Maca 3:24 - ÎVUKU RÎA ÛVORO MWARO

²⁴ Ngai-Mûnene nîke mwîvoko wakwa, kwoguo kîîrîgîrîro gîakwa kîrî kûrî ke.

Maca 3:24 ပူးပေါင်းရင်းမြစ်များ

1Maû 5:20

Nîmaaigire mwîvoko wao kûrî Ngai na makîmûvoya amatethie. Nake Ngai nîwegwire mavoya mao na nîwamatethirie makîvoota andû a Hagiri vamwe na andû arîa maarî ngwatanîro nao.

Ayubu 13:15

Enda kûmbûraga nîambûrage, ndirî na mwîrîgîrîro wîngî. Kûnarî ûguo, ngeyarîrîria varî ke.

Ayubu 22:25

na Ngai mwene vinya wonthe ethîrwa nîke thaavu yaku, na nîke sîlûva yaku ya goro,

Thaburi 119:57

We Ngai-Mûnene, nîwe îgai rîakwa, nîngwîranîra kûvingia mawatho maku.

Thaburi 130:7

We Isiraeli, îîvoke Ngai-Mûnene, nîûndû Ngai-Mûnene ethagîrwa arî na wendo ûtathiraga, na ethagîrwa arî na vinya mûnene wa kûvonokania.

Thaburi 142:5

We Ngai-Mûnene nîwe ngayagîra, mbugaga atîrî, “We nîwe mûgitîri wakwa, nîwe îgai rîakwa vûrûrirî wa arîa marî mwoyo.

Thaburi 16:5

We Ngai-Mûnene, nîwe îgai rîakwa, nîwe ûmvecaga indo cionthe irîa mvataraga, ûtûûro wakwa ûrî njararî ciaku.

Thaburi 31:24

Gîani na vinya na mûmîrîrie, mue muonthe arîa mwîvokete Ngai-Mûnene.

Thaburi 33:18

Ngai-Mûnene nîaroragia arîa mamwathîkagîra, arîa mevokete wendo wake ûtathiraga.

Thaburi 42:11

Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na nîmûkumie rîngî, mûvonokia wakwa na Ngai wakwa.

Thaburi 42:5

Nîndûî gîtûmîte ngîe na kîeva ûguo ngororî? Nîrathînîka ûguo nîkî? Nîmbiga mwîvoko wakwa kûrî Ngai, na nîngaamûkumia rîngî, ke nîke mûvonokia wakwa na Ngai wakwa.

Thaburi 43:5

Nîndûî gîtûmîte ngîe na kîeva ûguo? Nîrathînîka ûguo nîkî? Nîmbiga mwîvoko wakwa kûrî Ngai, na rîngî nîngaamûkumia, mûvonokia wakwa na Ngai wakwa.

Thaburi 62:8

Îîvokageni Ngai vîndî cionthe, mue andû aya, mûmenyithagieni mathîna menyu monthe, nîûndû nîke vandû vetû va kûûrîra.

Thaburi 71:14

Nwatî nie nîndûûra ngwîrîgîrîte; na ngûkumagie makîria.

Thaburi 73:26

Mwîrî wakwa na ngoro yakwa nwa ithire vinya, nwatî Ngai nîke vinya wakwa; nîke wenga tu mvatarîtue nîke.

Thaburi 84:12

We Ngai-Mûnene, mwene vinya wonthe, kûrathimwa nî mûndû ûrîa ûkwîvokete.

Thaburi 94:19

Rîrîa negua ngîtangîka mûno ngororî, We Ngai-Mûnene ûnyûmagîrîria na ûgatûma ngîa na gîkeno.

Jeremia 10:16

Ngai wa Jakovu ndavana ta cio, nîûndû nîke waûmbire indo cionthe, na nîathuurîte Isiraeli matuîke andû ake, Ngai-Mûnene mwene vinya wonthe nîrîo rîîtwa rîake.

Jeremia 51:19

Ngai wa Jakovu ndavana ta cio; nîûndû nîke waûmbire indo cionthe, na akîthuura mûvîrîga wa Isiraeli ûtuîke andû ake kîûmbe. Ngai-Mûnene mwene vinya wonthe nîrîo rîîtwa rîake.

Maca 3:21

Nwatî nîngîcaga na kîîrîgîrîro, naririkana ûndû ûyû ûmwe:

Mika 7:7

Nwatî nie nîvokete Ngai-Mûnene, mbeterere Ngai nîguo amvonokie. Ngai wakwa nîakûmbîgua.

Aroma 15:12

Wana rîngî mûrathi Isaia augîte atîrî, “Nyombarî ya Jesii nîgûkaauma mûndû, agaaûka kwatha andû a Ndûrîrî, nao nîmakaaiga mwîvoko wao kûrî ke.”

Gûco 18:2

Matikaagaîrwa kûndû gwa gûtûûra ta mîvîrîga îrîa îngî ya Isiraeli. Ngai-Mûnene nîke îgai rîao wata ûrîa aamerîîre.

1Pet 1:21

Na njîra ya Kristû nîmwîtîkîtie Ngai ûrîa wariûkirie Kristû na akîmûva riiri. Kwoguo rîu mûtûûraga mwîtîkîtie Ngai na mwigîte mwîrîgîrîro wenyu kûrî ke.

1Sam 30:6

Vîndî îo Daudi aarî na thîna nyîngî, nîûndû andû ake maarî na marûrû meengî mûno nîûndû wa kûûrîrwa nî ciana ciao. Nao nîmeendaga kûriva Daudi na mathiga, nwatî nîweyûmîrîrie nîûndû wa kwîvoka Ngai-Mûnene, Ngai wake.