Maca 4:19 - ÎVUKU RÎA ÛVORO MWARO

¹⁹ Arîa maatûvinyûrîtie maarî na îvenya mûno, gûkîra ndiiû irî îgûrû, maavinyûranîrie natue irîmarî, na magîtwîthithîra werûrî.

Maca 4:19 ပူးပေါင်းရင်းမြစ်များ

Jeremia 16:16

Ngai-Mûnene arauga atîrî, “Nîngwîta ategi eengî mûno a nthamaki nîguo matege andû aya. Nîngûcoka mbîte aguîmi eengî mûno, nîguo mamacarie irîmarî cionthe na tûrîmarî na ngurungarî cia mathiga.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Maca 1:13

“Nîwatûmire mwaki kuuma îgûrû ûrîa wamvîvirie mavîndî. Nîwambigîre mûtego na akînjokia vuva, nîwacokire akîndiganîria ngîtinda nîrî mûgirîku.

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Hosea 8:3

Nwatî andû a Isiraeli nîmareganîte na ûndû ûrîa mwaro; nîûndû wa ûguo, rîu nthû nîîkûmûrûmîrîra.

Alawi 26:36

Nîngaatûma andû enyu arîa marî îthamîriorî mecûrwe nî guoya nginya mamakague nî mûgambo wa îthangû rîkinainua nî rûkûngi. Mûkaaûraga takwa mûvinyûrîtue mûkîûrîra mbaara, na mûkaagûcaga wana gûtarî nthû imûvinyûrîtie.

Amosi 2:14

Andû arîa marî îvenya mûno matikoona gwa kûûrîra, andû arîa marî vinya mwîngî nîmakaathirwa nî vinya, na athigari matikaavota kûvonokia mîoyo yao.

Habakuku 1:8

“Mbarathi ciao irî îvenya gûkîra itang'a; nînyûmîrîru gûkîra ciathi irî mvûtu. Itwîte mbarathi ciumîte kûndû kûraca; andû ao arîa mathiîcaga maumaga kûndû kûraca, igûrûkaga na îvenya ta nderi îkînyita gîa kûrîa.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.