Maca 3:22 - ÎVUKU RÎA ÛVORO MWARO

²² Atî wendo ûtathiraga wa Ngai-Mûnene ûtûraga tene na tene, ntha ciake itithiraga.

Maca 3:22 ပူးပေါင်းရင်းမြစ်များ

2Sam 24:14

Daudi nîwerire Gadi atîrî, “Nînîrathînîka mûno! Nwatî ndikwenda kûverithua nî andû. Nî kava tûverithue nî Ngai-Mûnene ke mwene nîûndû arî ntha nyîngî.”

Nehemia 9:31

Nwatî kûnarî ûguo nîûndû ûrî ntha nyîngî mûno, ndwanamathiria kana ûmatiganîria. Ngai, we ûrî mwaro na ûrî ntha!

Thaburi 103:10

Ndatûverithagia kûringana na mevia metû, kana atûrîvia kûringana na mavîtia metû.

Thaburi 106:45

Nîwaririkanire kîrîkanîro gîake nîûndû wao, na akîricûkwa nîûndû wa wendo wake mwîngî ûrîa ûtathiraga.

Thaburi 69:17

Ndûkethithîre ndungata yaku; njokeria na îvenya nîûndû nîrî thînarî!

Thaburi 77:8

Nîkwa wendo wake ûrîa ûtathiraga ûrî mûthiru? Anga ndakaavingia ciîranîro ciake?

Thaburi 78:38

Nwatî Ngai nîwaeguîrîre andû ake ntha, na akîmarekera mevia mao. Mavinda meengî nîwerigagîrîria kûrakara, na nîwerigagîrîria mang'ûrîka.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Jeremia 3:12

Thiî wanîrîre ndûmîrîri îno kûrî andû a rûgûrû, na ûmeere atî: Njokererani mue andû a Isiraeli mûtarî evokeku; ûguo nîguo Ngai-Mûnene arauga. Nie tînîmûroria nîrî na marakara, nîûndû nîrî ntha; tîndûûra ndakarîte nîwe. Ûguo nîguo Ngai-Mûnene arauga.

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Jeremia 31:20

“Efiraimu nî mûvîcîwa ûrîa mendete. Ke nî mwana wakwa ûrîa mendete mûno. Nîûndû wana rîrîa ngûmûnegenia nwa nîmûririkanaga. Kwoguo ngoro yakwa nîîmwîriragîria; nama nîngamwîguîra ntha. Ûguo nîguo nie Ngai-Mûnene nîrauga.

Danieli 9:9

We Mwathani Ngai wetû nîwîgucanagîra ntha, na nîwovanagîra wana ethîrwa nîtûreganîte nawe.

Malaki 3:6

“Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Luka 1:50

nacio ntha ciake nî ikinyagîra arîa onthe mamûtîîte, kuuma rûciaro rûmwe nginya rûrîa rwîngî.