Maca 3:39 - ÎVUKU RÎA ÛVORO MWARO

³⁹ Mûndû ndagîrîrwe nî gûteta, akîverithua nîûndû wa mevia make.

Maca 3:39 ပူးပေါင်းရင်းမြစ်များ

2Atha 3:13

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”

2Atha 6:32

Nîwacokire agîtûma mûnjaama athiî akagîre Elisha. Vîndî îo Elisha aarî mûciî marî na athuuri arîa maathiîte kûmûcerera. Mbere ya mûnjaama ûrîa mûthamaki aatûmîte akinye, Elisha nîwerire athuuri acio atîrî, “Mûragani nîwatûma mûndû aûke ambûrage! Vîndî îrîa agaakinya gûkû, mûkavinga mûrango na mûtikamwîtîkîrie atonye. Mûthamaki ke mwene akethîrwa amumîte vuva.”

2Atha 6:33

Wa Elisha akîaragîria athuuri acio, mûthamaki nîwakinyire na akiuga atîrî, “Ngai-Mûnene nîke ûtûmîte tûgîe na thîna îno! Mbetererete Ngai-Mûnene eke ûndû rîngî nîkî?”

Ezira 9:13

Ûrîa wonthe wîkîkîte kûrî tue wîkîkîte nîûndû wa mevia na mavîtia metû. Nwatî we Ngai wetû îvera rîrîa ûtûverithîtie narîo nî rînini gûkîra ûrîa twagîrîrwe nî kûverithua, na ûgetîkîra tûtigare tûtarî athiru viû.

Ayubu 11:6

Na acoke akwîre maûndû ma nthitho na ma ûûgî? Ngai nîamenyaga maûndû na njîra ndikîru, menya atî, Ngai ndakûverithagia kûringana ûrîa na wîvîtie.

Ayubu 15:13

Nginya ûkaregana na Ngai, na ûkaaria ciugo njûku ta icio?

Thaburi 107:17

Andû amwe maarî irimû nîûndû wa mevia mao, na makathînîka nîûndû wa maûndû mao macûku;

Nthi 19:3

Mûndû angîîcûkangia nîûndû wa ûrimû wake, acokaga kûrakarîra Ngai-Mûnene.

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Jeremia 10:19

Kaî tue andû a Jerusalemu tûrî ativie-î! Ngurara yetû nî nene mûno! Nwatî nînaugire atîrî, “Nama îno nî mînyamaaro, na nwanginya nyûmîrîrie.”

Jeremia 30:15

Mûrarîra nîûndû wa ngurara cienyu nîkî? Ruuo rwenyu rûtingîthira. Nîmwîkîte maûndû mama monthe, nîûndû mavîtia menyu nî manene, mevia menyu nî meengî mûno.

Maca 3:22

Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Alawi 26:41

Nînaareganire nao na ngîmavira îthamîriorî vûrûrirî wa nthû ciao. Mûthiiarî ethîrwa njiarwa cienyu nîikenyivia na ciîrire itige kwîvia,

Alawi 26:43

Nwatî mbere, andû nî makaauma vûrûrirî ûcio, naguo nîûkaavurûka na ûkûngûîre thavatû cia guo, na nwanginya makaaverithua nîûndû wa mevia mao ma kûregana na mawatho na irîra ciakwa.

Mika 7:9

Nîmvîtîrîtie Ngai-Mûnene, kwoguo nwanginya nyûmîrîrie marakara make, nginya rîrîa akanjirîrîra na onanie kîvooto gîakwa. Nîakaanduta nja kûrîa kûrî na ûtheri, nanie nîngoona akîmvonokia.

Ndari 11:11

Kwoguo Musa nîwerire Ngai-Mûnene atîrî, “Ûmbîkîte naaî ûguo nîkî? Ûrakarîte nînie nîkî? Ûnduîte mûmenyereri wa andû aya onthe nîkî?

Ndari 16:41

Mûthenya ûcio warûmîrîrîte, andû onthe a Isiraeli nîmaatetirie Musa na Aroni makîmeeraga atîrî, “Nîmwaûraga andû a Ngai-Mûnene.”

Ndari 17:12

Nao andû a Isiraeli nîmeerire Musa atîrî, “Taroria! Nîtwathira! Nîtwathira tuonthe!

Kûguû 16:9

Nao nîmaavîvirue nî ûrugarî wa riûa na makîruma Ngai ûrîa ûrî na wathani îgûrû rîa mavera mama. Nwatî nîmaaregire kwîrira na gûkumia ûnene wake.