Maca 3:54 - ÎVUKU RÎA ÛVORO MWARO

⁵⁴ Nambîrîria gûkunîkîrwa nî manjî; nînaugire atîrî, ‘Ûyû nî mûthiro wakwa.’

Maca 3:54 ပူးပေါင်းရင်းမြစ်များ

Ayubu 22:11

Ûkunîkîrîtwe nî nduma nîguo ndûkoone kîndû, na ûgakunîkîrwa nî mwîcûro wa manjî.

Thaburi 18:4

Naathiûrûrûkîrîtue nî mîtego ya gîkuû mîena yonthe, naatharîkîrîtwe nî ivuvûkanio cia kûnjûkangia.

Thaburi 31:22

Naarî mûmaku na ngeciria atî ûrî mûriganîre nînie, nwatî nîweguire kîrîro gîakwa rîrîa nagûkaîre ûndethie.

Thaburi 69:15

Ndûkandekererie ndwarwe nî mwîcûro wa manjî, kana mbûrîra kûrîa kûriku, kana gîkuû kîmerie.

Thaburi 88:16

Nîrî mûcûkangie nî marakara maku, ntharîkîro yaku nene nîînjûkangîtie viû.

Isaia 53:8

Nîwavinyîrîrue na agîtuîrîrwa ciira gûtarî na kîvooto na akîvirwa kûûragwa, na gûtirî mûndû wamakagua nî maûndû marîa oonaga. Nîwathengutirue vûrûrirî wa arîa marî mwoyo, aaûragirwe nîûndû wa mevia ma andû akwa.

Maca 3:18

Kwoguo mbugaga atîrî, mwago wakwa nîwathirire, wana kîîrîgîrîro gîakwa kûrî Ngai-Mûnene nîkîathirire.

Ezek 37:11

Nake Ngai nîwambîrire atîrî, “We mûndû, mavîndî mau nî andû onthe a Isiraeli. Maugaga atî nîaûmagaru, matirî na kîîrîgîrîro na nîathiru viû.

Luka 11:10

Nîûndû mûndû wa wonthe ûvoyaga nîavecagwa, ûrîa ûcaragia nîwonaga na ûrîa nake ûringaringaga mûrango, nîavingûragîrwa.