûrî mûthamaki Nebukadinezarû ûrîa warî îtûûrarî rîa Ribula rîrîa rîrî mûringo wa Hamathi, na akîmûtuîra ciira.

Maca 2:9

Mîrango ya Jerusalemu nîyagwîre na nî mîthike nî mûthetu, mîkîgo îrîa îvingaga mîrango nî miunîkangu, athamaki na aathani marî îthamîriorî. Watho nîwatigire kûthomithanua, nao arathi a Jerusalemu mationaga cioneki kuuma kûrî Ngai-Mûnene.

Ezek 12:13

Nîngaakûnjûra neti ta mûtego nîguo agwatue nîyo na nîngaamûvira Babuloni vûrûrirî wa Akalidei. Kûnarî ûguo ndakaawona, wana ethîrwa nîagaakuîrîra kuo.

Ezek 17:18

Ke ndakaavonoka nîûndû nîwanyararire mwîvîtwa ûrîa eevîtire na akiuna kîrîkanîro kîrîa maarîkanîre na akîandîka agîkîra ûira.”

Ezek 31:17

Mîtî îo nîkaanyûrûrûkua vamwe naguo îkîthiî kwa arîa akuû îkanyitanîre na arîa maaûragîtwe vîndî ya mbaara wa vamwe na andû arîa meekaraga rungu rwa kîruru Kîamguo.

Danieli 4:12

Mathangû ma guo maarî mathaka, na warî na matunda meengî ma kwîgana andû onthe a nthî. Nyamû cia kîthaka nîciathiîcaga mwîgunyîrî wa mûtî ûcio, iconi nîciatumaga ciomba mvûarî ciaguo na ciûmbe cionthe ciarîcaga matunda ma mûtî ûcio.

Hosea 13:10

Mûthamaki wenyu arîkû rîu nîguo amûvonokie? Atongoria enyu marî kû nîguo mamûgitîre? Nîmue mwavoire atîrî, ‘Tûve mûthamaki na anene nîguo matwathage.’

Atir 9:15

Naguo mûtare wa kîthakarî nîwerire mîtî îo îngî atîrî, ‘Ethîrwa nîmûkwenda nduîke mûthamaki wenyu, ûkani mwîkare kîrururî gîakwa na ethîrwa tî mwîka ûguo, mwaki ûrouma mûtarerî ûyû wa kîthaka na ûvîvie mîtarakwe ya Lebanoni viû.’ ”

1Sam 12:3

Rîu nie nîrî ava. Ethîrwa kûrî na ûndû mûcûku naneka, nthitangani rîu tûrî mbere ya Ngai-Mûnene na mbere ya mûthamaki ûrîa ke eetîrîrie maguta. Nanaîa ng'ombe kana mvunda ya mûndû? Nanacuuna mûndû kîndû na njîra ya maveeni, kana ngakinyîrîria mûndû? Nanetîkîra gwoca îvaki kuuma kûrî mûndû wana ûrîkû? Ethîrwa naneka ûmwe wa maûndû mama, nie nîngûrîva.”

1Sam 12:5

Nake Samueli nîwacokirie na akiuga atîrî, “Ngai-Mûnene wa vamwe na mûthamaki ûrîa ke eetîrîrie maguta nî aira ûmûnthî, atî mue nî mwona ndirî na mavîtia.” Nao andû makiuga atîrî, “Îni, Ngai-Mûnene nî mûira.”

1Sam 16:6

Rîrîa maakinyire, Samueli nîwaroririe mûvîcî wa Jesii ûrîa wetagwa Eliabu na akîîra na ngoro atîrî, “Nama mûndû ûyû ûrûngamîte ava mbere ya Ngai-Mûnene nîke athuurîte.”

1Sam 24:10

Taroria, ûmûnthî we nîweyonera ûrîa Ngai-Mûnene arakûnenganîrîte kûrî nie kûu ngurungarî? Andû amwe akwa nîmambîraga ngûrage, nwatî nîngwîguîrîre ntha na nauga atî, ndingîgwîka ûûru wanarî vanini nîûndû Ngai-Mûnene nîakûthuurîte ûtuîke mûthamaki.

1Sam 24:6

Nake nîwerire andû ake atîrî, “Ngai-Mûnene arongiria nîguo ndigeeka mwathi wakwa ûndû mûcûku, nîûndû nî Ngai-Mûnene ûmûthuurîte atuîke mûthamaki! Ndiagîrîrwe nî kûmwîka ûndû mûcûku, nîûndû ke nîke mûthamaki ûrîa Ngai-Mûnene amûrîte!”

1Sam 26:16

Ûguo wîkîte tî waro. Nîrevîta na Ngai-Mûnene ûrîa ûtûûraga mwoyo atî, we wagîrîrwe nî kûragwa, nîûndû ndûnagitîra mûnene wenyu ûrîa Ngai-Mûnene aathuurire atuîke mûthamaki. Taroriani wone îtumû rîa mûthamaki rîrî kû? Naguo mûcuva wa manjî ûrîa ûrarî vakuvî na kîongo gîake ûrî kû?”

1Sam 26:9

Nwatî Daudi nîwerire Abishai atîrî, “Ndûkamûrage! Ngai-Mûnene nwa averithie mûndû wa wonthe ûrîa ûngîka mûthamaki ûrîa ke athuurîte ûûru.”