Maca 3:59 - ÎVUKU RÎA ÛVORO MWARO

⁵⁹ Nîûndû we Ngai-Mûnene nîwonire maûndû macûku marîa nekirwe, nduîra ciira ûrîa kwagîrîrîte.

Maca 3:59 ပူးပေါင်းရင်းမြစ်များ

Kîam 30:6

Rakeli nîwaugire atîrî, “Ngai nîwatua ciira wakwa waro. Ke nîwîguîte mavoya makwa na amva kavîcî.” Kwoguo Rakeli nîwatuîrîre kaana kau rîîtwa Dani.

Kîam 31:42

Tiga nî ûrîa Ngai wa methe makwa ûrîa arî ke Ngai wa Iburahimu na Isaka ethîrîtwe arî vamwe nanie ûngîamîngatire ndarî kîndû. Nwatî Ngai nîwonire mathîna makwa na wîra ûrîa ndutîte na nîkîo kîratûmire agûkaanie ûtukû.”

Thaburi 10:14

Nwatî we nîwonaga arîa marî na mathîna na mînyamaaro, na wîthagîrwa vîndî cionthe wîvarîrîtie kûmatethia. Andû arîa matarî vinya merekagîrîria njararî ciaku; we nîûtethagia athîni vîndî cionthe.

Thaburi 26:1

We Ngai-Mûnene, nduîra atî ndirî na mavîtia, nîûndû mbîkaga maûndû marîa magîrîrîte, na nî ngwîvokete viû.

Thaburi 35:1

We Ngai-Mûnene, regana na arîa mareganaga nanie, na ûrûe na arîa marûaga nanie!

Thaburi 35:23

Ûkîra, we Ngai-Mûnene, na ûngitîre, ûkîra, we Ngai wakwa, na ûnjirîrîre.

Thaburi 43:1

We Ngai, nduîra atî ndirî na mavîtia, na ûnjirîrîre kûrî andû arîa matarî na ûûngai; mvonokia kuuma kûrî andû a maveeni na acûku!

Thaburi 9:4

Nî ûnduîrîtie na ûgatua atî nîrî mûthingu, nîûndû ûnduîrîrîte na kîvooto.

Jeremia 15:10

Nyanya, kaî nîrî na thîna-î! Wanjiarire nîkî, nîûndû ndûûraga ngucanagia na andû vûrûrirî wonthe? Ndianakombithia mûndû kana ngoba kûrî mûndû, nwatî andû onthe nîmaranuma.

Maca 3:36

Na nîamenyaga rîrîa ciira ûtagûtuwa na kîvooto.

Maca 3:60

We nîwonete ûrîa nthû ciakwa imenete, nîwonete mîvango yao mîcûku îgûrû rîakwa.

1Pet 2:23

Rîrîa aarumirwe, ndeerîvîrîria na kûrumana. Rîrîa aathînirue, gûtirî mûndû eevîtîre, nwatî aaigire mwîrîgîrîro wake kûrî Ngai ûrîa ûtucanagîra cira na kîvooto.