Maca 3:25 - ÎVUKU RÎA ÛVORO MWARO

²⁵ Ngai-Mûnene nî mwaro kûrî arîa mamwîvokete, na kûrî arîa onthe mamûcaragia.

Maca 3:25 ပူးပေါင်းရင်းမြစ်များ

Kîam 49:18

“Mbetererete ûvonokio waku we Ngai-Mûnene.

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 15:2

Nîwathiîre gûtûnga mûthamaki Asa na akîmwîra atîrî, “Asa, wana andû onthe a Juda na a Benjamini, tanthikîrîriani. Ngai-Mûnene ethagîrwa arî vamwe namue rîrîa rîonthe mûrî nake. Mûngîmûcaria mûkaamwona, nwatî mûngîmûtiganîria wanake akaamûtiganîria.

2Maû 19:3

Kûnarî ûguo, nîwonetwe ûrî na maûndû maro. Nîwathiririe mîvuanano ya Ashera, ngai ya mûndûmûka gûkû vûrûrirî îrîa andû maagoocaga na nîûgeretie mûno gûcaria wendi wa Ngai na ngoro yonthe.”

2Maû 30:19

arîa magaakûgooca we Ngai, Ngai-Mûnene, Ngai wa methe mao wana ethîrwa matetheretie kûringana na watho wa hekarû.”

2Maû 31:21

Wîra wa wonthe ûrîa mûthamaki Hezekia aarutaga hekarûrî wîgiî kûrûmîrîra watho na maathani ma Ngai, aaûrutaga arî na wîvokeku na nîwavoyaga Ngai wake na akaruta wîra na ngoro yake yonthe. Kwoguo nîwekindîrie.

Ezira 8:22

Nînegwire nthoni cia kwîra mûthamaki atûnengere athigari a mbarathi a gûtûgitîra kuuma kûrî nthû tûrî rûgendorî rwetû. Neguire nthoni nîûndû nînamwîrîte atî Ngai nîarathimaga mûndû wa wonthe ûrîa ûmwîtîkîtie, nwatî ndakenagua nî arîa mamûtiganagîria na nî amaverithagia.

Thaburi 105:3

Kenani nîûndû wa rîîtwa rîake, arîa onthe magoocaga Ngai-Mûnene nîmakene.

Thaburi 119:2

Kûrathimwa nî arîa marûmagîrîra kîrîra gîake, arîa mamûcaragia na ngoro ciao cionthe;

Thaburi 22:26

Athîni makaarîa nginya mavae, arîa magoocaga Ngai-Mûnene nî makaamûkumia. Marotûûra mûrî athatûke tene na tene!

Thaburi 25:8

Ngai-Mûnene nî mûthingu na nî mwaro, kwoguo nîathomithagia evia njîra îrîa magîrîrwe nî kûrûmîrîra.

Thaburi 27:14

Îîvoke Ngai-Mûnene. Gîa na vinya, na ndûgakue ngoro. Îîvoke Ngai-Mûnene.

Thaburi 27:8

Rîrîa waugire atîrî, “Ûka ûngooce,” nînaacokirie atîrî, “Nîngûka, Ngai-Mûnene;

Thaburi 37:34

Îîvokeni Ngai-Mûnene na mûrûmagîrîre maathani make; nîakaamûtûgîria na mwîgwatîre vûrûri, na nîmûkoona andû arîa aganu magîcûkangua.

Thaburi 37:7

Vorera na weterere Ngai-Mûnene agûtethie; ndûkamakue nî arîa marathiî na mbere na maûndû mao, kana arîa mavangaga mîvango mîcûku na îgakinyanîra.

Thaburi 39:7

Rîu Mwathani, mwîvoko wakwa ûrî kû? Mwîvoko wakwa ûrî kûrî we.

Thaburi 61:1

Ûûi Ngai, thikîrîria kîrîro gîakwa, thikîrîria îvoya rîakwa!

Thaburi 61:5

We Ngai, nîwîguîte ciîranîro ciakwa, na nî ûmvete îgai rîrîa ûvecaga arîa magwîtigîrîte.

Thaburi 69:32

Rîrîa andû arîa avinyîrîrie makoona ûguo nîmagaakena, arîa magoocaga Ngai nîmakaaûmîrîrua.

Thaburi 71:14

Nwatî nie nîndûûra ngwîrîgîrîte; na ngûkumagie makîria.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 26:9

Ngoro yakwa nîîkwîriragîria ûtukû; nie nîngûcaragia na kinyi. Nîûndû rîrîa ûgaatuîra nthî, andû onthe a nthî nîmakaamenya gwîka maûndû ma ûthingu.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 55:6

Cariani Ngai-Mûnene vîndî îrîa angîoneka, mwîteni vîndî îrîa arî vakuvî.

Isaia 64:4

Kuuma tene gûtirî mûndû wanegua kana akona Ngai îngî tiga we, ûrîa wîkaga andû arîa mamwîvokete maûndû ta mau.

Maca 3:26

Nî waro mûndû gwîkara akirîrîrîtie, etererete ûvonokio wa Ngai-Mûnene.

Hosea 10:12

Îvandîreni ûthingu, namue nîmûgaaketha wendo; Rîmani mîgûnda îrîa yatigirwe, nîûndû kavinda ga kûnjaria nie Ngai mûnene nîgakinyu, nanie nîngaamurîria kîrathimo ta mbura.

Zefania 3:8

Ngai-Mûnene nîwaugire atîrî, “Mbetererete mûthenya ûrîa ngarûngama nîrî mûira. Nînduîte ciira atî nîngûngania mavûrûri na mothamaki. Nthî yonthe nîgaacûkangua nî mwaki wa marakara ma Ngai-Mûnene.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

Jakuvu 5:7

Kwoguo ariû na aarî a îthe wetû, kiragîrîriani nginya rîrîa Mwathani agaacoka. Taroriani ûrîa mûrîmi akiragîrîria etererete mûgûnda wake ûgîe na maciaro ma vata. Ke nîakiragîrîria maurîrwe nî mbura ya mbere na ya mûthiia.